Worlds Heaviest Living Tree : ప్రపంచంలోనే అతిపెద్ద చెట్టు, ఇప్పటికీ పెరుగుతూనే ఉంది.. దాని వయసు, పూర్తి డిటైల్స్ ఇవే
Heaviest Living Tree : ప్రపంచంలోనే అతిపెద్ద చెట్టు ఒకటి ఉంది. ఇది ఎంత పెద్దది, వయస్సు ఎంత, దాని గురించిన ఇంట్రెస్టింగ్ విషయాలు తెలుసుకుందాం.
Largest Tree in the World : కాలిఫోర్నియాలోని సీక్వోయా నేషనల్ పార్క్ లోపల ఒక భారీ చెట్టు ఉంది. ఇది అనేక సామ్రాజ్యాలు ఏర్పడటం, కూలిపోవడాన్ని చూసింది. 'జనరల్ షెర్మెన్(General Sherman)' అధికారికంగా వాల్యూమ్ పరంగా భూమిపైనే అతిపెద్ద చెట్టుగా దీనిని పరిగణిస్తారు. శాస్త్రవేత్తల అంచనా ప్రకారం దీని వయస్సు 2,200 నుంచి 2,700 సంవత్సరాల మధ్య ఉంటుంది. అంటే.. చాలా పురాతన నాగరికతలతోపాటు.. ఇంకా అభివృద్ధి చెందుతున్న సమాజాన్ని ఈ చెట్టు చూస్తూ ఉంది.
అన్ని విధాలా భారీ చెట్టు
జనరల్ షెర్మెన్ దాదాపు 275 అడుగుల ఎత్తులో ఉంది. ఇది ప్రపంచంలోనే అత్యంత ఎత్తైన చెట్టు కానప్పటికీ.. దాని అసలు రికార్డు దాని పెద్ద ట్రంక్ వాల్యూమ్లో ఉంది. ఇది దాదాపు 52,500 క్యూబిక్ అడుగుల పరిమాణంలో ఉంది. నేలపై దాని ట్రంక్ వ్యాసం దాదాపు 36 అడుగులు. దాని మొత్తం బరువు దాదాపు 1.27 మిలియన్ కిలోలుగా అంచనా వేశారు. దీని బరువు దాదాపు ఏడు పెద్ద నీలి తిమింగిలాల బరువుతో సమానంగా ఉంటుందట.
ఇప్పటికీ పెరుగుతోందిగా
2000 సంవత్సరాల కంటే ఎక్కువ కాలం నుంచి ఉన్నప్పటికీ.. ఈ చెట్టు ఇప్పటికీ జీవించి ఉంది. అంతేకాకుండా పెరుగుతోంది. ప్రతి సంవత్సరం ఇది 60 అడుగుల ఎత్తైన చెట్టుకు సమానమైన కొత్త కలపను ఇస్తుంది. 2006 లో దాని అతిపెద్ద కొమ్మలలో ఒకటి దాదాపు 100 అడుగుల పొడవు, 7 అడుగుల వెడల్పుతో విరిగిపోయింది. ఆశ్చర్యకరమైన విషయం ఏమిటంటే ఈ ఒక్క కొమ్మ అనేక పూర్తి చెట్ల కంటే పెద్దదిగా ఉందట.
ఎలా మనుగడ సాగించింది?
ఈ చెట్టు ఇప్పటి ఎలా బతికి ఉందనే డౌట్ చాలామందికి ఉంటుంది. దాని వెనుక రహస్యం ఏమిటంటే.. దాని సొంత సహజ రక్షణ వ్యవస్థ. దీని బెరడు దాదాపు 2 అడుగుల మందంగా, చాలా పీచుగా ఉంటుంది. కాబట్టి ఇది అడవి మంటలను తట్టుకుంటుంది. బెరడు నెమ్మదిగా మండుతుంది. దీనివల్ల లోపలి పొరలు దెబ్బతినకుండా ఉంటాయి. దీనితో పాటు దాని కలపలో టానిన్ చాలా ఎక్కువగా ఉంటుంది. ఇది ఒక సహజ రసాయనం. ఇది కుళ్ళిపోకుండా నిరోధిస్తుంది. కీటకాలను దూరంగా ఉంచుతుంది.
ప్రపంచవ్యాప్తంగా ఇతర రికార్డులు కలిగి ఉన్న చెట్లు
ఈ చెట్టు వాల్యూమ్ పరంగా అతిపెద్దది అయినప్పటికీ.. ఇతర చెట్లు వేర్వేరు గ్లోబల్ రికార్డులను కలిగి ఉన్నాయి. చిలీలో 'గ్రేట్ గ్రాండ్ ఫాదర్' అని పిలువబడే ఒక సైప్రస్ చెట్టు దాదాపు 5,400 సంవత్సరాల కంటే ఎక్కువ పురాతనమైనదిగా భావిస్తున్నారు. ప్రపంచంలోనే అత్యంత ఎత్తైన చెట్టు హైపెరియన్. ఇది ఒక కోస్ట్ రెడ్వుడ్, 380 అడుగుల కంటే ఎక్కువ ఎత్తులో ఉంది.
టాప్ హెడ్ లైన్స్
ట్రెండింగ్ వార్తలు
