Secret Santa 2023 : ఈ క్రేజీ గిఫ్ట్లతో మీ కొలిగ్స్ని సర్ప్రైజ్ చేసేయండి
Secret Santa Gifts : మీ ఆఫీస్లో క్రిస్మస్లో భాగంగా సీక్రెట్ శాంటా సెలబ్రేట్ చేస్తున్నారా? ఈ సమయంలో మీ కొలిగ్స్కి ఎలాంటి గిఫ్ట్లు ఇవ్వాలా అని తెగ ఆలోచించేస్తున్నారా? అయితే ఇది మీకోసమే.
Secret Santa Gift Ideas 2023 : క్రిస్మస్ సమీపించే సమయంలో మీ సహోద్యోగులకు సీక్రెట్ శాంటా బహుమతులు ఇచ్చే సంప్రదాయం మీ ఆఫీస్లో ఉందా? కొన్ని కార్పోరేట్ ఆఫీస్లలో ఈ సీక్రెట్ శాంటా పేరుతో బహుమతులు ఇస్తుంటారు. మీ ఆఫీస్లో కూడా ఇలాంటి రూల్ ఉంటే ఈ సంవత్సరం మీ కొలిగ్స్కి మీరేమి గిఫ్ట్లు ఇవ్వాలనుకుంటున్నారు? మీకు ఏమి గిఫ్ట్ వస్తుందనే దానికంటే.. ఏ గిఫ్ట్ ఇస్తే బాగుంటుందనే ఆలోచనలో ఉన్నారా?అయితే ఇక్కడ కొన్ని క్రియేటివ్, క్రేజీ గిఫ్ట్ ఐడియాలున్నాయి.
సీక్రెట్ శాంటాగా మీరు ఇచ్చే గిఫ్ట్స్ మీ కొలిగ్స్కి ఉపయోగపడేవి అయితే బాగుంటుంది. కాబట్టి కాస్త కొత్తగా, క్రియేటివ్గా, క్రేజీగా ఏదైనా ఇస్తే అది వారికి కూడా హెల్ప్ అవుతుంది. ముఖ్యంగా వారికి హాలిడే సమయంలో ఉపయోగపడే గిఫ్ట్లను ఇస్తే.. వారు ఎక్కడికైనా వెళ్లినా తీసుకెళ్లగలిగే వాటిని ఇస్తే ఇంకా మంచిది. అయితే అలాంటి కొన్ని గిఫ్ట్ ఐడియాలు ఇక్కడున్నాయి. అవేంటో మీరు ఓ లుక్కేయండి. కొనేయండి.
ఫ్రెంచ్ ప్రెస్
మీ కొలిగ్కి కాఫీ అంటే ఇష్టమా? అయితే ఇంకెందుకు ఆలస్యం వారికోసం ఫ్రెంచ్ ప్రెస్ కొనేయండి. ఇది వారి పని ఒత్తిడి నుంచి ఉపశమనం అందించే ఓ క్యూట్ మిషన్ అవుతుంది. ఎందుకంటే ఇది సూపర్ ఫంక్షనల్, క్లాసీ కాఫీ గేర్ అని చెప్పవచ్చు. దీనిని ఉపయోగించడం కూడా చాలా తేలిక. పైగా పని ఒత్తిడినుంచి రిలీఫ్ కోసం దానిని ఆశ్రయించిన ప్రతీసారి మీకు బ్లెస్సింగ్స్ వస్తాయి.
క్రిస్మస్ స్వెటర్లు
క్రిస్మస్ సమయంలో చలి ఎక్కువగా ఉంటుంది. కాబట్టి వారికి మీరు స్వెటర్ గిఫ్ట్గా ఇవ్వొచ్చు. అయితే దానిని కాస్త డిఫరెంట్గా ఇవ్వాలనుకుంటే మీరు అగ్లీ క్రిస్మస్ స్వెటర్ ఇవ్వొచ్చు. క్రిస్మస్ సమయంలో వీటికుండే డిమాండ్ అంతా ఇంతా కాదు. పాశ్చాత్య దేశాల్లో వీటిని బాగా ఎక్కువగా కొనగోలు చేస్తారు. అయితే క్రిస్మస్ సమయంలో మీరు మీ కొలిగ్కి.. ఏమైనా ఫన్నీ కోట్స్ ఉన్న స్వెటర్స్ని గిఫ్ట్ చేయవచ్చు. వాటిని చూసినప్పుడు.. లేదా ఎవరైనా దాని గురించి అడిగినప్పుడు వారు మిమ్మల్ని తలచుకుంటారు.
సెంటెండ్ క్యాండిల్స్
సువాసనలు వెదజల్లే కొవ్వొత్తులు ఎప్పుడూ ట్రెండ్కి తగ్గట్లు ఉంటాయి. అదే సమయంలో సంప్రదాయబద్ధంగా కూడా ఉంటాయి. కాబ్టటి వీటిని ఎవరూ విస్మరించలేరు. ఒత్తిడిని తగ్గించే ఫ్లేవర్ కలిగిన క్యాండిల్స్ని మీ కొలిగ్స్కి గిఫ్ట్ చేయండి. అవి రోజంతా ఆఫీస్ పనిలో అలసిపోయి.. ఇంటికి వెళ్లిన తర్వాత ఈ కొవ్వొత్తి వల్ల స్ట్రెస్ రిలీఫ్ అయితే అంతకంటే కావాల్సిందేముంది?
ప్రయాణ ఉపకరణాలు..
పండుగల సమయంలో లేదా లాంగ్ వీకెండ్ వస్తే కాస్త స్ట్రెస్ రిలీఫ్ కోసం చాలామంది బయట ప్రయాణాలు చేస్తారు. అలా ట్రావెల్ చేయడానికి ఇష్టపడే కొలిగ్ మీకుంటే.. వారికోసం మంచి బ్యాగ్ను కొనొచ్చు. లేదంటే జర్నీలో ఉపయోగించే దిండు, ఐ మాస్క్ వంటి చిన్నచిన్న వస్తువులను గిఫ్ట్గా ఇవ్వొచ్చు. ఇది వారి హాలీడేకి ఉపయోగపడేదయ్యేలా చూసుకోండి.
మీరు ఇలాంటి క్రియేటివ్ ఐడియాలతో గిఫ్ట్లు ఇస్తే.. ఏ కొలిగ్ మాత్రం నిరాశ చెందుతారు చెప్పండి. ఇంకెందుకు ఆలస్యం మీ క్రియేటివిటీతో గిఫ్ట్స్ కొనేసి.. మీ కొలిగ్కి ఫేవరట్ సీక్రెట్ శాంటాగా మారిపోండి.
Also Read : క్రిస్మస్ను డిసెంబర్ 25నే ఎందుకు జరుపుకుంటారో తెలుసా?
టాప్ హెడ్ లైన్స్
ట్రెండింగ్ వార్తలు
