ABP-CVoter Snap Poll: ఇక్కడ నరేంద్ర మోడీ, మరీ అక్కడెవరు ? I.N.D.I.A. కూటమి డిసైడ్ చేస్తుందా ?

సార్వత్రిక ఎన్నికలు వచ్చే ఏడాది జరగనున్నాయి. నరేంద్ర మోడీనే ప్రధాని అభ్యర్థని ఎన్టీఏ కూటమి తేల్చేసింది. ప్రధాన మంత్రి నరేంద్ర మోడీ కూడా ఆ దిశగానే పావులు కదుపుతున్నారు.

ఇక్కడ నరేంద్ర మోడీ, మరీ అక్కడెవరు ? I.N.D.I.A. డిసైడ్ చేస్తుందా ?

సార్వత్రిక ఎన్నికలు వచ్చే ఏడాది జరగనున్నాయి. నరేంద్ర మోడీనే ప్రధాని అభ్యర్థని ఎన్టీఏ కూటమి తేల్చేసింది. ప్రధాన మంత్రి నరేంద్ర మోడీ కూడా ఆ దిశగానే పావులు కదుపుతున్నారు. ఇప్పటి నుంచే ఎన్నికల ర్యాలీలతో హోరెత్తిస్తున్నారు. ముచ్చటగా మూడోసారి అధికారంలోకి రావడమే ధ్యేయంగా బీజేపీ నేతృత్వంలోని కూటమి వ్యూహాలు సిద్ధం చేస్తోంది. 

ఇక్కడ మోడీ, అక్కడెవరో తేలుస్తారా ?

ఎన్డీఏ కూటమి ప్రధాని అభ్యర్థి ప్రధాని మోడీయేనని డిసైడయిపోయింది. మరీ ప్రతిపక్ష కూటమి I.N.D.I.A. నుంచి ప్రధాన మంత్రి అభ్యర్థి ఎవరో ఇప్పటి దాకా తేల లేదు. కూటమిలోని పార్టీలు కూడా ఈ విషయంలో దాటవేత ధోరణి అవలంభిస్తున్నాయి. 28 ప్రతిపక్ష పార్టీలు కలిసి...I.N.D.I.A. కూటమిగా ఏర్పడ్డాయి. ఇప్పటికే బీహార్‌లోని పాట్నా, కర్ణాటలోకి బెంగళూరు, ముంబైలలో సమావేశాలు నిర్వహించింది. పార్టీల మధ్య సీట్ల అంశాన్ని కొలిక్కి తెచ్చేందుకు కో ఆర్డినేషన్‌ కమిటీని ఏర్పాటు చేసుకున్నాయి. ఎక్కడ ఏ పార్టీ బలంగా ఉంటుందో వారికే మద్దతిచ్చేలా, కూటమి నుంచి ఒకర్నే బరిలోకి దించాలని I.N.D.I.A. కూటమి పార్టీలు అవగాహనకు వచ్చాయి. బెంగాల్, కేరళ, ఢిల్లీ, పంజాబ్‌ వంటి రాష్ట్రాల్లో సీట్ల షేరింగ్‌ కూటమికి ఇబ్బందికరంగా మారనుంది. 

ప్రధాని ఫేస్‌తోనే ఫైట్ చేయాలి

2024 సార్వత్రిక ఎన్నికల్లో I.N.D.I.A. కూటమిలోని సీఎం అభ్యర్థిపై సీవోటర్ సంస్థ సర్వే నిర్వహించింది. దేశవ్యాప్తంగా వివిధ ప్రాంతాల్లో సీవోటర్ సంస్థ ప్రజల అభిప్రాయాలను సేకరించింది. సర్వేలో 50 శాతం మంది జనం I.N.D.I.A. సీఎం అభ్యర్థిని ఖరారు చేసి, ఎన్నికల్లో ఫైట్‌ చేయాలని అభిప్రాయపడ్డారు. 28 శాతం మంది పీఎం అవసరం లేదని చెబితే, మరో 22 శాతం మంది మరో రకంగా స్పందించారు. 46.3 శాతం I.N.D.I.A. కూటమికి మద్దతిస్తే, 56 శాతం మంది బీజేపీ నేతృత్వంలోని ఎన్డీఏ కూటమికి మద్దతుగా నిలిచారు. 2019 ఎన్నికల్లో ప్రధాన మంత్రి అభ్యర్థిని ఖరారు చేయకుండానే, ఎన్నికల్లో పోటీ చేయడం వల్ల కాంగ్రెస్ ఓటమి పాలయిందని మెజార్టీ ప్రజలు అభిప్రాయపడుతున్నారు. ఆ ఎన్నికల్లో బీజేపీకి 303 సీట్లు వస్తే, కాంగ్రెస్‌ పార్టీ 52 సీట్లతో సరిపెట్టుకోవాల్సి వచ్చింది.

[Disclaimer: This survey was based on CVoter personal interviews conducted among 2,686 adults across India. Sometimes the table figures do not sum to 100 due to the effects of rounding off. The margin of error is +/- 3% at the macro level and +/- 5% at the micro level. We believe this will give the closest possible resemblance to the trends.]