Patna Delivery Boy: చిన్నప్పటి క్లాస్ మేట్ అవమానాన్ని చిరునవ్వుతో జయించిన శ్రమయోగి - ఈ డెలివరీ బాయ్ కు హ్యాట్సాఫ్ చెప్పాల్సిందే !
Patna: పాట్నా వీధుల్లో చోటుచేసుకున్న ఓ ఘటన ఇప్పుడు సోషల్ మీడియాను షేక్ చేస్తోంది. డెలివరీ బాయ్ గా పని చేస్తున్న తన చిన్ననాటి క్లాస్ మేట్ ను ఓ యువతి అవమానించింది. కానీ ఆ యువకుడు అసలు బాధపడలేదు.
Patna delivery boy was mocked by his classmate: పాట్నాలో ఇటీవల ఒక వైరల్ వీడియో నెటిజన్ల మనసులను కలిచివేస్తోంది. తన పాత క్లాస్మేట్, డొమినోస్లో పిజ్జా డెలివరీ బాయ్గా పనిచేస్తుండటం చూసిన ఒక యువతి అడిని అభినందించాల్సింది పోయి ఎగతాళి చేయడం ఆ వీడియోలో కనిపించింది. క్లాసులో అందరినీ మోటివేట్ చేసే నువ్వు, ఇప్పుడు కేవలం పిజ్జా డెలివరీ బాయ్వేనా అంటూ హేళన చేసింది. అయితే, ఆ అవమానాన్ని ఎదుర్కోవడంలో ఆ డెలివరీ బాయ్ ప్రదర్శించిన నిగ్రహం అందరినీ ఆశ్చర్యపరిచింది. తన పని పట్ల ఎలాంటి మొహమాటం లేకుండా, అదే చిరునవ్వుతో, హుందాగా తన బాధ్యతను నెరవేర్చడం అతడి వ్యక్తిత్వానికి నిదర్శనంగా నిలిచింది.
ఏ పనీ చిన్నది కాదు, నిజాయితీగా చేసే ఏ శ్రమయినా గౌరవప్రదమైనదేనని ఈ ఉదంతం మరోసారి నిరూపించింది. ఒకప్పుడు స్ఫూర్తినిచ్చిన సహాధ్యాయి, నేడు కుటుంబ బాధ్యతల కోసమో లేదా లక్ష్య సాధన కోసమో కష్టపడుతుంటే అతడిని చూసి గర్వపడాలి. డెలివరీ బ్యాగ్ మోయడం అనేది ఓటమి కాదు, పరిస్థితులతో పోరాడి గెలవాలనే పట్టుదల. ఎగతాళి చేసిన వ్యక్తికి ఆ క్షణం గర్వం అనిపించి ఉండవచ్చు కానీ, ఆ డెలివరీ బాయ్ ప్రదర్శించిన నిశ్శబ్దం మరియు చిరునవ్వు వెనుక కొన్ని వేల జీవిత పాఠాలు దాగి ఉన్నాయి.
Saw this viral heartbreaking Patna video — ex-schoolmate mocking the Domino's delivery boy for "just delivering pizza" after he used to motivate everyone in class. Bro stayed calm, kept smiling, kept working.
— Megh Updates 🚨™ (@MeghUpdates) January 29, 2026
No job is small when it's honest hustle. Respect 🙏🫡
Mocking… pic.twitter.com/RdsB8iYQbd
ఈ వీడియోపై సోషల్ మీడియాలో భారీ స్పందన వస్తోంది. బ్రో స్టేడ్ కామ్.. కెప్ట్ స్మైలింగ్ అంటూ నెటిజన్లు ఆ యువకుడి ధైర్యాన్ని మెచ్చుకుంటున్నారు. ఒక మనిషి హోదాను అతడు చేసే పనితో కాకుండా, అతడి నడవడికతో కొలవాలని ఈ ఘటన గుర్తుచేస్తోంది. ఎగతాళి చేసిన వ్యక్తిది సంకుచిత స్వభావమైతే, ఆ అవమానాన్ని తలకెక్కించుకోకుండా తన పనిపై దృష్టి పెట్టిన ఆ డెలివరీ బాయ్ది ఉన్నతమైన వ్యక్తిత్వం. నిజాయితీగా కష్టపడే ప్రతి ఒక్కరూ సమాజంలో గౌరవం పొందాలి.
A pizza delivery boy met his school-time female friend on the road…
— Saffron Chargers (@SaffronChargers) January 29, 2026
She started recording and mocked him: "You used to motivate everyone in school… and now you're delivering pizza?"
Then she said she’ll send the video to other friends too.
She laughed… but didn’t think for a… pic.twitter.com/hkSzH04O6x
నేటి తరం యువతకు ఈ వీడియో ఒక గొప్ప పాఠం. పరిస్థితులు తారుమారైనప్పుడు కుంగిపోకుండా, దొరికిన పనిని చిత్తశుద్ధితో చేయడం గొప్ప లక్షణం. ఆత్మాభిమానం అనేది ఆడంబరాల్లో ఉండదు, మనం చేసే పనిపై మనకున్న గౌరవంలో ఉంటుంది. పాట్నాకు చెందిన ఈ యువకుడు కేవలం పిజ్జా డెలివరీ చేయడం లేదు, ప్రతికూలతలను ఎలా ఎదుర్కోవాలో ఒక గొప్ప పాఠాన్ని అందరికీ అందిస్తున్నాడు. కష్టే ఫలి అనేది కేవలం మాటల్లో కాదు, ఇలాంటి వారి పోరాటంలోనే కనిపిస్తుంది.
టాప్ హెడ్ లైన్స్
ట్రెండింగ్ వార్తలు
