Dawood: డీ-కంపెనీకి భారీ షాక్ - భారత్ చేతికి చిక్కిన డ్రగ్ కింగ్ పిన్ సలీం డోలా!

Salim Dola: అండర్‌వరల్డ్ డాన్ దావూద్ ఇబ్రహీం సామ్రాజ్యానికి భారత నిఘా వర్గాలు కోలుకోలేని దెబ్బ కొట్టాయి. ఇబ్రహీం ప్రధాన అనుచరుడు సలీం డోలా అరెస్టు అయ్యారు.

దావూద్ ప్రధాన అనుచరుడు ఇస్తాంబుల్‌లో అరెస్ట్

Source : x

Dawood aide Salim Dola brought back to India:  అండర్‌వరల్డ్ డాన్ దావూద్ ఇబ్రహీం సామ్రాజ్యానికి భారత నిఘా వర్గాలు కోలుకోలేని దెబ్బ కొట్టాయి. అంతర్జాతీయ డ్రగ్స్ నెట్‌వర్క్‌లో కీలక సూత్రధారి, దావూద్‌కు అత్యంత నమ్మకస్తుడైన సలీం డోలాను టర్కీలోని ఇస్తాంబుల్‌లో పట్టుకుని, మంగళవారం ప్రత్యేక విమానంలో ఢిల్లీకి తరలించారు. సుమారు 5,000 కోట్ల రూపాయల విలువైన సింథటిక్ డ్రగ్స్ దందాను అంతర్జాతీయ స్థాయిలో నడుపుతున్నట్లు ఇతనిపై ఆరోపణలు ఉన్నాయి. డీ-కంపెనీకి ఆర్థిక వెన్నెముకగా ఉన్న ఈ నెట్‌వర్క్‌ను ఛేదించడంలో డోలా అరెస్టు అత్యంత కీలకమైన మలుపుగా పరిగణిస్తున్నారు. 

నార్కోటిక్స్ కంట్రోల్ బ్యూరో, ముంబై పోలీసుల కళ్లు గప్పి ఇన్నాళ్లూ విదేశాల్లో తలదాచుకున్న సలీం డోలా, సింథటిక్ డ్రగ్స్‌ను దేశాల సరిహద్దులు దాటించడంలో ఆరితేరినవాడు. భారత్‌తో పాటు మరికొన్ని దేశాల్లోని యువతను లక్ష్యంగా చేసుకుని ఈ విషపూరిత వ్యాపారాన్ని విస్తరించాడు. భారత నిఘా సంస్థలు, అంతర్జాతీయ ఏజెన్సీలు సమన్వయంతో చేపట్టిన ఆపరేషన్ ఫలితంగానే ఇస్తాంబుల్‌లో ఇతను చిక్కాడు. అతని రాకతో దావూద్ ఇబ్రహీం గ్లోబల్ ఆపరేషన్లకు సంబంధించిన రహస్యాలు బయటపడే అవకాశం ఉంది.  

#WATCH | Delhi | On close aide of Dawood Ibrahim, Salim Dola, brought to India, NCB Deputy Director General, Neeraj Kumar Gupta says, "Under the leadership of the Prime Minister and the guidance of the Union Home Minister, India has adopted a zero-tolerance policy against drugs.… pic.twitter.com/czuXBJZVMK

— ANI (@ANI) April 28, 2026

ప్రస్తుతం ఢిల్లీలోని ఒక రహస్య ప్రాంతంలో ఇంటెలిజెన్స్ అధికారులు డోలాను సుదీర్ఘంగా విచారిస్తున్నారు. డ్రగ్ ట్రాఫికింగ్ మాత్రమే కాకుండా, మనీ లాండరిం,  ఉగ్రవాద కార్యకలాపాలకు నిధుల మళ్లింపు వంటి అంశాలపై ఆరా తీస్తున్నారు. విచారణ అనంతరం ఇతడిని ముంబై పోలీసులకు లేదా ఎన్‌సీబీ అధికారులకు అప్పగించనున్నారు. ఇతనిపై ఇప్పటికే దేశవ్యాప్తంగా పలు తీవ్రమైన కేసులు నమోదై ఉన్నాయి. డోలా ఇచ్చే సమాచారం ఆధారంగా భారత్‌లో డీ-కంపెనీకి సహకరిస్తున్న మరికొందరు స్లీపర్ సెల్స్ లేదా సహాయకుల గుట్టు రట్టు కావచ్చని భావిస్తున్నారు. 

VIDEO | Delhi: Close associate of underworld don Dawood Ibrahim and drug trafficker Mohammad Salim Dola was produced before the magistrate.

(Full video available on PTI Videos - https://t.co/n147TvrpG7) pic.twitter.com/41o5X7msuq

— Press Trust of India (@PTI_News) April 28, 2026

ఈ పరిణామం అండర్‌వరల్డ్ ముఠాలకు గట్టి హెచ్చరికగా నిలిచింది. ఇటీవల కాలంలో దావూద్ ప్రధాన అనుచరులపై భారత ప్రభుత్వం నిఘా పెంచి, వారిని విదేశాల నుండి రప్పించే ప్రక్రియను వేగవంతం చేసింది. సలీం డోలా బహిష్కరణ అనేది కేవలం ఒక వ్యక్తిని పట్టుకోవడం మాత్రమే కాదు, సరిహద్దులు దాటి విస్తరించిన వ్యవస్థీకృత నేరాలను వేళ్లూనుకోకుండా అరికట్టే వ్యూహంలో భాగంగా అధికారులు చూస్తున్నారు. రాబోయే రోజుల్లో డోలా వెల్లడించే విషయాలు అండర్‌వరల్డ్ డ్రగ్ సిండికేట్‌ పునాదులను కదిలించడం ఖాయంగా కనిపిస్తోంది. 

మరిన్ని చదవండి

పంజాబ్‌ ప్రభుత్వమూ బీజేపీ ఖాతాలోకి మారుతోందా? - అక్కడా విలీన వ్యూహం అమలు కాబోతోందా?

మనది గూగుల్... వాళ్లది గొడ్డలి! బోత్ ఆర్ నాట్ సేమ్ - విశాఖలో నారా లోకేష్ పంచ్‌లు