Lemon After Alcohol : డ్రింక్ తర్వాత నిమ్మకాయ తింటే మత్తు తగ్గుతుందా? నిజం ఏమిటి?
Lemon Cure Hangover : మద్యం తీసుకున్న తర్వాత నిమ్మకాయ తింటే కిక్ రెట్టింపు అవుతుందా? లేదా హ్యాంగోవర్ తగ్గుతుందా? సైన్స్ ఏమి చెప్తుందో ఇప్పుడు తెలుసుకుందాం.
Lemon Boost or Reduce Alcohol’s Effect : మద్యం సేవించిన తర్వాత నిమ్మకాయను నమలడం వల్ల హ్యాంగోవర్ ప్రభావం తక్షణమే తగ్గుతుందని చెప్తున్నారు. ఎందుకంటే దాని పుల్లని రుచి ఆల్కహాల్ ప్రభావాలను తగ్గిస్తుందట. మరి ఇది నిజంగానే పనిచేస్తుందా? మరి సైన్స్ ఏమి చెప్తుంది? ఆల్కహాల్ ప్రభావాన్ని తగ్గించే శక్తి నిమ్మకాయకు ఉందో? లేదో.. నిపుణులు ఏమంటున్నారో చూసేద్దాం.
ఆల్కహాల్ తాగినప్పుడు.. అది హానికరమైన పదార్థాలుగా మారడానికి ముందే మీ కాలేయం దానిని అసిటాల్డిహైడ్గా విచ్ఛిన్నం చేస్తుంది. ఇది విషపూరిత సమ్మేళనం. ఈ ప్రక్రియకు సమయం పడుతుంది. కాలేయం ఆల్కహాల్ను దాదాపు స్థిరమైన రేటుతో జీవక్రియ చేస్తుంది. కాబట్టి ఆ సమయంలో నిమ్మకాయ తీసుకున్నా.. నిమ్మకాయ ఎంత పుల్లగా ఉన్నా.. అది రక్తంలో ఆల్కహాల్ స్థాయిలను తక్షణమే తగ్గించలేదు. సమయం మాత్రమే రక్తం నుంచి ఆల్కహాల్ను తొలగించుకోవడానికి అనుమతిస్తుంది. మరి ఈ సమయంలో నిమ్మకాయ తీసుకుంటే ప్రయోజనం ఉందా? లేదా?
విటమిన్ సి, లివర్ సపోర్ట్
నిమ్మకాయలలో విటమిన్ సి, యాంటీఆక్సిడెంట్లు పుష్కలంగా ఉంటాయి. ఈ పోషకాలు ఆల్కహాల్ వినియోగం వల్ల కలిగే ఆక్సీకరణ ఒత్తిడిని గణనీయంగా తగ్గిస్తాయి. ఎసిటాల్డిహైడ్ వంటి విషపూరిత ఉపఉత్పత్తులు కాలేయ కణాలను దెబ్బతీసినప్పుడు ఆక్సీకరణ ఒత్తిడి ఏర్పడుతుంది. విటమిన్ సి శరీరాన్ని సహజంగా డీటాక్స్ చేయడానికి హెల్ప్ చేస్తుంది. కాలేయం విషాన్ని మరింత సమర్థవంతంగా ప్రాసెస్ చేయడానికి మాత్రమే హెల్ప్ చేస్తుంది. అంతేకానీ వెంటనే హ్యాంగోవర్ తగ్గదు.
హైడ్రేషన్
ఆల్కహాల్ ఒక మూత్రవిసర్జన కారకం. దీని అర్థం ఏంటంటే.. ఇది మూత్ర విసర్జనను పెంచి శరీరాన్ని డీహైడ్రేట్ చేస్తుంది. తలనొప్పి, తలతిరగడం, అలసట వంటి హ్యాంగోవర్ లక్షణాలు పెంచుతుంది. నిమ్మకాయ నీరు తాగడం వల్ల కోల్పోయిన ద్రవాలను భర్తీ చేయడంలో, ఎలక్ట్రోలైట్ సమతుల్యతను పునరుద్ధరించడంలో సహాయపడుతుంది.
పుల్లని రుచి
నిమ్మకాయ పుల్లని రుచి ఇంద్రియ నరాలను ఉత్తేజపరుస్తుంది. మెదడులో ఆకస్మిక షాక్ ప్రతిస్పందనను ప్రేరేపిస్తుంది. తాత్కాలికంగా చురుకుదనం పెరుగుతుంది. దీంతో మగత తగ్గినట్లు అనిపిస్తుంది. అంతేకానీ ఎఫక్ట్ ఎక్కువకాలం ఉండదు. అందుకే నిమ్మకాయ తినడం వల్ల మద్యం మత్తు నయమవుతుందనే ఆలోచన అపోహ మాత్రమే అని అంటున్నారు.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
