Nuvve Nuvve Movie: ‘నువ్వే నువ్వే’ 20 ఏండ్ల వేడుక

తెలుగు సినిమా పరిశ్రమలో సూపర్ డూపర్ హిట్ అందుకున్న సినిమా ‘నువ్వే నువ్వే’. తరుణ్, శ్రియ జంటగా నటించిన ఈ సినిమాకు త్రివిక్రమ్ దర్శకత్వం వహించారు. తాజాగా ఈ సినిమా 20 ఏండ్ల వేడుక జరిగింది.

Nuvve Nuvve Movie 20 Years Celebrations

మాటల మాంత్రికుడు త్రివిక్రమ్ శ్రీనివాస్ దర్శకత్వంలో తెరకెక్కిన తొలి సినిమా ‘నువ్వే నువ్వే’. తరుణ్, శ్రియ హీరో హీరోయిన్లుగా నటించారు.

ప్రముఖ నిర్మాణ సంస్థ స్రవంతి మూవీస్ పతాకంపై 'స్రవంతి' రవి కిశోర్ ఈ చిత్రాన్ని నిర్మించారు.

ప్రకాశ్ రాజ్, చంద్ర మోహన్, సునీల్, రాజీవ్ కనకాల, తనికెళ్ళ భరణి, అనితా చౌదరి, ధర్మవరపు సుబ్రహ్మణ్యం, ఎమ్మెస్ నారాయణ, శిల్పా చక్రవర్తి సహా పలువురు నటీనటులు కీలక పాత్రలు పోషించారు.

అక్టోబర్ 10(2022) నాటికి ఈ సినిమా విడుదలై 20 సంవత్సరాలు పూర్తి అయ్యింది. ఈ సందర్భంగా ఏఎంబీ సినిమాస్‌ లో స్పెషల్ షో వేశారు. ఈ ప్రదర్శనలో సినిమా యూనిట్ పాల్గొన్నది.

షో అనంతరం నాటి ఈ సినిమా అనుభవాలను దర్శక నిర్మాతలు, నటీనటులు పంచుకున్నారు. సిరివెన్నెలకు నివాళిగా 'నువ్వే నువ్వే'అంకితం ఇస్తున్నట్లు త్రివిక్రమ్, స్రవంతి రవికిశోర్ వెల్లడించారు.