తమిళనాడులో అయోధ్య లైవ్ టెలికాస్ట్‌పై నిషేధం! నిర్మలా సీతారామన్ తీవ్ర విమర్శలు

Ram Mandir Opening: అయోధ్య వేడుకను ప్రత్యక్ష ప్రసారం చేయకుండా తమిళనాడు ప్రభుత్వం అడ్డుకుంటోందని నిర్మలా సీతారామన్ మండి పడ్డారు.

అయోధ్య వేడుకను ప్రత్యక్ష ప్రసారం చేయకుండా తమిళనాడు ప్రభుత్వం అడ్డుకుంటోందని నిర్మలా సీతారామన్ మండి పడ్డారు.

Ramlala Pran Pratishtha: అయోధ్య రామ మందిర ప్రారంభోత్సవాన్ని (Ayodhya Ram Mandir Opening) దేశవ్యాప్తంగా పలు చోట్ల లైవ్ టెలికాస్ట్ చేసేందుకు ఏర్పాట్లు చేస్తున్నారు. పలు రాష్ట్రాల్లో సెలవు కూడా ప్రకటించారు. అయితే..తమిళనాడు ప్రభుత్వం మాత్రం ప్రత్యక్ష ప్రసారంపై నిషేధం విధించిందంటూ కేంద్ర ఆర్థిక మంత్రి నిర్మలా సీతారామన్ అసహనం వ్యక్తం చేశారు. X వేదికగా ఓ పోస్ట్ పెట్టారు. స్టాలిన్ ప్రభుత్వంపై తీవ్రంగా మండి పడ్డారు. యాంటీ హిందూ అంటూ విమర్శించారు. Hindu Religious and Charitable Endowments పరిధిలోని అన్ని ఆలయాల్లోనూ శ్రీరాముడి పేరిట ఎలాంటి పూజలు జరగకుండా ఆంక్షలు విధించారంటూ ఆరోపించారు. అంతే కాదు. రాముల వారి పేరు మీద ఎవరూ అన్నదానం చేయకుండా అడ్డుకుంటున్నారని మండి పడ్డారు. ఆలయాల్లో ఎలాంటి వేడుకలు చేయొద్దని పోలీసులు నిర్వాహకులను బెదిరిస్తున్నారని, ప్రైవేట్ ఆలయాలపై ఈ ఆంక్షలు ఎక్కువగా ఉంటున్నాయని అన్నారు. 

"అయోధ్య రామ మందిర వేడుకను ప్రత్యక్ష ప్రసారం చేయకుండా తమిళనాడు ప్రభుత్వం ఆంక్షలు విధించింది. రాష్ట్రంలో దాదాపు 200 రామాలయాలున్నాయి. రాముడి పేరిట ఎక్కడా పూజలు, వేడుకలు, భజన కార్యక్రమాలు జరగడానికి వీల్లేదని తేల్చి చెప్పింది. ఇక ప్రైవేట్ ఆలయాల పరిస్థితీ దారుణంగా ఉంది. అక్కడ ఎలాంటి వేడుకలు జరగకూడదని పోలీసులు బెదిరిస్తున్నారు. ఇలాంటి వైఖరిని కచ్చితంగా ఖండించాల్సిందే. స్టాలిన్ ప్రభుత్వం హిందువుల పట్ల ఇంత విద్వేషం చూపిస్తోంది"

- నిర్మలా సీతారామన్, కేంద్ర ఆర్థిక మంత్రి

TN govt has banned watching live telecast of #AyodhaRamMandir programmes of 22 Jan 24. In TN there are over 200 temples for Shri Ram. In HR&CE managed temples no puja/bhajan/prasadam/annadanam in the name of Shri Ram is allowed. Police are stopping privately held temples also… pic.twitter.com/G3tNuO97xS

— Nirmala Sitharaman (@nsitharaman) January 21, 2024

తీవ్ర అసహనం..

ఇదే విషయమై వరుస పెట్టి ట్వీట్‌లు చేశారు నిర్మలా సీతారామన్. రాముడిపై ఉన్న భక్తితో చాలా మంది ప్రత్యేక కార్యక్రమాలు నిర్వహించాలని అనుకుంటున్నారని, పేదలకు మిఠాయిలు పంచి పెట్టాలన్నా ప్రభుత్వం ఆంక్షలు విధిస్తోందని మండి పడ్డారు. అంతే కాదు. లైవ్ టెలికాస్ట్‌ సమయంలో పవర్ కట్‌ చేసే అవకాశమూ ఉందని కొంత మంది కేబుల్ ఆపరేటర్స్ చెప్పినట్టు సంచలన పోస్ట్ పెట్టారు. కేవలం శాంతిభద్రతల సాకు చూపించి వేడుకలు చేయకుండా అడ్డుకుంటున్నారని తీవ్ర అసహనం వ్యక్తం చేశారు. అయితే..ఈ ఆరోపణలపై ఇంకా తమిళనాడు ప్రభుత్వం స్పందించలేదు. 

Heart-breaking scenes in several parts of TN. People are threatened for organising #bhajans, feeding the poor, celebrating with sweets even as we wish to watch Hon. PM @narendramodi participate in #Ayodhya. Cable TV operators are told that there is a likely power-shut down during…

— Nirmala Sitharaman (@nsitharaman) January 21, 2024