Viral Video: స్టేషన్‌లోకి చొరబడి పోలీసుపైనే మూక దాడి- షాకింగ్ వీడియో!

Viral Video: పోలీస్‌స్టేషన్‌లోకి చొరబడి ఓ కానిస్టేబుల్‌పై దుండగులు దాడి చేసిన వీడియో సోషల్ మీడియాలో వైరల్ అవుతోంది.

(Image Source: ANI)

Viral Video: దిల్లీలో షాకింగ్ ఘటన జరిగింది. ఓ అల్లరి మూక ఏకంగా పోలీసు స్టేషన్‌లోకి చొరబడి కానిస్టేబుల్‌పై దాడికి పాల్పడింది. కానిస్టేబుల్‌పై దాడి చేస్తున్నప్పటికీ పోలీసులు చూస్తూ ఉండిపోయారు. అంతేకాకుండా ఆ ఘటనను పోలీసులే వీడియో తీశారు.

Viral Video Claims that a @Delhipolice Constable beaten up in Anand Vihar Police Station in Presence of Station Staff. No Action Against Culprits. Why ? #AnandVihar pic.twitter.com/9a3G0RaLGr

— Vikas Jangra (@vikasjangraji) August 6, 2022

ఎందుకు దాడి?

దిల్లీలోని ఆనంద్‌ విహార్ పోలీస్‌ స్టేషన్‌లో ఈ ఘటన జరిగింది. 10 నుంచి 12 మంది అల్లరి మూక ఒకేసారి పోలీస్‌ స్టేషన్‌లోకి చొరబడ్డారు. అక్కడున్న హెడ్ కానిస్టేబుల్‌ను దుర్భాషలాడుతూ రెచ్చిపోయారు. అనంతరం కానిస్టేబుల్‌పై దాడి చేశారు. ఈ ఘటన ఆగస్టు 3నే జరిగినప్పటికీ ఆలస్యంగా బయటకు వచ్చింది.

#WATCH | Delhi: A viral video shows some people beating up the head police constable inside Anand Vihar Police Station in Shahdara

Preliminary probe shows that the video is of 31st July & now legal action is being taken against it: Delhi Police official

(Note: Strong language) pic.twitter.com/5oC7UGsNQZ

— ANI (@ANI) August 6, 2022

ఏం చేయని పోలీసులు?

10-12 మంది అల్లరి మూక ఒకేసారి పోలీసు స్టేషన్‌లోకి చొరబడడంతో పోలీసులు షాక్ అయ్యారు. హెడ్ కానిస్టేబుల్‌పై దాడి చేసినప్పటికీ చూస్తూ ఉండిపోయారు. అంతేకాకుండా ఆ దాడిని వీడియోలు కూడా పోలీసులే తీశారు. ఈ దాడికి గల కారణాలు తెలియలేదు.

వీడియోలు వైరల్‌గా మారి ఉన్నతాధికారుల దృష్టికి వెళ్లింది. దీంతో ఈ విషయాన్ని వారు సీరియస్‌గా తీసుకున్నట్లు తెలుస్తోంది. ఘటనపై దర్యాప్తు ప్రారంభించామని, నిందితులను పట్టుకునే ప్రయత్నంలో ఉన్నామని అధికారులు పేర్కొన్నారు.