SSC Constable Key: కానిస్టేబుల్ (జీడీ) పరీక్ష ప్రిలిమినరీ కీ విడుదల, అభ్యంతరాల నమోదుకు అవకాశం
Constable Answer Key: కేంద్ర సాయుధ బలగాల్లో కానిస్టేబుల్/ రైఫిల్మ్యాన్ ఖాళీల నియామక రాతపరీక్షలకు సంబంధించిన ప్రాథమిక ఆన్సర్ కీని స్టాఫ్ సెలక్షన్ కమిషన్(ఎస్ఎస్సీ) మార్చి 4న విడుదల చేసింది.
SSC GD Constable Answer Key & Response Sheet 2025: కేంద్ర సాయుధ బలగాల్లో కానిస్టేబుల్/ రైఫిల్మ్యాన్ ఖాళీల నియామక రాతపరీక్షలకు సంబంధించిన ప్రాథమిక ఆన్సర్ కీని స్టాఫ్ సెలక్షన్ కమిషన్(ఎస్ఎస్సీ) ఏప్రిల్ 3న విడుదల చేసింది. అధికారిక వెబ్సైట్లో ఆన్సర్ కీని అందుబాటులో ఉంచింది. పరీక్షకు హాజరైన అభ్యర్థులు తమ రూల్ నంబర్, పాస్వర్డ్ వివరాలు నమోదు చేసి జవాబులు చూసుకోవచ్చు. ఒకవేళ ఆన్సర్ కీపై ఏమైనా అభ్యంతరాలుంటే తెలపడానికి ఎస్ఎస్సీ అవకాశం కల్పించింది. అభ్యర్థులు మార్చి 9న సాయంత్రం 6.30 గంటల వరకు అభ్యంతరాలు తెలపవచ్చు. అభ్యంతరాలు తెలిపే ఒక్కో ప్రశ్నకు రూ.100 ఫీజుగా చెల్లించాలి.
కానిస్టేబుల్/ రైఫిల్మ్యాన్ ఖాళీల భర్తీకి ఫిబ్రవరి 4 నుంచి మార్చి 25 వరకు ఆన్లైన్ పరీక్షలు నిర్వహించిన సంగతి తెలిసిందే. తెలుగుతోపాటు మొత్తం 13 ప్రాంతీయ భాషల్లో పరీక్ష నిర్వహించారు. రాతపరీక్ష, ఫిజికల్ ఎఫిషియెన్సీ టెస్ట్, ఫిజికల్ స్టాండర్డ్ టెస్ట్ తదితర పరీక్షల ద్వారా అభ్యర్థులను ఎంపికచేస్తారు.
కానిస్టేబుల్/ రైఫిల్మ్యాన్ ఆన్సర్ కీ, అభ్యంతరాల నమోదుకోసం క్లిక్ చేయండి..
కానిస్టేబుల్ జీడీ పరీక్ష విధానం..
మొత్తం 160 మార్కులకు రాతపరీక్ష నిర్వహిస్తారు. పరీక్షలో మొత్తం 80 ప్రశ్నలు ఉంటాయి. ఇందులో జనరల్ ఇంటెలిజెన్స్ & రీజనింగ్ 20 ప్రశ్నలు-40 మార్కులు, జనరల్ నాలెడ్జ్ & జనరల్ అవేర్నెస్ 20 ప్రశ్నలు-40 మార్కులు, ఎలిమెంటరీ మ్యాథమెటిక్స్ 20 ప్రశ్నలు-40 మార్కులు, ఇంగ్లిష్/ హిందీ 20 ప్రశ్నలు-40 మార్కులు ఉంటాయి. పరీక్ష సమయం 60 నిమిషాలు. పరీక్షలో ప్రతి ప్రశ్నకు రెండు మార్కులు ఉంటాయి. కాగా నెగెటివ్ మార్కింగ్ విధానం ఉంటుంది. ప్రతి తప్పు సమాధానానికి 0.50 మార్కులు (అర మార్కు) కోత విధిస్తారు.
కేంద్ర బలగాల్లో 39,481 కానిస్టేబుల్/ రైఫిల్మ్యాన్ (గ్రౌండ్ డ్యూటీ) పోస్టుల భర్తీకి స్టాఫ్ సెలక్షన్ కమిషన్ సెప్టెంబరు 5న నోటిఫికేషన్ విడుదల చేసిన సంగతి తెలిసిందే. మొత్తం ఖాళీల్లో పురుషులకు 35,612 పోస్టులు; మహిళలకు 3,869 పోస్టులు కేటాయించారు. ఇందులో బోర్డర్ సెక్యూరిటీ ఫోర్స్(BSF)లో 15,654 పోస్టులు; సెంట్రల్ ఇండస్ట్రియల్ సెక్యూరిటీ ఫోర్స్(CISF)లో 7,145 పోస్టులు; సెంట్రల్ రిజర్వ్డ్ పోలీస్ ఫోర్స్(CRPF)లో 11,541 పోస్టులు; సశస్త్ర సీమాబల్(SSB)లో 819 పోస్టులు; ఇండో-టిబెటన్ బోర్డర్ పోలీస్ ఫోర్సెస్(ITBP)లో 3,017 పోస్టులు; అస్సాం రైఫిల్స్(AR)లో 1,248 పోస్టులు; స్పెషల్ సెక్యూరిటీ ఫోర్సెస్(SSF)లో 35 పోస్టులు, నార్కొటిక్స్ కంట్రోల్ బ్యూరోలో 22 పోస్టులు ఉన్నాయి. ఉద్యోగాలకు ఎంపికైన అభ్యర్థులకు సంబంధించి ఎన్సీబీలో సిపాయ్ పోస్టులకు పేలెవల్-1(రూ.18,000 - రూ.56,900), ఇతర పోస్టులకు పేలెవల్-3(రూ.21,700 - రూ.69,100) కింద జీతభత్యాలు ఉంటాయి.
వివరాలు..
మొత్తం ఖాళీల సంఖ్య: 39,481
పోస్టుల కేటాయింపు: యూఆర్-16,782, ఈడబ్ల్యూఎస్-3851, ఓబీసీ-8576, ఎస్టీ-4454, ఎస్సీ-5818.
| విభాగం | పోస్టుల సంఖ్య | పోస్టుల కేటాయింపు |
| బీఎస్ఎఫ్ | 15,654 | మెన్-13306, ఉమెన్-2348 |
| సీఐఎస్ఎఫ్ | 7,145 | మెన్-6430, ఉమెన్-715 |
| సీఆర్పీఎఫ్ | 11,541 | మెన్-11299, ఉమెన్-242 |
| ఎస్ఎస్బీ | 819 | మెన్-819, ఉమెన్-0 |
| ఐటీబీపీ | 3,017 | మెన్-2564, ఉమెన్-453 |
| ఏఆర్ | 1,248 | మెన్-1148, ఉమెన్-100 |
| ఎస్ఎస్ఎఫ్ | 35 | మెన్-35, ఉమెన్-0 |
| ఎన్సీబీ | 22 | మెన్-11, ఉమెన్-11 |
| మొత్తం ఖాళీలు | 39,481 | 39,481 |
జీతం: ఎంపికైన అభ్యర్థులకు సంబంధించి ఎన్సీబీలో సిపాయ్ పోస్టులకు పేలెవల్-1(రూ.18,000 - రూ.56,900), ఇతర పోస్టులకు పేలెవల్-3(రూ.21,700 - రూ.69,100) కింద జీతభత్యాలు ఉంటాయి.
టాప్ హెడ్ లైన్స్
ట్రెండింగ్ వార్తలు
