Rupee vs Dollar: డాలర్‌తో రూపాయికి దడే! ఆల్‌టైమ్‌ కనిష్ఠం 80.67కు పతనం!

Rupee vs Dollar: యూఎస్‌ ఫెడ్‌ వడ్డీరేట్ల పెంపుతో మరోసారి రూపాయి విలువ తగ్గింది. చరిత్రలో కనీవినీ ఎరగని విధంగా కనిష్ఠ స్థాయికి చేరుకుంది.

రూపాయి vs డాలర్‌

రూపాయి విలువ గురువారం ఆల్‌టైమ్‌ కనిష్ఠానికి చేరుకుంది. అమెరికా డాలర్‌తో పోలిస్తే రికార్డు లో అయిన 80.285 వద్ద ఓపెనైంది. బుధవారం నాటి ముగింపు 79.97తో పోలిస్తే 0.39 శాతం పడిపోయింది. ఆ తర్వాత నష్టాలు మరింత కొనసాగి 80.627కు పతనమైంది. అంతకు ముందు కనిష్ఠ స్థాయి 80.12 ఆగస్టులో నమోదైంది.

మరోవైపు అమెరికా డాలర్‌ ఇండెక్స్‌ 20 ఏళ్ల సరికొత్త గరిష్ఠ స్థాయి 111.72కు చేరుకుంది. రెండేళ్ల అమెరికా ట్రెజరీ యీల్డు సైతం 4 శాతానికి పైగా పెరిగింది. ఇది ఇలాగే కొనసాగే అవకాశం కనిపిస్తోంది.