News
News
X

Cancer: నాలుక మీద పుండ్లను నిర్లక్ష్యంగా చేస్తున్నారా? జాగ్రత్త క్యాన్సర్ కావచ్చు

నోటిలో పుండ్లు వచ్చాయని ఓ యువతి సాధారణ సమస్యే కదా అని నిర్లక్ష్యం వహించింది. కానీ చివరికి తన నాలుక సగం కోల్పోవాల్సి వచ్చింది.

FOLLOW US: 

శరీరంలో అధికంగా వేడి చేసినప్పుడు నోట్లో పుండ్లు, పూత వస్తూనే ఉంటాయి. ఓ యువతికి కూడా అలాగే నాలుక మీద పుండ్లు వచ్చాయి. సాధారణమైనవే కదా అని పెద్దగా పట్టించుకోలేదు. నిర్లక్ష్యంగా వ్యవహరించింది. వాటి బాధ ఎక్కువ అవడంతో డెంటిస్ట్ దగ్గరకి వెళ్ళింది. జ్ఞాన దంతాల వల్ల అలా వచ్చిందని అని మందులు ఇచ్చారు. అవి వాడినా కూడా తగ్గలేదు. చివరికి పరీక్షలు చేయిస్తే క్యాన్సర్ అని తేలింది. ఫలితంగా నాలుక సగం తీసివేయాల్సి వచ్చింది. అసలేం జరిగిందంటే..

ఛార్లెట్ వెబ్ స్టర్ సాల్టర్ అనే 27 ఏళ్ల యువతి ఫ్లైట్ అటెండెంట్ గా పనిచేస్తుంది. 2018 లో తన నాలుకపై తొలిసారిగా పుండ్లు కనిపించాయి. అవి బాగా ఇబ్బంది పెట్టడం వల్ల దంత వైద్యుడిని సంప్రదించింది. జ్ఞాన దంతాలు బయటకి రావడం వల్ల అలా ఇబ్బంది కలుగుతుందని డాక్టర్ చెప్పేసరికి వైద్యుని సలహా మేరకి దంతాలు క్లీన్ చేయించుకుంది. రెండేళ్ల తర్వాత మళ్ళీ అదే ప్రదేశంలో పుండ్లు వచ్చాయి. హ్యాంగోవర్, స్పైసీ ఫుడ్ తినడం వల్ల ఇలా అవుతుందని అనుకుని పట్టించుకోకుండా ఉండిపోయింది. కానీ వాటి వల్ల ఆమె నాలుక తెల్లగా మారిపోయి గాయాలు ఎక్కువ అయ్యాయి. చివరికి ఆమె 2021లో చెవి, ముక్కు, గొంతు డాక్టర్ ని సంప్రదించింది. ఇంగ్లాండ్ లోని చిచెస్టర్ సెయింట్ రిచర్డ్స్ హాస్పిటల్ కి వెళ్ళింది. అక్కడి వైద్యులు ఆమె నాలుకపై కణితిని గుర్తించారు.

ఆమె నాలుకకి పొలుసుల కణ క్యాన్సర్ సోకిందని వెల్లడైంది. ఇది నెమ్మదిగా నోరు, గొంతులోనూ ప్రభావం చూపిస్తుందని డాక్టర్స్ చెప్పారు. సాధారణంగా ఇటువంటి క్యాన్సర్ ధూమపానం ఎక్కువగా చేసే వారిలో కనిపిస్తుంది. కానీ ఆమెకి ఆ అలవాటు లేకపోయినా ఈ క్యాన్సర్ బారిన పడటం వైద్యులని ఆశ్చర్యపరిచింది. వ్యాధి నిర్ధారణ అయిన వెంటనే ఆమె నాలుకకి శస్త్ర చికిత్స చేశారు. సుమారు తొమ్మిది గంటల పాటు శ్రమించి నాలుకలో కొంత భాగాన్ని తొలగించాల్సి వచ్చింది. తన తొడ నుంచి కొద్దిగా కండని తీసి ఆమె నాలుకకి సాధారణ రూపం తీసుకొచ్చేందుకు ప్రయత్నించారు.

ఆపరేషన్ జరిగిన తర్వాత రెండు వారాల పాటు ఆమె శ్వాస తీసుకోవడంలో ఇబ్బంది ఎదుర్కోవాల్సి వచ్చింది. తర్వాత తన కొత్త నాలుకతో ఎలా మాట్లాడాలి, ఎలా తినాలి అనే దాని గురించి వైద్యులు ఆమెకి ప్రత్యేకంగా ఫిజియో థెరపీ ఇచ్చారు. కొన్ని రోజుల తర్వాత ఆమె కోలుకుని చిన్నగా మాట్లాడటం ప్రారంభించింది. ఆ క్యాన్సర్ కణాలు ఇతర భాగాలకి వ్యాపించాయో లేదో అని తెలుసుకోవడానికి డాక్టర్స్ పరీక్షలు కూడా చేశారు. కానీ వాటిలో ఆమెకి క్యాన్సర్ లేదని నిర్ధారణ అయ్యింది.

News Reels

నాలుక క్యాన్సర్ లక్షణాలు

☀ నాలుకపై ఎరుపు లేదా తెల్లటి ప్యాచ్ కనిపించడం

☀ నాలుకపై పుండ్లు

☀ మింగేటప్పుడు నొప్పి

☀ నాలుకపై నొప్పి లేదా మంట

☀ మాట్లాడటంలో ఇబ్బంది, నాలుక కదిలించడం కష్టం అవడం

☀ నాలుక నుంచి రక్తస్రావం

ఈ సంకేతాలు కనిపిస్తే ఎటువంటి నిర్లక్ష్యం చేయకుండా వెంటనే వైద్యులని సంప్రదించి పరీక్షలు చేయించుకోవాలని నిపుణులు హెచ్చరిస్తున్నారు. ఆలస్యం చేస్తే నాలుక తీసేయడం వల్ల మాట పోయే అవకాశం ఉందని చెబుతున్నారు.

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.

Also read: మందు తాగితే మెదడు మటాషే, ఇవిగో ఆధారాలు

Published at : 04 Nov 2022 03:09 PM (IST) Tags: Cancer Tongue Tongue Cancer Tongue Cancer Symptoms Mouth Ulcer

సంబంధిత కథనాలు

పాదాలు చల్లగా మారిపోతున్నాయా? ఈ వ్యాధి గురించి తెలుసుకోకపోతే గుండె ప్రమాదంలో పడినట్లే

పాదాలు చల్లగా మారిపోతున్నాయా? ఈ వ్యాధి గురించి తెలుసుకోకపోతే గుండె ప్రమాదంలో పడినట్లే

Lung Cancer: ఈ లక్షణాలు కనిపిస్తే నిర్లక్ష్యం చెయ్యొద్దు - అది ప్రాణాంతక లంగ్ క్యాన్సర్ కావొచ్చు

Lung Cancer: ఈ లక్షణాలు కనిపిస్తే నిర్లక్ష్యం చెయ్యొద్దు - అది ప్రాణాంతక లంగ్ క్యాన్సర్ కావొచ్చు

Viral Video: సెగలు కక్కే లావాలోకి మనిషి పడిపోతే ఏం జరుగుతుందో తెలుసా? ఇదిగో ఈ వీడియో చూడండి

Viral Video: సెగలు కక్కే లావాలోకి మనిషి పడిపోతే ఏం జరుగుతుందో తెలుసా? ఇదిగో ఈ వీడియో చూడండి

స్మార్ట్‌వాచ్‌లు సేఫా లేక డేంజరా? ఇంతకూ నిపుణులు ఏం అంటున్నారు.!

స్మార్ట్‌వాచ్‌లు సేఫా లేక డేంజరా? ఇంతకూ నిపుణులు ఏం అంటున్నారు.!

Men Suicide: పాపం మగ మహారాజులు - కొంచెం సాఫ్ట్ కార్నర్ చూపించి ఏడ్వనివ్వండి !

Men Suicide: పాపం మగ మహారాజులు - కొంచెం సాఫ్ట్ కార్నర్ చూపించి ఏడ్వనివ్వండి !

టాప్ స్టోరీస్

Chandrababu On Viveka Case : సొంత బాబాయ్ హత్య కేసు వేరే రాష్ట్రానికి బదిలీ, తలెక్కడ పెట్టుకుంటావ్ - చంద్రబాబు

Chandrababu On Viveka Case : సొంత బాబాయ్ హత్య కేసు వేరే రాష్ట్రానికి బదిలీ, తలెక్కడ పెట్టుకుంటావ్ - చంద్రబాబు

Breaking News Live Telugu Updates: వైఎస్ షర్మిల పాదయాత్రకు హైకోర్టు అనుమతి

Breaking News Live Telugu Updates: వైఎస్ షర్మిల పాదయాత్రకు హైకోర్టు అనుమతి

Sajjala On Viveka Case : వివేకా హత్య కేసులో నిజాలు తెలియాలి, తెలంగాణలో విచారణ జరిగితే మంచిదే- సజ్జల

Sajjala On Viveka Case : వివేకా హత్య కేసులో నిజాలు తెలియాలి, తెలంగాణలో విచారణ జరిగితే మంచిదే- సజ్జల

Hayathnagar Molested Case: హయత్ నగర్ రేప్‌ కేసులో విస్మయం కలిగించే నిజాలు, బాలుర తీరుతో దిగ్భ్రాంతి!

Hayathnagar Molested Case: హయత్ నగర్ రేప్‌ కేసులో విస్మయం కలిగించే నిజాలు, బాలుర తీరుతో దిగ్భ్రాంతి!