The Conjuring House: ‘ది కంజూరింగ్’ హౌస్, ఆ దెయ్యాల కొంపను రూ.11 కోట్లకు అమ్మేశారు, చరిత్ర తెలిస్తే షాకవుతారు!

అది 1971.. ఆ ఇంట్లో నివసిస్తున్న కుటుంబానికి ఏవో వింత శబ్దాలు వినిపించాయి. ఆ తర్వాత వస్తువులు వాటికవే కదిలాయి. ఆ తర్వాత మనుషలు సైతం గాల్లోకి ఎగిరిపడ్డారు. ఇంతకీ ఏం జరిగింది?

Image Credit: @teamnegotium/Twitter

హర్రర్ సినిమాలు ఎక్కువగా చూసేవారికి ఈ ఇంటి గురించి ప్రత్యేకంగా చెప్పక్కర్లేదు. ఎందుకంటే.. వారు ఇప్పటికే ‘ది కంజూరింగ్’ సినిమాలో ఆ ఇల్లు ఎంత భయానకంగా ఉంటుందో చూసేశారు. 2013లో విడుదలైన ‘ది కంజూరింగ్’ సినిమాకు స్ఫూర్తినిచ్చిన ఈ ఇళ్లు చాలా ఏళ్లుగా ఖాళీగా ఉంటుంది. దీన్ని కొనుగోలు చేయడానికి చాలామంది వెనకడుగు వేశారు. ఇందుకు రెండు కారణాలు ఉన్నాయి. ఒకటి.. ఈ ఇంటి ధర, రెండోది ఆ ఇంట్లో ప్రేతాత్మలు తిరుగుతున్నాయనే భయం. అదేంటీ, ఆత్మలు తిరుగుతున్న ఇంటిని తక్కువ రేటుకు అమ్మాలిగా, అంత ధర ఎందుకు పలుకుతోందనేగా మీ సందేహం? అదే మ్యాజిక్కు!

అమెరికాలోని రోడే ఐలాండ్‌లో గల ఈ ఫామ్‌హౌస్‌ను అంతా ‘హాంటెడ్ హౌస్’ అని అంటారు. ఆ ఇంట్లో ఎవరైతే నివసిస్తారో.. వారిని ప్రేతాత్మలు వేదిస్తాయనే నమ్మకం ప్రచారంలో ఉండటం వల్ల ఆ ఇంటికి ఆ పేరు వచ్చింది. బుర్రిల్‌విల్లేలో 18వ శతాబ్దంలో ఈ ఇంటిని నిర్మించారు. అన్నేళ్లయినా ఈ ఇల్లు చెక్కు చెదరలేదు. దీంతో ఓ మహిళ 1.525 మిలియన్ డాలర్లు (రూ.11 కోట్లు) చెల్లించి మరీ ఈ ఇంటిని తన సొంతం చేసుకుంది. పైగా, అది ‘హాంటెడ్’ హౌస్ అని తెలిసినా తనకేమీ భయం లేదని స్టేట్‌మెంట్ ఇచ్చింది. తన విశ్వాసాలు తనకు ఉన్నాయని పేర్కొంది. 

వండర్‌గ్రూప్ LLC సంస్థ యజమాని జాక్వెలిన్ నూనెజ్ ఈ ఇంటిని కొనుగోలు చేసింది. నా వ్యక్తిగత అవసరాల కోసమే తాను ఇంటిని కొనుగోలు చేశానని, రియల్ ఎస్టేట్ అభివృద్ధి కోసం కాదని ఆమె స్పష్టం చేసింది. ఇప్పటివరకు ఈ ‘కంజూరింగ్’ ఇల్లు కోరి, జెన్నిఫర్ హెయిన్‌జెన్ ఆధీనంలో ఉండేది. హెయినెజ్ ఇన్నాళ్లూ ఆ ఇంటిని పారానార్మల్ (అతీంద్రియ శక్తులు) వ్యాపారానికి ఈ ఇంటిని ఉపయోగించాడు. ఆత్మల ఉనికిని తెలుసుకోడానికి వచ్చే అతిథులకు ఈ ఇంటని అద్దెకు ఇచ్చేవాడు. వారు రాత్రిపూట అక్కడ పారానార్మల్ పరిశోధనలు చేసేవారు. లైవ్‌లో ప్రేతాత్మల ఉనికిని చూపించే కార్యక్రమాలకు కూడా అనుమతి ఇచ్చేవాడు. ఈ ఇంటిని కొనుగోలు చేసిన జాక్వెలిన్ కూడా అవన్నీ కొనసాగిస్తానని పేర్కొంది.

THE CONJURING HOUSE GOES FOR $1.5 MILLION 💀

Seems like the Haunted Mansion 'The Conjuring House', in Rhode Island, isn’t scaring off buyers anymore

It has been bought at a whopping $1.525 million, a 27% increase from its original ask#haunted #ghost #conjuring #theconjuring pic.twitter.com/cQ8eIDs45r

— Negotium (@teamnegotium) May 26, 2022

‘‘ఈ ఇంట్లో ఉన్న ప్రేతాత్మలు లేదా శక్తులు దుర్మార్గంగా ఉంటాయని నేను నమ్మను. కానీ, నన్ను ఆశ్చర్యపరిచే ఘటనలు ఇక్కడ జరుగుతాయని నాకు తెలుసు. కానీ, నాకు వాటి వల్ల ఎలాంటి హాని కలగదు. ఆ అనుభవం పొందేందుకు ఎంతో ఆత్రుతగా ఎదురు చూస్తున్నా’’ అని తెలిపింది. 1971లో ఆ ఇంట్లో నివసించిన ఓ కుటుంబం ప్రేతాత్మల వేదింపులు ఎదుర్కొంది. రోజర్, కరోలిన్ పెర్రాన్ దంతతులు, వారి ఐదుగురు కుమార్తెలు ఆ ఫామ్ హౌస్‌లో నివసించేవారు. వారి కుక్క అనుమానస్పద స్థితిలో చనిపోయింది. అప్పటి నుంచి వారి ఇంట్లో వింత ఘటనలు చోటుచేసుకున్నాయి. దీంతో పారానార్మల్ నిపుణులు వచ్చి ఆ ఆత్మలను నుంచి వారికి రక్షించారు. ఈ ఇంట్లో జరిగిన ఘటనల ఆధారంగా ‘ది కంజూరింగ్’ సినిమా తెరకెక్కింది. అయితే, ఆ మూవీని మాత్రం ఈ ఇంట్లో చిత్రీకరించలేదు. అయితే, ఇప్పటికీ ఆ ఇంట్లో ఆత్మలు ఉనికిలోనే ఉన్నట్లు చెబుతుంటారు.