Sam Altman Returns: సామ్ ఆల్ట్‌మన్ రిటర్న్స్, మళ్లీ ఆయనే సీఈవో - ఊహించని ట్విస్ట్ ఇచ్చిన OpenAI

Sam Altman: Open AIకి సామ్ ఆల్ట్‌మన్‌ మళ్లీ సీఈవోగా బాధ్యతలు చేపట్టనున్నట్టు కంపెనీ ప్రకటించింది.

Open AIకి సామ్ ఆల్ట్‌మన్‌ మళ్లీ సీఈవోగా బాధ్యతలు చేపట్టనున్నట్టు కంపెనీ ప్రకటించింది.

Sam Altman Returns:

OpenAI News Today: OpenAI మాజీ సీఈవో సామ్ ఆల్ట్‌మన్‌ (Sam Altman) మైక్రోసాఫ్ట్‌లో చేరుతున్నట్టు సత్య నాదెళ్ల సంచలన ప్రకటన చేశారు. ఆల్ట్‌మన్‌తో పాటు గ్రెగ్ బ్రాక్‌మన్‌ కూడా మైక్రోసాఫ్ట్‌లో (Sam Altman Returns) చేరనున్నట్టు వెల్లడించారు. అయితే ఇంతలోనే...OpenAI కంపెనీ మరో కీలక ప్రకటన చేసింది. సామ్‌ ఆల్ట్‌మన్‌ మళ్లీ సీఈవో బాధ్యతలు చేపట్టనున్నట్టు ట్వీట్ చేసింది. "సామ్ ఆల్ట్‌మన్‌ మళ్లీ సీఈవో బాధ్యతలు చేపట్టేందుకు డీల్ కుదిరింది" అని ప్రకటించింది.

We have reached an agreement in principle for Sam Altman to return to OpenAI as CEO with a new initial board of Bret Taylor (Chair), Larry Summers, and Adam D'Angelo.

We are collaborating to figure out the details. Thank you so much for your patience through this.

— OpenAI (@OpenAI) November 22, 2023

దీన్ని ధ్రువీకరిస్తూ సామ్ ఆల్ట్‌మన్‌ కూడా ట్విటర్‌లో స్పందించారు. మళ్లీ సీఈవోగా బాధ్యతలు తీసుకునేందుకు సిద్ధంగా ఉన్నానని ప్రకటించారు. గ్రెగ్ బ్రాక్‌మన్‌ కూడా ట్వీట్ చేశారు. OpenAIలోకి తిరిగి వస్తున్నట్టు వెల్లడించారు. 

"నాకు OpenAI అంటే చాలా ఇష్టం. నేనేం చేసినా టీమ్‌ని దృష్టిలో పెట్టుకునే చేశాను. మళ్లీ CEO బాధ్యతలు చేపట్టేందుకు సిద్ధంగా ఉన్నాను. ఇదే సమయంలో మైక్రోసాఫ్ట్‌తో మైత్రిని కొనసాగిస్తాం"

- సామ్ ఆల్ట్‌మన్, OpenAI CEO

i love openai, and everything i’ve done over the past few days has been in service of keeping this team and its mission together. when i decided to join msft on sun evening, it was clear that was the best path for me and the team. with the new board and w satya’s support, i’m…

— Sam Altman (@sama) November 22, 2023

చాట్‌జీపీటీతో సంచలనం..

గతేడాది లాంఛ్ అయిన ChatGPTతో ప్రపంచవ్యాప్తంగా పాపులర్ అయ్యారు సామ్ ఆల్ట్‌మన్. AI రీసెర్చ్ అండ్ డెవలప్‌మెంట్‌లో ఇదో సంచలనమైంది. ఈ సెక్టార్‌లో బిలియన్ డాలర్ల పెట్టుబడులు తీసుకొచ్చింది చాట్‌జీపీటీ. కానీ ఉన్నట్టుండి OpenAI కంపెనీ ఆయనను సీఈవో బాధ్యతల నుంచి తొలగించడం (Sam Altman Sacked) సంచలనం సృష్టించింది. ఆ తరవాత పలు కీలక వ్యక్తులు కంపెనీని వీడేందుకు వెనకాడలేదు. అంతే కాదు. ఇన్వెస్టర్‌లు అందరూ సామ్ ఆల్ట్‌మన్‌ని మళ్లీ తీసుకోవాలని కంపెనీపై ఒత్తిడి చేసినట్టు సమాచారం. ఈ ఒత్తిడికి యాజమాన్యం తలొగ్గక తప్పలేదు. ఆల్ట్‌మన్‌ని తొలగించిన వెంటనే మధ్యంతర సీఈవోగా మీరా మురతికి (Mira Murati)బాధ్యతలు అప్పగించారు.