Indonesia Ship Missing: 241 మందితో వెళ్తున్న నౌక జావా సముద్రంలో అదృశ్యం, కొనసాగుతున్న సెర్చ్ ఆపరేషన్

ఇండోనేషియాలో తూర్పు జావా నుంచి దక్షిణ కాళిమంతాన్‌కు 241 మందితో వెళ్తున్న నౌక ట్రాన్స్‌పోర్ట్ 8తో ఆదివారం తెల్లవారుజామున సంబంధం తెగిపోయింది.

జావా సముద్రంలో నౌకతో తెగిపోయిన సంబంధం (ఫైల్ ఫోటో)

Source : ANI

Show Quick Read

Key points generated by AI, verified by newsroom

• ఇండోనేషియాలో 241 మంది ప్రయాణికులతో నౌకతో సంబంధాలు తెగిపోయాయి.
• తూర్పు జావా నుంచి దక్షిణ కాళిమంతాన్‌కు నౌక ప్రయాణిస్తోంది.
• ఆదివారం తెల్లవారుజామున సంబంధం తెగిపోగా, జావా సముద్రంలో ఆఖరి స్థానం.
• ప్రతికూల వాతావరణం, భారీ సెర్చ్ ఆపరేషన్ ప్రారంభించారు.

ఇండోనేషియాలో విషాదం చోటుచేసుకుంది.  241 మంది ప్రయాణికులను తీసుకెళ్తున్న ఒక నౌక నావిగేషన్2తో సంబంధం తెగిపోవడంతో ఆదివారం భారీ స్థాయిలో సెర్చ్ ఆపరేషన్ ప్రారంభించారు. అధికారుల ప్రకారం, వర్గో ట్రాన్స్‌పోర్ట్ 8 అనే నౌక తూర్పు జావా నుంచి దక్షిణ కాళిమంతాన్ ప్రావిన్స్ వైపు ప్రయాణిస్తోంది. ఈ సమయంలో జావా సముద్రంలో నౌకతో టెక్నికల్ లింక్ తెగిపోయింది. నౌక ఏమయ్యింది అని ఆందోళన నెలకొంది. ప్రస్తుతానికి ఎలాంటి సమాచారం రాలేదు.

రాత్రి 2 రెండు గంటలకు నౌకతో తెగిన సంబంధం

దక్షిణ కాళిమంతాన్‌లోని బంజార్మాసిన్ సిటీలో ఉన్న రెస్క్యూ, రక్షణ కార్యాలయానికి ఆదివారం ఉదయం సుమారు 2 గంటలకు నౌకతో సంబంధం తెగిపోయినట్లు సమాచారం అందింది. సంబంధం తెగిపోయిన దాదాపు 2 గంటల తర్వాత ఈ ఘటన గురించి వారికి తెలిపారు. ఈ నౌక ఇండోనేషియాలోని తూర్పు జావా ప్రావిన్స్‌లో రెండో అతిపెద్ద నగరం అయిన సురబాయా నుంచి బంజార్మాసిన్‌కు వెళ్తోందని అధికారులు తెలిపారు. దక్షిణ కాళిమంతాన్ రక్షణ కార్యాలయ అధినేత ఐ పుతు సుదాయనా వీడియో బ్రీఫింగ్‌లో మాట్లాడుతూ, నౌక ఆపరేటర్ అధికారులకు ఘటన గురించి సమాచారం ఇచ్చినట్లు తెలిపారు. నౌక ప్రతికూల వాతావరణంలో ప్రయాణించిందని ఆపరేటర్‌కు సమాచారం అందిందని చెప్పారు.

జావా సముద్రంలో లభించిన చివరి లోకేషన్

ప్రాథమిక సమాచారం ప్రకారం, నౌక చివరగా జావా సముద్రంలో బంజార్మాసిన్‌లోని ఒక పియర్ నుంచి సుమారు 148 కిలోమీటర్లు అంటే 92 మైళ్లు దూరంలో ఉందని గుర్తించారు. నౌక మానిఫెస్ట్ ప్రకారం, అందులో 241 మంది ప్రయాణికులు ఉన్నారు. నౌక ఆపరేటర్ పీటీ వర్గో యోయెల్ రిహీ కూడా సంబంధం తెగిపోయిన విషయాన్ని నిర్ధారించారు. కంపెనీ ప్రకారం, వర్గో ట్రాన్స్‌పోర్ట్ 8 శనివారం ఉదయం స్థానిక సమయం ప్రకారం 10:13 గంటలకు సురబాయా నుంచి బంజార్మాసిన్‌కు బయలుదేరింది.

చివరి లోకేషన్ వైపు వెళ్లిన రెస్క్యూ టీమ్స్

నౌక నావిగేషన్ లింక్ కోల్పోయిందని గురించి సమాచారం అందిన తర్వాత రెస్క్యూ టీంను బంజార్మాసిన్‌లోని బసిరిహ్ రెస్క్యూ, రక్షణ పియర్‌కు పంపారు. దీనితో పాటు ఒక నౌకను వర్గో ట్రాన్స్‌పోర్ట్ 8 అంచనా వేసిన చివరి తెలిసిన స్థానం వైపు పంపించారు. ఈ రెస్క్యూ ఆపరేషన్‌ పర్యవేక్షిస్తున్న సుదాయనా మాట్లాడుతూ, నౌకలో భారీ సంఖ్యలో ప్రయాణికులు, సిబ్బంది ఉన్నందున అందుబాటులో ఉన్న మొత్తం సిబ్బంది, వనరులను సెర్చ్ ఆపరేషన్‌ కోసం వినియోగిస్తున్నామని తెలిపారు

 

మరిన్ని చదవండి

పహల్గామ్ ఉగ్రదాడిని ఖండిస్తూ బ్రిక్స్ ప్రకటన.. ఏకపక్ష సుంకాలపై ఆందోళన- భారత్ దౌత్య విజయం

బ్రిక్స్ వేదికగా భారత్ గ్లోబల్ సౌత్ గొంతుకగా, లీడర్‌గా ఎలా మారుతోంది ?