శని భయపెట్టడమే కాదు భయపడతారు కూడా! ఎవరికి తెలుసా?

Shani Dev: శని దేవుడు సూర్యుని కుమారుడు, కర్మఫలదాత. కోప స్వభావం కలిగి ఉంటారు. అయితే శని భయపెట్టడమే కాదు భయపడతాడు కూడా...ఎవరికి తెలుసా?

Shanidev is afraid of these 5 things

సూర్య పుత్రుడు శనిదేవుడి గురించి .. కోప స్వభావం గురించి భయం అందరకీ ఉంటుంది. శనిదోషం చాలా ప్రభావం చూపిస్తుందని భయపడతారు. కానీ అందరకీ ఇది జరగదు. శని న్యాయనిర్ణేత..చెడ్డ పనులు చేసేవారిపైనే ప్రభావం చూపిస్తాడు. అయితే ప్రపంచమంతా భయపడే శనిదేవుడు.. ఈ ఐదుగురికి భయపడతాడు

శని దేవుడు వాయుపుత్రుడు హనుమంతుని భయపడతారని నమ్ముతారు. అందువల్ల హనుమంతుని దర్శనం, పూజతో శని దోషాలన్నీ తొలగిపోతాయని చెబుతారు. హనుమంతుని క్రమం తప్పకుండా పూజించే వారిపై శని గ్రహదశ ప్రత్యేక ప్రభావం ఉండదు.

ఆయన లీలలతో పాఠాలు నేర్పించే శ్రీకృష్ణుడిని శనిదేవుడు ఇష్టదైవంగా భావిస్తారు. తన ఇష్టదైవాన్ని ఒక్కసారైనా చూడాలని శనిదేవుడు కోకిల వనంలో తపస్సు చేశాడని నమ్మకం. శనిదేవుడి కఠోర తపస్సుతో సంతోషించిన శ్రీకృష్ణుడు కోకిల రూపంలో దర్శనమిచ్చాడు. అప్పుడు శనిదేవుడు ఇకపై కృష్ణుడి భక్తులను బాధించనని మాటిచ్చాడు

పురాణాల ప్రకారం, శని దేవుడికి రావి చెట్టు అంటే భయం. అందుకే శనివారం నాడు రావి చెట్టు కింద ఆవాల నూనెతో దీపం వెలిగించడం వల్ల శని దేవుడు సంతోషిస్తాడు. పిప్లాద్ ముని పేరు జపించి, రావి చెట్టును పూజిస్తే శనిదశ ప్రభావం ఎక్కువగా ఉండదట

శనికి తన భార్యను చూసి భయపడతాడట. అందువల్ల జ్యోతిషశాస్త్రంలో శని దశలో శని భార్య పేరుతో మంత్రం జపించడం కూడా శని దోషం నుండి తప్పించుకోవడానికి ఒక మార్గంగా పరిగణిస్తారు. దీని వెనుకున్న కథేంటంటే ఒకసారి శని భార్య ఋతు స్నానం చేసి శని మహారాజు దగ్గరకు వచ్చింది, కాని తన ఇష్ట దేవుడైన శ్రీకృష్ణుని ధ్యానంలో లీనమైన శని మహారాజు తన భార్య వైపు చూడలేదు. కోపంతో భార్య శపించింది.

సూర్యదేవుని కోరిక మేరకు శనిదేవునికి చిన్నతనంలో ఒకసారి బుద్ధి చెప్పడానికి శివుడు తనపై దాడి చేశాడు. శనిదేవుడు స్పృహ కోల్పోవడంతో తండ్రి వేడుకోగా శివుడు తిరిగి బతికించాడు. అప్పటి నుండి శనిదేవుడు శివుడిని తన గురువుగా భావించి భయపడతారని చెబుతారు