Rashtrapatni Row: పార్లమెంటులో స్మతి ఇరానీ X సోనియా గాంధీ- ముదిరిన వివాదం!

Rashtrapatni Row: 'రాష్ట్రపత్ని' వ్యాఖ్యలు తీవ్ర దుమారం రేపుతున్నాయి. ఈ అంశంపై పార్లమెంటులో సోనియా గాంధీ, స్మృతి ఇరానీ మధ్య మాటల యుద్ధం నడిచినట్లు తెలుస్తోంది.

(Image Source: PTI)

Rashtrapatni Row: కాంగ్రెస్ సీనియర్ నేత అధీర్ రంజన్ చౌధురీ చేసిన 'రాష్ట్రపత్ని' వ్యాఖ్యలు భాజపాx కాంగ్రెస్ మధ్య మాటల తూటాలు పేల్చుతోంది. అయితే పార్లమెంటులో భాజపా నిరసన వ్యక్తం చేస్తోన్న సమయంలో కేంద్రమంత్రి స్మృతి ఇరానీ, కాంగ్రెస్ అధినేత్రి సోనియా గాంధీ మధ్య మాటల యుద్ధం జరిగినట్లు తెలుస్తోంది.

ఇదీ జరిగింది

అధీర్ రంజన్ చౌధురి వ్యాఖ్యలపై అధికార పక్షం నిరసనలు చేస్తుండటంతో ఏం జరుగుతుందో తెలుసుకునేందుకు సోనియా గాంధీ సభకు వచ్చారు. అయితే లోక్​సభ మధ్యాహ్నం 12 గంటలకు వాయిదా పడగానే సోనియా గాంధీ.. ట్రెజరీ బెంచ్ వద్దకు వెళ్లారు. ఈ వివాదంలోకి తనను ఎందుకు లాగుతున్నారని అక్కడ ఉన్న భాజపా నేత రమాదేవిని సోనియా గాంధీ అడిగినట్లు సమాచారం. 

అయితే అదే సమయంలో స్మృతి ఇరానీ మధ్యలో కలగజేసుకుని.. సోనియా క్షమాపణలు చెప్పాలని డిమాండ్ చేశారట. స్మృతి ఇరానీని ముందు సోనియా పట్టించుకోలేదు. అయితే, కాసేపటికే మంత్రివైపు చూసి 'నాతో మాట్లాడొద్దు' అని సోనియా కోపంగా అన్నారట. 

#WATCH | Some of our Lok Sabha MPs felt threatened when Sonia Gandhi came up to our senior leader Rama Devi to find out what was happening during which, one of our members approached there & she (Sonia Gandhi) said "You don't talk to me": Union Finance Minister Nirmala Sitharaman pic.twitter.com/WxFnT2LTvk

— ANI (@ANI) July 28, 2022

" లోక్​సభలో ఏం జరుగుతుందో తెలుసుకోవడానికి సోనియా గాంధీ.. మా పార్టీ సీనియర్​ నాయకురాలు రమా దేవి దగ్గరకు వచ్చారు. అప్పుడు మా పార్టీకే చెందిన మరికొందరు అక్కడకు వెళ్లగానే.. 'నువ్వు(స్మృతి ఇరానీ)​ నాతో మాట్లాడకు' అంటూ సోనియా గాంధీ లోక్​సభలో మా సభ్యులను బెదిరించే ధోరణితో అన్నారు.                          "

-నిర్మలా సీతారామన్​, కేంద్ర ఆర్థిక మంత్రి

స్మృతి ఇరానీ

" గిరిజన, దళిత, మహిళా వ్యతిరేకంగా కాంగ్రెస్ పని చేస్తోంది. ప్రధాని మోదీ.. గిరిజనులకు అత్యుత్నత స్థాయి గౌరవం ఇస్తే.. మీరు ఇంతలా అవమానిస్తారా? అధీర్ రంజన్ చేసిన వ్యాఖ్యలకు సోనియా గాంధీ క్షమాపణలు చెప్పాల్సిందే."

-స్మృతి ఇరానీ, కేంద్ర మంత్రి