Stree 2 Tariler Lunch: అట్టహాసంగా ‘స్త్రీ 2’ ట్రైలర్ లాంచ్‌ - ఎర్ర చీరలో శ్రద్ధా సందడి

ముంబైలోని ఒబెరాయ్ మాల్ లో ‘స్త్రీ 2‘ ట్రైలర్ లాంచ్ వేడుక అట్టహాసంగా జరిగింది. హీరో రాజ్ కుమార్ రావ్, హీరోయిన్ శ్రద్ధా కపూర్ తో పాటు ఇతర నటీనటులు పాల్గొన్నారు. యువతులతో కలిసి శ్రద్ధా సందడి చేసింది.

అట్టహాసంగా ‘స్త్రీ 2‘ ట్రైలర్ లాంచ్

ప్రేక్షకులు ఎంతగానో ఎదురుచూస్తున్న ‘స్త్రీ 2‘ ట్రైలర్ విడుదల అయ్యింది. నవ్విస్తూనే, భయపెట్టే ఈ ట్రైలర్ ప్రేక్షకులను బాగా ఆకట్టుకుంటోంది.

ముంబైలోని ఒబెరాయ్ మాల్ లో మేకర్స్ ‘స్త్రీ 2‘ ట్రైలర్ ను విడుదల చేశారు. ఈ వేడుకలో హీరో, హీరోయిన్ తో పాటు ఇతర నటీనటులు పాల్గొన్నారు.

‘స్త్రీ 2’ సినిమాలో రాజ్ కుమార్ రావ్, శ్రద్ధా కపూర్, పంకజ్ త్రిపాఠీ, అభిషేక్ బెనర్జీ, అపర్‌శక్తి ఖురానా ప్రధాన పాత్రలు పోషిస్తున్నారు. వీరంతా ‘స్త్రీ‘ సినిమాలోనూ నటించారు.

20108లో విడుదలైన ‘స్త్రీ‘ సినిమా బాక్సాఫీస్ దగ్గర ఏకంగా రూ. 200 కోట్లు వసూళు చేసి సంచలనం కలిగించింది.

సుమారు 6 సంవత్సరాల తర్వాత ‘స్త్రీ‘ చిత్రానికి సీక్వెల్ గా ‘స్త్రీ 2‘ తెరకెక్కుతోంది.

మాడక్ ఫిల్మ్స్ నిర్మిస్తున్న ‘స్త్రీ 2‘ సినిమాకు అమర్ కౌశిక్ దర్శకత్వం వహిస్తున్నారు.

ఈ చిత్రంలో మిల్కీ బ్యూటీ తమన్నా స్పెషల్ సాంగ్ చేస్తోంది. ట్రైలర్ లోనూ ఆమె గ్లామరస్ లుక్ లో కనిపించింది.

ఆగష్టు 15న ఈ సినిమా ప్రేక్షకుల ముందుకు రానుంది. అదే రోజున అక్షయ్ కుమార్ హీరోగా నటించిన ‘ఖేల్ ఖేల్ మేతో’ సినిమా రిలీజ్ కానుంది.

ముంబైలోని ఒబెరాయ్ మాల్ లో జరిగిన ట్రైలర్ లాంచ్ ఈవెంట్ లో శ్రద్ధాకపూర్ చీరలో సందడి చేసింది.

సంప్రదాయ దుస్తుల్లో వచ్చిన యువతులతో కలిసి శ్రద్ధా సరదాగా గడిపింది. ప్రస్తుతం ఈ ఫోటోలు నెట్టింట వైరల్ అవుతున్నాయి.