TGPSC Group 2 Results: తెలంగాణలో గ్రూప్-2 ఫలితాలు విడుదల చేసిన టీజీపీఎస్సీ, విజేతల వివరాలు ఇవే
TGPSC releases Group 2 results | టీజీపీఎస్సీ తెలంగాణలో గ్రూప్-2 ఫలితాలు విడుదల చేసింది. దసరా పండుగ పూట అభ్యర్థులకు శుభవార్త అందించింది. గ్రూప్ 2 పోస్టులకు ఎంపికైన విజేతల వివరాలు ఇవే
TG Group 2 Results: హైదరాబాద్: తెలంగాణలో గ్రూప్ 2 అభ్యర్థులకు పబ్లిక్ సర్వీస్ కమిషన్ శుభవార్త చెప్పింది. తెలంగాణలో గ్రూప్-2 ఫలితాలను టీజీపీఎస్సీ (TGPSC) ఆదివారం విడుదల చేసింది. మొత్తం 783 పోస్టులకు నోటిఫికేషన్ విడుదల చేయగా, ఒక్క పోస్ట్ మినహా 782 మంది జాబితాను వెల్లడించింది. ఒక్క పోస్టు ఫలితాన్ని టీజీపీఎస్సీ పెండింగ్లో పెట్టింది. 2022లో గత ప్రభుత్వ హయాంలో గ్రూప్-2 నోటిఫికేషన్ విడుదలైంది. అభ్యర్థులు డిమాండ్ చేయడంతో పరీక్షను వాయిదా వేశారు. ఈ క్రమంలో ప్రభుత్వం సైతం మారింది.
మార్చిలో జనరల్ ర్యాంకులు, నేడు తుది ఫలితాలు
కాంగ్రెస్ ప్రభుత్వం పరీక్షల తేదీలు ప్రకటించి, 2024 డిసెంబరులో రాత పరీక్ష నిర్వహించింది. 2025 మార్చి 11న గ్రూప్ 2 పోస్టులకుగానూ జనరల్ ర్యాంకుల జాబితాను వెల్లడించింది. అనంతరం షెడ్యూల్ ప్రకారం గ్రూప్ 2 మెరిట్ అభ్యర్థుల సర్టిఫికెట్ వెరిఫికేషన్ సైతం టీజీపీఎస్సీ పూర్తి చేసింది. దసరా పండుగ నాటికి శుభవార్త అందించాలని భావించిన కమిషన్ గ్రూప్ 2 తుది ఫలితాలు విడుదల చేసింది. ఎంపికైన అభ్యర్థులకు దసరా కానుకగా గ్రూప్ 2 పోస్టులకు ఎంపికైన అభ్యర్థుల జాబితాను ఆదివారం విడుదల చేసింది.
గ్రూప్ 2 సెలక్షన్ లిస్ట్ కోసం క్లిక్ చేయండి View Pdf
రాష్ట్రంలో ఖాళీగా ఉన్న 783 గ్రూప్ 2 పోస్టులకు 2024 డిసెంబర్ 15, 16 తేదీలలో రాత పరీక్ష నిర్వహించారు. గ్రూప్ 2 అభ్యర్థుల మార్కులను, జనరల్ ర్యాంకు జాబితాను టీజీపీఎస్సీ మార్చి నెలలో ప్రకటించింది. గ్రూప్ 2 పరీక్షకు హాజరైన అభ్యర్థులు ఫలితాలు చెక్ చేసుకుని సర్టిఫికెట్ వెరిఫికేషన్ కు హాజరయ్యారు. అంతా పరిశీలించాక మెరిట్ ప్రకారం రిజర్వేషన్ల ఆధారంగా ఆయా పోస్టులకు అభ్యర్థులను ఎంపిక చేసింది టీజీపీఎస్సీ.
గ్రూప్ 2లో ఏ పోస్టులు ఉంటాయంటే..
తెలంగాణ రాష్ట్రం ఏర్పాటయ్యాక ఒకసారి గ్రూప్ 2 పోస్టులు భర్తీ చేశారు. తరువాత మరోసారి గ్రూప్ 2 నిర్వహించినా పేపర్ల లీకులతో పలు ఎగ్జామ్స్ తో పాటు ఈ పరీక్షల ఫలితాలు రద్దు చేశారు. కాంగ్రెస్ ప్రభుత్వం టీజీపీఎస్సీలో ప్రక్షాళన చేసింది. ఇటీవల గ్రూప్ 1 మెయిన్స్ ఫలితాల తరువాత జనరల్ ర్యాంకింగ్స్ సైతం ప్రకటించింది. కాంగ్రెస్ ప్రభుత్వం కొత్తగా గ్రూప్-2 నోటిఫికేషన్ విడుదల చేసింది. గత ఏడాది డిసెంబర్ నెలలో పరీక్ష నిర్వహించి మార్చి 11న మార్కుల వివరాలు, జనరల్ ర్యాంకింగ్స్ విడుదల చేసి, సర్టిఫికెట్ వెరిఫికేషన్ ప్రక్రియను పూర్తి చేసి పోస్టులకు అభ్యర్థులను ఎంపిక చేసింది. గ్రూప్ 2 పరీక్ష ద్వారా మున్సిపల్ కమిషనర్, సబ్-రిజిస్ట్రార్, అసిస్టెంట్ లేబర్ ఆఫీసర్, అసిస్టెంట్ రిజిస్ట్రార్, ఏసీటీవో, తహసిల్దార్, ప్రొహిబిషన్ & ఎక్సైజ్ సబ్ ఇన్స్పెక్టర్, డిస్ట్రిక్ట్ ప్రొబేషన్ ఆఫీసర్, మండల పంచాయతీ అధికారి, అసిస్టెంట్ బీసీ డెవలప్మెంట్ ఆఫీసర్, అసిస్టెంట్ సెక్షన్ ఆఫీసర్, అసిస్టెంట్ సోషల్ వెల్ఫేర్ ఆఫీసర్, అసిస్టెంట్ డెవలప్మెంట్ ఆఫీసర్, అసిస్టెంట్ ట్రైబల్ వెల్ఫేర్ ఆఫీసర్ పోస్టులను భర్తీ చేయనున్నారు.
టాప్ హెడ్ లైన్స్
ట్రెండింగ్ వార్తలు
