Viral Video: కాకి ముందు కరాటే చేసిన ఎలుక- ఫన్నీ వీడియో చూశారా?

Viral Video: ఎలుక, కాకి ఫైటింగ్ చేసుకున్న ఓ వీడియో సోషల్ మీడియాలో వైరల్ అవుతోంది.

కాకి ముందు చిట్టెలుక కరాటే!

Viral Video: కాకి, ఎలుక ఫైటింగ్ చేసుకోవడం మీరెప్పుడైనా చూశారా? అవును దాదాపుగా ఇది సాధ్యపడదు. ఎందుకంటే కాకి హాయిగా నింగిలో ఎగురుతుంటుంది. ఎలుక భూమి మీద తిరుగుతుంటుంది. కానీ ఈ వీడియోలో మాత్రం కాకిని భయపెట్టేందుకు ఎలుక చేసి కరాటే నవ్వులు పూయిస్తుంది.

ఇదీ జరిగింది

ఓ కాకిని భయపెట్టడానికి ఎలుక.. కుంగ్-ఫూ, కరాటే చేసిన ఈ వీడియో సోషల్ మీడియాలో తెగ వైరల్ అవుతోంది. ఓ కాకి రోడ్డుపై వెళ్తోన్న ఎలుక తోకను పట్టుకుంది. అయితే ఆ చిట్టెలుక మాత్రం తన తెలివి తేటలతో తప్పించుకుంది. కాకిని కోపంగా చూస్తూ.. ఎలుక వింత ఫీట్లు చేసేసరికి ఆ పక్షి భయపడి ఎగిరిపోయింది. ఈ మొత్తం ఘటనను ఓ ఫొటోగ్రాఫర్ చాకచక్యంగా తన కెమెరాలో బంధించాడు.

" ఎలుక నన్ను దాటి పరుగెత్తడం నేను చూశాను. అయితే అకస్మాత్తుగా ఒక కాకి వచ్చి దాని తోకను పట్టుకుంది. నేను వెంటనే నా కెమెరాను క్లిక్ చేశాను. ఆ తర్వాత కాకి నుంచి తప్పించుకోవడానికి ఈ ఎలుక ఇలా కుంగ్‌ఫూ చేసింది.             "

-  పాల్ బ్రిగ్స్, ఫొటోగ్రాఫర్ 

నాటింగ్‌హామ్‌షైర్‌లో ఆదివారం ఈ ఘటన జరిగింది. ఈ ఫొటోలు చూసి నెటిజన్లు ఆశ్చర్యం వ్యక్తం చేస్తున్నారు. చిట్టెలుక తెలివికి నెటిజన్లు ఫిదా అయిపోయారు.