Donald Trump Tariffs : డొనాల్డ్ ట్రంప్కు సుంకాలపై భారీ షాక్, అక్రమమని తేల్చి చెప్పి అమెరికా కోర్టు
Donald Trump Tariffs : సుంకాల వివాదంపై అధ్యక్షుడు డొనాల్డ్ ట్రంప్నకు ఎదురుదెబ్బ తగిలింది. అమెరికా కోర్టు సుంకాల విధానాలను చట్టవిరుద్ధమని ప్రకటించింది.
Donald Trump Tariffs : అమెరికా అధ్యక్షుడు డొనాల్డ్ ట్రంప్ శనివారం నాడు తన సుంకాల విధానాన్ని చట్టవిరుద్ధమని కోర్టు ఇచ్చిన తీర్పుపై తీవ్రంగా స్పందించారు. తన సుంకాల విధానం కొనసాగుతుందని, ఈ విషయంలో సుప్రీంకోర్టును ఆశ్రయిస్తానని ట్రంప్ అన్నారు.
ట్రంప్ సోషల్ మీడియాలో ఇలా రాశారు, 'అన్ని సుంకాలు ఇప్పటికీ అమలులో ఉన్నాయి! ఒక పక్షపాత కోర్టు మా సుంకాలు తొలగించాలని తప్పుగా చెప్పింది, కానీ చివరికి అమెరికానే గెలుస్తుంది.' సుంకాలు తొలగిస్తే దేశానికి ఇది "పూర్తి విపత్తు" అవుతుందని, దీనివల్ల అమెరికా ఆర్థికంగా బలహీనపడుతుందని హెచ్చరించారు.
'సుంకాలే బలమైన ఆయుధం'
అమెరికా ఇకపై భారీ వాణిజ్య లోటును, ఇతర దేశాల అన్యాయమైన విధానాలను సహించదని ట్రంప్ అన్నారు. ఆయన మాట్లాడుతూ, 'లేబర్ డే వీకెండ్ సందర్భంగా, సుంకాలు మన కార్మికులకు, 'మేడ్ ఇన్ అమెరికా' ఉత్పత్తులను తయారు చేసే కంపెనీలకు అతిపెద్ద ఆయుధాలని గుర్తుంచుకోవాలి. సుప్రీంకోర్టు సహాయంతో, మేము వాటిని దేశ ప్రయోజనాల కోసం ఉపయోగిస్తాము, అమెరికాను మళ్లీ బలంగా తయారు చేస్తాము.' అని అన్నారు.
'అధికారం దాటిన అధ్యక్షుడు'
వాషింగ్టన్ డిసిలోని యుఎస్ కోర్ట్ ఆఫ్ అప్పీల్స్ ఫర్ ది ఫెడరల్ సర్క్యూట్ తన ఉత్తర్వులో, అత్యవసర అధికారాలను ఉటంకిస్తూ సుంకాలు విధించడం ద్వారా ట్రంప్ తన అధికారాన్ని మించి వ్యవహరించారని పేర్కొంది. కోర్టు మాట్లాడుతూ, 'చట్టం అత్యవసర పరిస్థితుల్లో అధ్యక్షుడికి అనేక చర్యలు తీసుకునేందుకు అనుమతిస్తుంది, అయితే ఇందులో సుంకాలు లేదా పన్నులు విధించే అధికారం ఉండదు.' ఈ నిర్ణయం ఏప్రిల్లో విధించిన పరస్పర సుంకాలు, ఫిబ్రవరిలో చైనా, కెనడా, మెక్సికోపై విధించిన కొన్ని సుంకాలు రద్దు అయ్యాయి. అయితే, ఉక్కు, అల్యూమినియంపై విధించిన ఇతర సుంకాలపై ఎటువంటి ప్రభావం ఉండదు.
ట్రంప్ ఈ సుంకాలకు 1977 ఇంటర్నేషనల్ ఎమర్జెన్సీ ఎకనామిక్ పవర్స్ యాక్ట్ (IEEPA) కింద సమర్థించారు. ఈ చట్టం సాధారణంగా అత్యవసర పరిస్థితుల్లో ఆస్తులను స్తంభింపజేయడానికి లేదా ఆంక్షలు విధించడానికి ఉపయోగిస్తారు. ఈ చట్టం కింద సుంకాలు విధించిన మొదటి అధ్యక్షుడు ట్రంప్.
కాంగ్రెస్ ఎప్పుడూ అధ్యక్షుడికి అపరిమిత సుంకాలు విధించే అధికారం ఇవ్వాలని అనుకోలేదని కోర్టు పేర్కొంది. ఈ తీర్పు ఐదు చిన్న అమెరికన్ వ్యాపారాలు, 12 డెమోక్రటిక్ పాలిత రాష్ట్రాలు వేసిన పిటిషన్లపై విచారించి ఇచ్చింది. రాజ్యాంగం ప్రకారం సుంకాలు విధించే అధికారం అధ్యక్షుడికి కాకుండా కాంగ్రెస్కు మాత్రమే ఉందని వాదించారు.
టాప్ హెడ్ లైన్స్
ట్రెండింగ్ వార్తలు
