గర్భస్రావం... ఎక్కవమంది గర్భిణిలకు కంటిమీద కునుకులేకుండా చేస్తుంది. దాన్ని అడ్డుకునేందుకు చాలా ఏళ్లుగా మనం వాడుతున్న మందుల్లో ఒకటి 17-OHPC.ఇదొక సింథటిక్ ప్రొజెస్టరాన్. దీన్ని 1950నుంచి 60ల మధ్య కాలంలో మహిళలు చాలా విరివిగా వాడారు. ఇప్పుడు కూడా ఇది వాడుకలో ఉంది. కానీ ఇది వాడడం వల్ల పుట్టే బిడ్డకు క్యాన్సర్ వచ్చే ప్రమాదం పెరుగుతుందని తేల్చింది ఓ కొత్త అధ్యయనం. హ్యూస్టన్ లెని యూనివర్సిటీ ఆఫ్ టెక్సాస్ హెల్త్ సైన్స్ సెంటర్ కు చెందిన పరిశోధకులు ఈ అధ్యయనాన్ని నిర్వహించారు. అధ్యయనం తాలూకు ఫలితాలను ‘అమెరికన్ జర్నల్ ఆఫ్ అబ్సెస్ట్రెట్రిక్స్ అండ్ గైనకాలజీ’ అనే మ్యాగజైన్ లో ప్రచురించారు. ఈ మందును నెలలు నిండకుండా ప్రసవం కాకుండా అడ్డుకునేందుకు కూడా వినియోగిస్తున్నారు. ఈ ప్రొజెస్టరాన్ గర్భధారణ సమయంలో గర్భాశయం పెరగడానికి సహాయపడుతుంది. అలాగే గర్భస్రావానికి దారితీసే పరిస్థితులను అడ్డుకుంటుంది.
ఈ క్యాన్సర్లు వచ్చే ప్రమాదం
గర్భధారణ సమయలో 17-OHPC ఔషధాన్ని తీసుకున్న మహిళలకు పుట్టిన పిల్లలు, ఈ ఔషదాన్ని వాడని స్త్రీలకు పుట్టిన బిడ్డలను పోల్చి చూశారు పరిశోధకులు. డ్రగ్ తీసుకున్న తల్లులకు పుట్టిన పిల్లల్లో క్యాన్సర్ వచ్చే ప్రమాదం రెండింతలు అధికంగా ఉన్నట్టు గుర్తించారు. ఆ పిల్లల్లో పెద్దయ్యాక కొలొక్టెరాల్ క్యాన్సర్, ప్యాంక్రియాటిక్ క్యాన్సర్, థైరాయిడ్ క్యాన్సర్ వంటివి అధికంగా వచ్చే అవకాశం ఉన్నట్టు చెబుతున్నారు. 1950 నుంచి 1960ల కాలంలో పుట్టిన వారిపై ఈ పరిశోధనను సాగించారు. ఆ కాలంలోనే కదా ఈ డ్రగ్ ని విపరీతంగా వాడారు.
ఈ పరిశోధన కోసం 1959 నుంచి 1967 మధ్య పుట్టిన 18,751 మందిని పరిశీలించారు. వారిలో 17-OHPC మందును వాడిన తల్లులకు పుట్టిన వారిని, వాడని తల్లులకు పుట్టిన వారిని విడదీశారు. ఈ డ్రగ్ ను వాడిన తల్లులకు పుట్టిన పిల్లల్లో... వారు పెద్దయ్యక దాదాపు 1008 మంది క్యాన్సర్ బారిన పడినట్టు గుర్తించారు. వీరిలో 65 శాతం మంది కేవలం 50 ఏళ్లలోపే క్యాన్సర్ బారిన పడినట్టు తేల్చారు.
‘గర్భధారణ సమయంలో ఈ ఔషధాన్ని తీసుకోవడం ప్రారంభంలోనే కొన్ని అవయవాల అభివృద్ధికి అంతరాయం కలిగిస్తుంది, దశాబ్ధాల తరువాత క్యాన్సర్ ప్రమాదాన్ని పెంచుతుంది’ అని అధ్యయనకర్త మర్ఫీ వివరించారు. అమెరికాలో ఫుడ్ అండ్ డ్రగ్ అడ్మినిస్ట్రేషన్ అక్టోబర్ 2020లోనే ఈ ఔషధాన్ని మార్కెట్ నుంచి ఉపసంహరించాలని ప్రతిపాదించింది.
ముఖ్య గమనిక: ఆరోగ్య నిపుణులు, పలు అధ్యయనాల్లో పేర్కొన్న అంశాలను ఇక్కడ యథావిధిగా అందించాం. మీకు ఎలాంటి సందేహాలు ఉన్నా వైద్యుడు లేదా ఆహార నిపుణులను సంప్రదించాలి. ఈ కథనం కేవలం మీ అవగాహన కోసమేనని గమనించగలరు.
Also read: ఏడ్చే మగాడిని నమ్మాల్సిందే... మగాళ్లూ హ్యాపీగా ఏడవండి, మానసిక ప్రశాంతత పొందండి
Also read: ఈ వధువు మామూలుది కాదు... పెళ్లికి పిలిచింది, పెళ్లిభోజనం మాత్రం కొనుక్కోమంది, ధరెంతో తెలుసా?
Also read: డయాబెటిస్ ఉందా... ఈ మూడూ పదార్థాలు రోజూ తినండి, ఎంతో మేలు
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి