Siddharth and Aditi Rao Hydari: సీక్రెట్‌గా ఎంగేజ్‌మెంట్‌, తొలిసారి జంటగా కెమెరా ముందుకు సిద్ధార్థ్‌, అదితి - ఫోటోలు వైరల్‌

Siddharth and Aditi Rao Hydari: నిశ్చితార్థం తర్వాత తొలిసారి జంటగా హీరో సిద్ధార్థ్‌, అదితిలు మీడియా ముందుకు వచ్చారు. ఓ ఈవెంట్‌కు హాజరైన వారు రెడ్‌ కార్పెట్‌పై జంటగా ఫోటోలకు ఫోజులు ఇచ్చారు.

Image Credit: Twitter

Siddhartha and Aditi Rao Hydari Photos: హీరో సిద్ధార్థ్‌, హీరోయిన్‌ అదితి రావ్‌ హైదరి ఎట్టకేలకు వారి డేటింగ్‌కు ముగింపు పలికిన సంగతి తెలిసిందే. నిశ్చితార్థం చేసుకుని వారి రిలేషన్‌ను ఆఫీషియల్‌ చేసేశారు.

ఎంగేజ్‌మెంట్‌ తర్వాత ఈ జంట తొలిసారి జంటగా మీడియా ముందుకు వచ్చారు. తాజాగా ఓ ఈవెంట్‌కు హాజరైన సిద్ధార్థ్‌-ఆదితిలు జంటగా కెమెరాలకు ఫోజులు ఇచ్చారు. ప్రస్తుతం ఈ ఫోటోలు సోషల్‌ మీడియాలో వైరల్‌ అవుతున్నాయి.

కాగా కొంతకాలంగా సీక్రెట్‌ రిలేషన్‌లో ఉన్న ఈ జంట ఎప్పుడు తమ ప్రేమ వ్యవహారాన్ని బయట పెట్టలేదు. జంటగా కెమెరాకు చిక్కినప్పుడల్లా తప్పించుకునేవారు. ఇక వేకేషన్‌కు వెళ్లిన విడిగా విడిగా ఎయిర్‌పోర్టులో దర్శనం ఇచ్చేవారు.

దీంతో వీరిద్దరు ఎప్పుడెప్పుడు ఆఫీషియల్‌ చేస్తారా? అని ఫ్యాన్స్‌ అంతా ఆసక్తిగా చూస్తున్న క్రమంలో సీక్రెట్‌గా నిశ్చితార్థం చేసుకుని షాకిచ్చారు.

మొదట పెళ్లంటూ వార్తలు వచ్చినా ఆ తర్వాత ఎంగేజ్డ్‌ అంటూ ఒక్క పోస్ట్‌తో పెళ్లి వార్తలకు చెక్‌ పెట్టారు. కాగా వరంగల్‌లోని వనపర్తి టెంపుల్లో ఇరు కుటుంబ సభ్యులు మధ్య వీరి నిశ్చితార్థం జరిగినట్టు సిద్దార్థ్‌ ఇటీవల ఓ ఇంటర్య్వూలో రివీల్‌ చేశాడు.