Indian Railway Update: రైల్వే ప్రయాణికులారా గుర్తుంచుకోండి.. 7 రోజులపాటు ఆ సేవలు బంద్!

ఆదివారం నుంచి నవంబర్ 20 రాత్రి వరకు రైల్వే రిజర్వేషన్ సేవలు తాత్కాలికంగా నిలిచిపోనున్నాయి.

నేటి నుంచి నవంబర్ 20 వరకు రైల్వే రిజర్వేషన్ వ్యవస్థను తాత్కాలికంగా నిలిపివేయనున్నట్లు రైల్వే మంత్రిత్వ శాఖ వెల్లడించింది. మొత్తం 7 రోజుల పాటు రాత్రి 11.30 నుంచి ఉదయం 5:30 వరకు రిజర్వేషన్ సేవలు పనిచేయవని పేర్కొంది.

ఏ సేవలంటే?

రైల్వేశాఖ ప్రకటించినదాని ప్రకారం ఈ సమయంలో టికెట్ రిజర్వేషన్, రద్దు, కరెంట్ బుకింగ్, విచారణ వంటి మొదలైన సేవలు అందుబాటులో ఉండవని పేర్కొంది. కానీ పీఆర్‌ఎస్ సేవలు మినహా మిగిలినవన్నీ యథాతథంగా కొనసాగుతాయని రైల్వేశాఖ ప్రకటించింది. కనుక ఆయా సమయాలను ప్రయాణికులు గమనించుకోవాలని సూచించింది.

ఎందుకు?

కరోనాకు ముందున్న విధంగా రెగ్యులర్ రైళ్లను అందుబాటులోకి తీసుకురానుంది రైల్వేశాఖ. వీటి పునరుద్ధరణ కోసం చేపట్టే నిర్వహణ చర్యల్లో భాగంగా పలు సేవలను నిలిపేస్తున్నట్లు పేర్కొంది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి