Balakrishna: బాలకృష్ణకు టాలీవుడ్ పెద్దల అభినందన - రాజకీయాల్లోనూ హ్యాట్రిక్ విజయాల పట్ల సంతోషం

Tollywood King Pins Met Balakrishna: హిందూపురం ఎమ్మెల్యేగా భారీ మెజారిటీతో గెలుపొందిన గాడ్ ఆఫ్ మాసెస్, నట సింహం నందమూరి బాలకృష్ణను టాలీవుడ్ పెద్దలు కలిశారు. ఆయనకు అభినందలు తెలిపారు.

బాలకృష్ణతో దామోదర ప్రసాద్, దిల్ రాజు, ప్రసన్న కుమార్

గాడ్ ఆఫ్ మాసెస్, నట సింహం నందమూరి బాలకృష్ణ (Nandamuri Balakrishna) తెలుగు చలన చిత్ర పరిశ్రమలో 50 సంవత్సరాలు విజయవంతంగా పూర్తి చేసుకున్నారు. ఆయన ఎన్నో అద్భుతమైన, బ్లాక్ బస్టర్ సినిమాలు చేశారు. చిత్రసీమకు ఎంతో సేవ చేశారు. బసవతారకం ఆస్పత్రి ద్వారా ఎంతో మందికి ఆరోగ్య పరమైన సేవ కూడా చేస్తున్నారు.

ఒకవైపు సినిమాలు, మరోవైపు బసవతారకం ఆస్పత్రి, ఇంకో వైపు హిందూపురం ఎమ్మెల్యేగా బాధ్యతలు... ప్రతి రంగంలోనూ తనదైన ముద్ర వేశారు బాలకృష్ణ. ఈ మధ్య జరిగిన ఏపీ ఎన్నికల్లో హిందూపూర్ నుంచి వరుసగా మూడోసారి విజయం సాధించారు. ఇటీవల సినిమాల్లో హ్యాట్రిక్ హిట్స్ అందుకున్న బాలకృష్ణ, అటు రాజకీయాల్లోనూ ఎమ్మెల్యేగా హ్యాట్రిక్ విజయాలు సాధించారు. భారీ మెజారిటీతో విజయకేతనం ఎగురవేసి పీపుల్ లీడర్ అనిపించుకున్నారు.