Viral Video: ఎక్సర్‌సైజ్‌ చేస్తుండగా యువకుడి తల పగలగొట్టిన జిమ్ ట్రైనర్

Viral News: ముంబయిలోని ఓ జిమ్‌లో దారుణ ఘటన జరిగింది. ఎక్సర్‌సైజ్ చేస్తుండగా ఓ జిమ్ ట్రైనర్ యువకుడిపై దాడి చేశాడు. ఈ ఘటనలో బాధితుడి తలకి తీవ్ర గాయమైంది.

ముంబయిలోని ఓ జిమ్‌లో దారుణ ఘటన జరిగింది. ఎక్సర్‌సైజ్ చేస్తుండగా ఓ జిమ్ ట్రైనర్ యువకుడిపై దాడి చేశాడు.

Source : X

Gym Trainer Hits Man: ముంబయిలోని ఓ జిమ్‌లో దారుణం జరిగింది. ఓ జిమ్‌ ట్రైనర్‌ యువకుడిపై దాడి చేశాడు. ఎక్సర్‌సైజ్ చేసే పరికరంతోనే తలపై గట్టిగా కొట్టాడు. ఇదంతా జిమ్‌లోని CC కెమెరాలో రికార్డ్ అయింది. యువకుడి తలపై తీవ్ర గాయమైంది. తృటిలో ప్రాణాపాయం తప్పింది. ఆ తరవాత బాధితుడు పోలీస్ కంప్లెయింట్ ఇవ్వగా నిందితుడిని అరెస్ట్ చేశారు. ఈ ఘటన ఈ నెల 17వ తేదీన జరిగినట్టు పోలీసులు వెల్లడించారు. సీసీ ఫుటేజ్ ప్రకారం...బాధితుడు ఓ చోట వ్యాయామం చేసుకుంటున్నాడు. పక్కనే ఓ జిమ్ ట్రైనర్ గైడ్ చేస్తున్నాడు. కొంత దూరంలో ఉన్న మరో ట్రైనర్ ఉన్నట్టుండి యువకుడిపై దాడి చేశాడు. నేరుగా తలపైనే కొట్టాడు. ఇది చూసి అంతా షాక్ అయ్యారు. తలకు గాయం కావడం వల్ల బాధితుడు అల్లాడిపోయాడు. అక్కడే కూలబడ్డాడు. ఇంతలో వేరే ట్రైనర్ వచ్చి నిందితుడిని అడ్డుకున్నాడు.

🚨🚨He could have died...

🔹️Whats triggering people to get so much voilent Nowbdays, even at slightest of arguments?

🔹️Violent Attack at Fitness Intelligence Gym, Mumbai: Trainer Arrested.pic.twitter.com/ss6jrZgbCz

— Manu🇮🇳🇮🇳 (@mshahi0024) July 18, 2024

ఈ దాడికి ముందు ఇద్దరి మధ్యా ఎలాంటి గొడవ జరగలేదు. వ్యాయామం చేస్తుంటే ట్రైనర్‌ అలాగే నిలబడి కోపంగా చూస్తూ ఉన్నాడు. ఆ యువకుడు ఏమైనా తప్పుంటే చెప్పమని అడిగాడు. ఏమీ మాట్లాడకుండా నేరుగా వచ్చి అటాక్ చేశాడు. ప్రస్తుతం బాధితుడికి చికిత్స అందిస్తున్నారు. తలకు ఓ వైపు రెండు చోట్ల ఫ్రాక్చర్ అయినట్టు MRIలో తేలింది. అయితే...తనపై జోక్‌లు వేశాడన్న కోపంతోనే దాడి చేశాడని కొందరు చెబుతున్నారు. కానీ అసలు కారణం మాత్రం తెలియలేదు. ప్రస్తుతం పోలీసులు ఈ కేసుపై విచారణ కొనసాగిస్తున్నారు.