Viral News: రాత్రి దిండు కింద మొబైల్ పెట్టుకుని నిద్రపోయిన మహిళ- తెల్లారేసరికి!

Viral News: రాత్రి దిండు కింద మొబైల్ ఫోన్ పెట్టుకోవడం ఓ మహిళ ప్రాణాలు తీసింది.

(Image Source: Pixabay)

Viral News: నిద్రపోయే సమయంలో మొబైల్‌ ఫోన్‌ను తల దగ్గర పెట్టుకోవడం చాలా ప్రమాదమని నిపుణులు ఎప్పుడూ చెబుతూనే ఉంటారు. అయితే చాలా మంది ఈ తప్పు చేస్తూనే ఉంటారు. తాజాగా దిల్లీలో అలా చేయడమే ఓ మహిళ ప్రాణాలు తీసుకుంది.

ఇదీ జరిగింది

దిల్లీలో ఓ మహిళ రెడ్‌మీ 6ఏ మొబైల్ వాడుతోంది. ఎప్పటిలానే రాత్రిపూట ఫోన్ వాడిన ఆమె దాన్ని తల దగ్గర దిండు పక్కనే పెట్టుకొని పడుకుంది. అర్ధరాత్రి సమయంలో ఆ మొబైల్ పేలిపోయింది. దీంతో తలకు తీవ్రమైన గాయమై విపరీతంగా రక్తం పోయి ఆమె మృతి చెందింది. ఆమె కుమారుడు ఆర్మీలో ఉన్నట్లు తెలుస్తోంది. ఈ వివరాలను ఎండీ టాక్ అనే యూట్యూబ్ ఛానల్ నడిపే మంజీత్ తన ట్విట్టర్ ఖాతాలో తెలిపారు.

Hi @RedmiIndia @manukumarjain@s_anuj Yesterday in Night my Aunty found dead 😭, she was using Redmi 6A, she was sleeping & she kept the phone near her face on pillow side & after sometime her phone blast. It's a bad time for us. It's a responsibility of a brand to support🙏 pic.twitter.com/9EAvw3hJdO

— MD Talk YT (Manjeet) (@Mdtalk16) September 9, 2022

" నిన్న రాత్రి మా ఆంటీ చనిపోయింది. ఆమె రెడ్‌మీ 6ఏ మొబైల్ వాడుతోంది. రాత్రి పడుకునే సమయంలో దిండు పక్కనే దాన్ని పెట్టుకొని పడుకుంది. కాసేపటికి అది పేలిపోవడంతో ఆమె చనిపోయింది. మాకు సాయం చేయాల్సిన బాధ్యత ఆ మొబైల్ కంపెనీపైనే ఉంది.                                                   "

-     మంజీత్

నెటిజన్ల ఫైర్

ఈ ట్వీట్‌లో మొబైల్ ఫోన్ ఫొటోలు షేర్ చేశాడు. వీటితో పాటు రక్తపు మడుగులో ఉన్న మహిళ ఫొటో కూడా షేర్ చేశాడు. ఇది చూసిన నెటిజన్లు రెడ్‌మీ పై మండిపడుతున్నారు. సదరు కుటుంబానికి సాయం చేయాలని డిమాండ్ చేస్తున్నారు. ఈ ఘటనపై విచారణ జరుపుతున్నట్లు రెడ్‌మీ కంపెనీ తెలిపింది. 

గతంలో

రెండేళ్ల క్రితం కేరళలో ఇలాంటి ఘటనే జరిగింది. కొల్లాంకి చెందిన ఓ వ్యక్తి తన ఫోనును దిండు కింద పెట్టుకుని నిద్రించాడు. అది ఒక్కసారిగా పేలడంతో అతడి భుజం, ఎడమ చేతికి గాయాలయ్యాయి. డ్యూటీ చేసి ఇంటికి వచ్చిన తాను బాగా అలసిపోవడంతో వెంటనే నిద్రలోకి జారుకున్నానని, ఒక్కసారిగా శబ్దం రావడంతో ఉలిక్కి పడి లేచే సమయంలో భుజం ఒక్కసారిగా నొప్పి చేసిందని, దిండు కాలిపోతూ, ఫోన్‌ నుండి నిప్పులు చెలరేగాయని బాధితుడు చెప్పాడు.