Mutual Funds: పిల్లల పేరుతో మ్యూచువల్‌ ఫండ్స్‌లో ఇన్వెస్ట్‌ చేస్తున్నారా? కొత్త రూల్స్‌ ఇవీ!

మ్యూచువల్‌ ఫండ్స్‌

చాలా మంది తమ పిల్లల కోసం మ్యూచువల్ ఫండ్లలో ఇన్వెస్ట్ చేస్తుంటారు. ఇందుకోసం ఏఎంసీలకు సెబీ కొన్ని నిబంధనలు విధించింది. మైనర్‌ అకౌంట్‌ లేదా గార్డియన్‌తో కూడిన మైనర్‌ జాయింట్‌ బ్యాంకు ఖాతా ద్వారా మాత్రమే చెల్లింపులను స్వీకరించాలని కంపెనీలను సెబీ ఆదేశించింది. చెక్‌, డీడీ రూపంలోనూ డబ్బు తీసుకోవచ్చు.

మైనర్‌కు 18 ఏళ్లు నిండగానే ఎవరి పేరుతో మ్యూచువల్‌ ఫండ్‌ ఉందో వారి పూర్తి కేవైసీని ఏఎంసీలు పూర్తి చేయాలని సెబీ ఆదేశించింది. డాక్యుమెంట్లలో మైనర్‌ నుంచి మేజర్‌గా స్టేటస్‌ మార్చేంత వరకు లావాదేవీలు చేపట్టరు.

పిల్లలకు 18 ఏళ్లు రాగానే ఏఎంసీలు సిప్‌ (SIP), ఎస్‌టీపీ (STP), ఎస్‌డబ్ల్యూపీ (SWP)ని నిలిపివేయాలని సెబీ రూల్‌. మైనర్‌ నుంచి మేజర్‌ స్టేటస్‌ మారాకే తిరిగి సిప్‌ మొదలవుతుంది.

నామినీ లేదా జాయింట్‌ హోల్డర్‌ క్లెయిమ్‌ చేసుకొనేటప్పుడు ప్రాసెసింగ్‌ టైమ్‌ను ఇంప్రూవ్‌ చేసుకొనేందుకు ఇమేజ్‌ ఆధారిత ప్రాసెసింగ్‌ చేపట్టాలన్నది సెబీ ఆదేశం. సంబంధిత సమాచారం అందించేందుకు ప్రత్యేకమైన సెంట్రల్‌ హెల్ప్‌ డెస్క్‌ ఉండాలని నిబంధన విధించింది.

యూనిట్ల బదిలీ పూర్తవ్వనంత వరకు క్లెయిమ్‌దారు చేసిన రిడెంప్షన్‌ రిక్వెస్ట్‌ను ఆమోదించొచ్చదని ఏఎంసీలను సెబీ ఆదేశించింది. (All Images: Pixabay)