CJI Ramana Update: 'అన్యాయం జరిగిన బాధితుడికి న్యాయవ్యవస్థే ఆఖరి ఆశాకిరణం'

న్యాయవ్యవస్థ, చట్టాలు మానవీయంగా పనిచేయాలని భారత ప్రధాన న్యాయమూర్తు జస్టిస్ ఎన్‌వీ రమణ అన్నారు.

న్యాయవ్యవస్థపై భారత ప్రధాన న్యాయమూర్తి ఎన్‌వీ రమణ కీలక వ్యాఖ్యలు చేశారు. న్యాయవ్యవస్థ కార్యకలాపాలు ప్రజలతో ముడిపడి ఉంటాయని, అందువల్ల అవి సున్నితంగా ఉండాలని జస్టిస్​ ఎన్​వీ రమణ వ్యాఖ్యానించారు. పాన్ ఇండియా లీగల్ అవేర్‌నెస్, ఔట్‌రీచ్ క్యాంపైన్ ముగింపు వేడుకల్లో జస్టిస్ రమణ ఈ వ్యాఖ్యలు చేశారు. 

బాధితులు, నిందితులపై న్యాయవ్యవస్థకు అవగాహన ఉండాలి. చట్టం మానవీయంగా పనిచేయాలి. ఏ విషయంలోనైనా అన్యాయం జరిగిన బాధితుడికి న్యాయ వ్యవస్థ ఆఖరి ఆశాకిరణంగా కనిపిస్తుంది. అందువల్ల న్యాయమూర్తులు భారత రాజ్యాంగం అప్పగించిన గొప్ప బాధ్యతలను చిత్తశుద్ధి, నిబద్ధతతో నిర్వహించాలి. కోర్టు ఇచ్చే తీర్పుల ప్రభావం సమాజంపై ఉంటుంది. కనుక అందరికీ అర్థమయ్యే సరళ భాషలో తీర్పులు ఉండాలి. న్యాయవ్యవస్థలో పారదర్శకత తీసుకురావడానికి డేటా మేనేజ్‌మెంట్ అవసరం. అప్పుడు బాధితువలకు సత్వర న్యాయం జరుగుతుంది. న్యాయవ్యవస్థకు ఉన్న స్వేచ్ఛ, సమగ్రతను అన్ని స్థాయిల్లో మనం కాపాడాలి, ప్రచారం చేయాలి, భద్రపరచాలి.                            -     సీజేఐ ఎన్‌వీ రమణ

భారత ప్రధాన న్యాయమూర్తిగా బాధ్యతలు స్వీకరించిన తర్వాత హైకోర్టు ప్రధాన న్యాయమూర్తులు, జడ్జీల ముందు జస్టిస్ ఎన్‌వీ రమణ నేరుగా ప్రసంగించడం ఇదే తొలిసారి. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి