Hormuz Strait Open: హార్మూజ్ జలసంధిని ఓపెన్ చేసిన ఇరాన్ - ఇక చమురు కష్టాలు తప్పినట్లే!
Iran: హోర్ముజ్ జలసంధి ఇప్పుడు వాణిజ్య నౌకల రాకపోకల కోసం పూర్తిగా ఓపెన్ చేశామని ఇరాన్ ప్రకటించింది. అమెరికాతో చర్చలు, లెబనాన్, ఇజ్రాయెల్ మధ్య కాల్పుల విరమణ ఒప్పందం కుదరడం వల్ల ఈ నిర్ణయం తీసుకుంది.
Iran Says Hormuz Strait Now Completely Open: ప్రపంచ ఇంధన సరఫరాలో అత్యంత కీలకమైన హోర్ముజ్ జలసంధి ఇప్పుడు వాణిజ్య నౌకల రాకపోకల కోసం పూర్తిగా ఓపెన్ చేశామని ఇరాన్ ప్రకటించింది. గత కొద్దికాలంగా ఈ ప్రాంతంలో కొనసాగుతున్న ఉద్రిక్తతలు, ఆంక్షల నేపథ్యంలో ఈ నిర్ణయం అంతర్జాతీయ మార్కెట్లకు భారీ ఊరటనిస్తోంది. ముఖ్యంగా ముడి చమురు రవాణాకు ఈ మార్గం అత్యంత కీలకం కావడంతో, ఇరాన్ తీసుకున్న ఈ నిర్ణయం ప్రపంచ ఇంధన ధరలపై సానుకూల ప్రభావం చూపే అవకాశం ఉందని ఆర్థిక నిపుణులు విశ్లేషిస్తున్నారు.
In line with the ceasefire in Lebanon, the passage for all commercial vessels through Strait of Hormuz is declared completely open for the remaining period of ceasefire, on the coordinated route as already announced by Ports and Maritime Organisation of the Islamic Rep. of Iran.
— Seyed Abbas Araghchi (@araghchi) April 17, 2026
అమెరికా, ఇతర పాశ్చాత్య దేశాలతో దౌత్యపరమైన చర్చలు జరుగుతున్న క్రమంలోనే ఇరాన్ ఈ ప్రకటన చేసింది. అలాగే లెబనాన్, ఇజ్రాయెల్ మధ్య కాల్పుల విరమణ ఒప్పందం కుదరడం కూడా దీనికి కారణం. గతంలో అమెరికా నౌకలపై ఆంక్షలు విధించిన ఇరాన్, ఇప్పుడు అంతర్జాతీయ చట్టాలకు లోబడి నౌకల రాకపోకలను అనుమతిస్తామని స్పష్టం చేసింది. అయితే, అమెరికా విధించిన కొన్ని ఆంక్షలను సవాలు చేస్తూనే, శాంతియుత వాణిజ్యానికి తాము కట్టుబడి ఉన్నామని ఇరాన్ అధ్యక్షుడు మసూద్ పెజెస్కియాన్ పేర్కొన్నారు.
⚡ 'THE PASSAGE FOR ALL COMMERCIAL VESSELS THROUGH THE STRAIT OF HORMUZ IS DECLARED COMPLETELY OPEN' — Iranian Foreign Minister pic.twitter.com/N2wza9Asqz
— RT (@RT_com) April 17, 2026
మరోవైపు, హోర్ముజ్ జలసంధిపై నియంత్రణ కోసం అమెరికా , మిత్రదేశాలు కూడా తమ ప్రయత్నాలు ముమ్మరం చేశాయి. ఇరాన్ తన అణ్వాయుధ కార్యక్రమాలు , ఇతర భద్రతా అంశాలపై రాజీ పడితేనే ఈ మార్గం సురక్షితంగా ఉంటుందని అమెరికా వాదిస్తోంది. ఈ క్రమంలోనే ఏప్రిల్ 8న పాకిస్థాన్ మధ్యవర్తిత్వంతో కుదిరిన రెండు వారాల కాల్పుల విరమణ , ఈ జలసంధి పునఃప్రారంభానికి ఒక ఆశాకిరణంగా మారింది.
Iran is now declaring the Strait of Hormuz completely open to all commercial vessels (oil tankers, cargo ships, etc.) for the rest of the current ceasefire period. pic.twitter.com/DiVD4zpCBV
— Global Lens (@GlobalLensHQ_) April 17, 2026
ప్రస్తుతానికి వాణిజ్య నౌకల కోసం మార్గం తెరిచినట్లు ప్రకటించినప్పటికీ, భద్రతాపరమైన ఆందోళనలు ఇంకా పూర్తిగా తొలగిపోలేదు. అంతర్జాతీయ నౌకాయాన సంస్థలు ఈ మార్గంలో ప్రయాణించే ముందు రిస్క్ అసెస్మెంట్ను నిశితంగా పరిశీలిస్తున్నాయి. రాబోయే రోజుల్లో అమెరికా-ఇరాన్ మధ్య జరిగే ద్వైపాక్షిక చర్చలు ఈ జలసంధి శాశ్వత భద్రతను , అంతర్జాతీయ చమురు మార్కెట్ స్థిరత్వాన్ని నిర్ణయించనున్నాయి.
టాప్ హెడ్ లైన్స్
ట్రెండింగ్ వార్తలు
