Heat Wave In Tokyo: జపాన్‌లో భానుడి బ్యాటింగ్‌- 150 ఏళ్ల రికార్డ్ బద్దలు!

Heat Wave In Tokyo: జపాన్‌లో ఎండలు దంచికొడుతున్నాయి. భానుడి బ్యాటింగ్‌ దెబ్బకు జపాన్ వాసులు విలవిల్లాడుతున్నారు.

(Image Source: PTI)

Heat Wave In Tokyo: జపాన్‌లో ఎండలు జనాలను ఉక్కిరిబిక్కిరి చేస్తున్నాయి. ఆ దేశ రాజధాని టోక్యోలో 150 ఏళ్లలో చూడని వేసవితాపాన్ని ప్రజలు ఎదుర్కొంటున్నారు. టోక్యోలో మంగళవారం 36 సెల్సియస్ డిగ్రీల ఉష్ణోగ్రత నమోదైంది. దీంతో వరుసగా నాలుగో రోజు కూడా 35 సెల్సియస్ డిగ్రీలకు పైగా ఉష్ణోగ్రత రికార్డయింది.

With temperatures topping 104 degrees in recent days, the Japanese government warned of possible power shortages in the Tokyo region and is urging people to conserve electricity when demand peaks in the afternoon. https://t.co/vQKA9aRMcF

— NBC News World (@NBCNewsWorld) June 28, 2022

భగభగలు

1875 జూన్ తర్వాత మళ్లీ ఇప్పుడే ఆ స్థాయిలో ఉష్ణోగ్రతలు నమోదవుతున్నాయి. వడదెబ్బతో టోక్యో నగరంలో ఆసుపత్రుల్లో చేరుతున్నవారి సంఖ్య రోజురోజుకూ పెరుగుతోంది. దీంతో నగరవాసులకు అధికారులు కీలక సూచనలు చేశారు. ఇళ్ల నుంచి బయటకు వచ్చేవారు తప్పనిసరిగా ఫేస్‌మాస్క్ ధరించాలని సూచించారు. కరోనా సమయంలో వాడినట్టుగానే ఎండలో ఉన్నప్పుడు మాస్క్‌ని వినియోగించాలన్నారు.

విద్యుత్‌పై ప్రభావం

The Japanese government asked businesses and residents in the Tokyo area to limit electricity use on Monday, warning of a blackout for the second time this year amid an energy crunch that has sparked interest in restarting some nuclear power generation.https://t.co/3Ct92DhAaI

— Washington Examiner (@dcexaminer) June 28, 2022

ఈ ఎండల వల్ల నగరంలో విద్యుత్ వినియోగం భారీగా పెరిగిపోయింది. దీంతో సప్లయ్‌లో ఇబ్బందులు ఎదురవుతున్నాయని అధికారులు వెల్లడించారు. ఇక చేసేదేం లేక అధికారులు విద్యుత్ కోతలు పెంచారు. విద్యుత్ సప్లయ్‌లో ఇబ్బందులు కారణంగా 'పవర్ సేవింగ్‌'కు ప్రాధాన్యత ఇవ్వాలని టోక్యో వాసులను ప్రభుత్వం కోరింది.