హనుమంతుడికి మించిన గొప్ప రాయబారి ఎవరూ లేరు, మోదీ ప్రధాని అవడం ఈ దేశం అదృష్టం - జైశంకర్

Jaishankar on Hanuman: హనుమంతుడి కన్నా గొప్ప రాయబారి ఎవరూ లేరని విదేశాంగ మంత్రి జైశంకర్ ఆసక్తికర వ్యాఖ్యలు చేశారు.

హనుమంతుడి కన్నా గొప్ప రాయబారి ఎవరూ లేరని విదేశాంగ మంత్రి జైశంకర్ ఆసక్తికర వ్యాఖ్యలు చేశారు.

 Jaishankar on Hanuman: 

థాయ్‌లాండ్‌లో పర్యటన..

థాయ్‌లాండ్ పర్యటిస్తున్న విదేశాంగ మంత్రి జైశంకర్ ఆసక్తికర వ్యాఖ్యలు చేశారు. అక్కడి ఇండియన్ కమ్యూనిటీతో మాట్లాడిన ఆయన హనుమంతుడి ప్రస్తావన తీసుకొచ్చారు. చరిత్రలో అందరికన్నా అతి గొప్ప దౌత్యవేత్త ఎవరైనా ఉన్నారంటే...అది హనుమంతుడు మాత్రమేనని అన్నారు. తనకు ఏ మాత్రం తెలియని వేరే దేశానికి (లంకకు) వెళ్లి అక్కడ సీతను కనుగొన్నాడని, అక్కడి కోటకు నిప్పు పెట్టాడని వ్యాఖ్యానించారు. ఇలా రామాయణాన్ని ఉదహరిస్తూ హనుమంతుడి గొప్పదనాన్ని ప్రస్తావించారు. 

"రామాయణాన్ని ఓ సారి గుర్తు చేసుకోండి. ఎవరైనా నన్ను గొప్ప దౌత్యవేత్త ఎవరు అని అడిగితే కచ్చితంగా హనుమంతుడి పేరే చెప్తాను. తనకు ఏ మాత్రం అవగాహన లేని ఓ దేశానికి వెళ్లాడు. సీతను కనుగొన్నాడు. ఆమెతో మాట్లాడాడు. ఆమె నమ్మకం కోల్పోకుండా చేశాడు. రావణుడి కోటకు నిప్పు పెట్టి వచ్చాడు. లంకాదహనం ఘటనను ప్రస్తుత దౌత్యంతో పోల్చడం సరికాకపోయినా...మొత్తంగా చూస్తే మాత్రం హనుమంతుడు విజయంతో తిరిగి వచ్చాడు"

- ఎస్‌ జైశంకర్, భారత విదేశాంగ మంత్రి 

 

'To me, the best Diplomat is 𝙇𝙤𝙧𝙙 𝙃𝙖𝙣𝙪𝙢𝙖𝙣' External Affairs Minister Dr S Jaishankar in his interaction with Indian Community in Thailand. pic.twitter.com/fI40BYiWr9

— Megh Updates 🚨™ (@MeghUpdates) July 15, 2023

ఇదే సమావేశంలో ప్రధాని నరేంద్ర మోదీపై ప్రశంసలు కురిపించారు జైశంకర్. ఏషియన్ ఇండియా ఫారిన్ మినిస్టర్స్‌ సమ్మిట్‌కి  హాజరైన ఆయన...మోదీ విజనరీ చాలా గొప్పదంటూ కొనియాడారు.

"ప్రధాని నరేంద్ర మోదీలో ఉన్న ఓ గొప్ప లక్షణం ఏంటంటే...ఆయన ప్రతి అంశాన్ని సులువుగా అర్థం చేసుకుంటారు. వాటికి అనుగుణంగా విధానాలు రూపొందిస్తారు. ఇలాంటి సమయంలో మోదీ లాంటి వ్యక్తి ప్రధానిగా ఉండటం ఈ దేశం అదృష్టం. ఆయన ప్రధాని కాబట్టి ఈ మాటలు చెప్పట్లేదు. ఆయన కేబినెట్‌లో సభ్యుడిగా చెబుతున్నాను. ఆయన విజనరీ చాలా గొప్పది. ఇంత నిజాయతీ ఉన్న వ్యక్తులు చాలా అరుదుగా ఉంటారు.మోదీ ప్రధాని అయ్యాక విదేశాంగ విధానాల్లో ఎన్నో మార్పులు వచ్చాయి. లుక్ ఈస్ట్ పాలసీపై ఆయన దృష్టి పెట్టారు. అందుకే డిఫెన్స్, సెక్యూరిటీ రిలేషన్స్ ఇంతలా పురోగతి సాధించాయి"

- ఎస్ జైశంకర్, భారత విదేశాంగ మంత్రి 

#WATCH | I feel it's been an enormous good fortune of the country to have someday like him (PM Narendra Modi) at this time. I am not saying this because he is the PM and I am a member of his cabinet...He is enormously visionary and grounded and honestly such people come once in a… pic.twitter.com/EAuEBDK24l

— ANI (@ANI) July 15, 2023