Second Hand iPhone: సెకండ్ హ్యాండ్ ఐఫోన్ కొంటున్నారా.. మోసపోవద్దంటే ఈ విషయాలను తెలుసుకోండి

How To buy Second Hand iPhone | పాత ఐఫోన్ కొనేటప్పుడు జాగ్రత్తగా ఉండాలి. కొందరు పండుగల సీజన్లో భారీ తగ్గింపు అని సెకండ్ హ్యాండ్ ఐఫోన్ కొనే క్రమంలో మోసపోతుంటారు.

పండుగల సీజన్లో సెకండ్ హ్యాండ్ ఐఫోన్లను కొనుగోలు

అసలైన ఐఫోన్‌ను గుర్తించడానికి మీకున్న మార్గం దాని సీరియల్ నంబర్, IMEI. ప్రతి అసలైన ఐఫోన్‌కు ప్రత్యేక ID ఉంటుంది. సెట్టింగ్స్‌కు వెళ్లి లేదా *#06# డయల్ చేసి చెక్ చేయవచ్చు. ఈ నంబర్‌లను బాక్స్, సిమ్ ట్రేపై ఇచ్చిన నంబర్‌ ఒకటేనా కాదా పరిశీలించాలి. అన్ని వివరాలు సరిపోలితే, ఆ ఫోన్ ఒరిజనల్ ఐఫోన్. దీంతో పాటు Apple వెబ్‌సైట్‌లో సీరియల్ నంబర్‌ను ఎంటర్ చేసి దాని మోడల్, వారంటీ సమాచారాన్ని పొందవచ్చు.

కేవలం వాటి నెంబర్లే కాదు, ఐఫోన్ బిల్డ్ క్వాలిటీ కూడా చెక్ చేయాలి. ఐఫోన్ చేతిలోకి తీసుకుంటే గట్టిగా, క్వాలిటీగా కనిపిస్తుంది. బటన్లు ఈజీగా ప్రెస్ అవుతాయి. వెనుక వైపు ఆపిల్ లోగో చాలా స్పష్టంగా కనిపిస్తుంది. నకిలీ ఐఫోన్లలో తరచుగా బరువు, డిస్‌ప్లే క్వాలిటీ మారతాయి. లోగో స్థానంలో మార్పుతో పాటు లోపాలు కనిపిస్తాయి.

ఒరిజనల్ ఐఫోన్ ఐఓఎస్ సాఫ్ట్‌వేర్ సరిగ్గా పనిచేస్తుంది. అసలైన iPhone అయితే iOSలో నడుస్తుంది. Hey Siri కమాండ్‌పై Siri వెంటనే యాక్టివ్ కావడం గమనించవచ్చు. నకిలీ ఫోన్‌లలో చాలా వరకు Android ఆపరేటింగ్ సిస్టమ్‌ను iOSలా చూపించడానికి ప్రయత్నిస్తారు. అందులో అప్‌డేట్‌లు, ఫీచర్‌లు సరిగ్గా పని చేయవు.

మీరు కొత్త ఐఫోన్ కొనుగోలు చేసే సమయంలో దాని ప్యాకేజింగ్, వెంట వచ్చే పరికరాలను జాగ్రత్తగా పరిశీలించండి. Apple ఐఫోన్ బాక్స్ నాణ్యమైన ప్రింట్, మంచి ప్యాకింగ్‌తో వస్తుంది. నకిలీ ఫోన్‌తో వచ్చే బాక్స్, ఛార్జర్ లాంటివి తక్కువ నాణ్యతతో కనిపిస్తాయి.

మీరు కొన్న మొబైల్ మీద ఇంకా డౌట్ ఉంటే కనుక Apple సర్వీస్ సెంటర్‌కు తీసుకెళ్లడం బెటర్. అక్కడ నిపుణులు మీ iPhone అసలైనదా లేదా నకిలీదా అని చెక్ చేసి కన్ఫామ్ చేస్తారు.