Live Train Status: రైలు రన్నింగ్‌ స్టేటస్‌ తెలుసుకోవాలా! పేటీఎం యాప్‌తో వెరీ ఈజీ!!

సాంకేతికత అభివృద్ధి చెందడంతో రైలు లైవ్‌ రన్నింగ్‌ స్టేటస్‌ తెలుసుకోవడం సులువే. ఇందుకోసం ప్రత్యేకంగా రైల్వే యాప్‌లే అవసరం లేదు. మీ మొబైల్‌లో డిజిటల్‌ చెల్లింపుల యాప్‌ పేటీఎం (PayTm) ఉంటే చాలు!

లైవ్‌ రన్నింగ్‌ స్టేటస్‌

భారతీయులు సుదూర ప్రయాణాలు చేసేందుకు ఎక్కువగా ఎంచుకొనే రవాణా సాధనం రైలు! ఒకప్పుడు రైలు రన్నింగ్‌ స్టేటస్‌ తెలుసుకోవాలంటే ఎన్నో ఇబ్బందులు పడాల్సి వచ్చేది.

సాంకేతికత అభివృద్ధి చెందడంతో రైలు లైవ్‌ రన్నింగ్‌ స్టేటస్‌ తెలుసుకోవడం ఇప్పుడెంతో సులువు. ఇందుకోసం ప్రత్యేకంగా రైల్వే యాప్‌లే అవసరం లేదు. మీ మొబైల్‌లో డిజిటల్‌ చెల్లింపుల యాప్‌ పేటీఎం (PayTm) ఉంటే చాలు!

పేటీఎం ద్వారా రైలు టికెట్లను బుక్‌ చేసుకోవచ్చని తెలిసిందే. అలాగే రన్నింగ్‌ స్టేటస్‌ కోసం టికెట్‌ బుకింగ్‌లో ట్రైన్‌ టికెట్స్‌పై ట్యాప్‌ చేయాలి. అందులో సెర్చ్‌ ట్రైన్స్‌ కింద పీఎన్‌ఆర్‌ పక్కన ట్రైన్‌ స్టేటస్‌ కనిపిస్తుంది.

ట్రైన్‌ స్టేటస్‌ నొక్కితే సెర్చ్‌ ఆప్షన్‌ వస్తుంది. అందులో మీకు కావాల్సిన రైలు సంఖ్య లేదా రైలు పేరు ఎంటర్‌ చేయాలి. దాని కింద బోర్డింగ్‌ స్టేషన్‌ను ఎంపిక చేసుకోవాలి. ప్రయాణించే తేదీనీ ఎంపిక చేసుకోవాలి. ఆ తర్వాత చెక్‌ లైవ్‌ స్టేటస్‌పై నొక్కితే చాలు.

లైవ్‌ రన్నింగ్‌ స్టేటస్‌తో పాటు రైలు ఏ స్టేషన్‌కు ఎన్ని గంటలకు వెళ్తుంది? ఎంత సమయం ఆలస్యమవుతుందో సైతం పేటీఎం యాప్‌ ద్వారా తెలుసుకోవచ్చు.