SSC CGLE Notification: కంబైన్డ్ గ్రాడ్యుయేట్‌ లెవల్ ఎగ్జామ్-2024 నోటిఫికేషన్ వచ్చేస్తోంది, ఎప్పుడంటే?

CGLE 2024: కంబైన్డ్ గ్రాడ్యుయేట్‌ లెవల్(CGLE) పరీక్ష-2024 నోటిఫికేషన్ జూన్ 24న వెలువడనుంది. అభ్యర్థులు జూన్ 24 నుంచి ఆన్‌లైన్ విధానంలో దరఖాస్తు చేసుకోవాల్సి ఉంటుంది.

SSC - సీజీఎల్ 2024 నోటిఫికేషన్

Source : Freepik

SSC Combined Graduate Level Examination 2024: కేంద్ర ప్రభుత్వంలోని వివిధ విభాగాల్లో గ్రూప్-బి, గ్రూప్-సి పోస్టుల భర్తీకి సంబంధించి 'కంబైన్డ్ గ్రాడ్యుయేట్‌ లెవల్(CGLE) పరీక్ష-2024' నోటిఫికేషన్‌ను విడుదల చేసేందుకు స్టాఫ్ సెలక్షన్ కమిషన్(SSC) సమాయత్తమవుతోంది. ఎస్‌ఎస్‌సీ ఉద్యోగ క్యాలెండర్ ప్రకారం జూన్ 24న సీజీఎల్-2024 నోటిఫికేషన్ వెలువడనుంది. గతేడాది మొత్తం 7,500 ఖాళీల భర్తీకి నోటిఫికేషన్ వెలువడింది. ఈసారి కూడా ఖాళీల సంఖ్య భారీగానే ఉండే అవకాశం కనిపిస్తుంది.

ఏదైనా డిగ్రీ విద్యార్హత ఉన్నవారు ఈ ఉద్యోగాలకు దరఖాస్తు చేసుకోవడానికి అర్హులు. అభ్యర్థులు దరఖాస్తు ఫీజుగా రూ.100 చెల్లించాల్సి ఉంటుంది. ఎస్సీ, ఎస్టీ, ఎక్స్-సర్వీస్‌మెన్, దివ్యాగులు, మహిళలకు ఫీజు నుంచి మినహాయింపు ఉంది. రెండు దశల రాతపరీక్షలు (టైర్-1, టైర్-2), ధ్రువపత్రాల పరిశీలన ఆధారంగా అభ్యర్థులను ఎంపిక చేస్తారు. ఇందుకు సంబంధించిన ఆన్‌లైన్ దరఖాస్తు ప్రక్రియ జులై 24 నుంచి ప్రారంభంకానుంది. దరఖాస్తు చేసుకున్న అభ్యర్థులకు సెప్టెంబర్‌/ అక్టోబర్‌లో రాతపరీక్షలు నిర్వహించనున్నారు. ఉద్యోగాలకు ఎంపికైనవారికి పోస్టుల స్థాయినిబట్టి నెలకు రూ.25,500ల నుంచి రూ.1,51,100 వరకు జీతం ఉంటుంది.

వివరాలు..

* కంబైన్డ్ గ్రాడ్యుయేట్‌ లెవల్(CGLE) ఎగ్జామినేషన్ - 2024

భర్తీచేసే పోస్టులు ఇవే..

➥ అసిస్టెంట్ ఆడిట్ ఆఫీసర్

➥ అసిస్టెంట్ అకౌంట్స్ ఆఫసర్

➥ అసిస్టెంట్ సెక్షన్ ఆఫీసర్

➥ అసిస్టెంట్/ అసిస్టెంట్ సెక్షన్ ఆఫీసర్

➥ ఇన్‌స్పెక్టర్ - ఇన్‌కమ్ ట్యాక్స్

➥ ఇన్‌స్పెక్టర్ - సెంట్రల్ ఎక్సైజ్

➥ ఇన్‌స్పెక్టర్ (ప్రివెంటివ్ ఆఫీసర్)

➥ ఇన్‌స్పెక్టర్ (ఎగ్జామినర్)

➥ అసిస్టెంట్ ఎన్‌ఫోర్స్‌మెంట్ ఆఫీసర్

➥ సబ్ ఇన్‌స్పెక్టర్ (CBI)

➥ ఇన్‌స్పెక్టర్ ( పోస్టల్ శాఖ)

➥ ఇన్‌స్పెక్టర్ ( నార్కోటిక్స్)

➥ ఎగ్జిక్యూటివ్ అసిస్టెంట్

➥ రిసెర్చ్ అసిస్టెంట్ (సీబీఐసీ, NHRC)

➥ డివిజనల్ అకౌంటెంట్ (కాగ్)

➥ సబ్ ఇన్‌స్పెక్టర్  (NIA)

➥ సబ్ ఇన్‌స్పెక్టర్/ జూనియర్ ఇంటెలిజెన్స్ ఆఫీసర్ (ఎన్‌సీబీ)

➥ జూనియర్ స్టాటిస్టికల్ ఆఫీసర్ (స్టాటిస్టిక్స్)

➥ ఆడిటర్ (కాగ్, సీజీడీఏ, etc.,)

➥ అకౌంటెంట్ (కాగ్, సీజీఏ, etc.,)

➥ అకౌంటెంట్/ జూనియర్ అకౌంటెంట్

➥ పోస్టల్ అసిస్టెంట్/సార్టింగ్ అసిస్టెంట్ (పోస్టల్)

➥ సీనియర్ సెక్రటేరియట్ అసిస్టెంట్/ అప్పర్ డివిజన్ క్లర్క్

➥ ట్యాక్స్ అసిస్టెంట్

అర్హత: ఏదైనా డిగ్రీ. ఆడిట్ ఆఫీసర్/ అకౌంట్స్ ఆఫీసర్ పోస్టులకు సీఏ/ సీఎంఏ/ సీఎస్/ పీజీ డిగ్రీ (కామర్స్/ఎకనామిక్స్/బిజినెస్ స్టడీస్)/ఎంబీఏ (ఫైనాన్స్) అర్హత ఉండాలి.

వయోపరిమితి: కొన్ని పోస్టులకు 18-27 సంవత్సరాలు, కొన్ని పోస్టులకు 20-30, కొన్ని పోస్టులకు 18-30 సంవత్సరాల మధ్య ఉండాలి. మరికొన్ని పోస్టులకు 18-32 సంవత్సరాలకు మించకూడదు. నిబంధనల ప్రకారం వయోపరిమితిలో సడలింపులు వర్తిస్తాయి. ఎస్సీ, ఎస్టీలకు 5 సంవత్సరాలు; ఓబీసీలకు 3 సంవత్సరాలు; దివ్యాంగులకు 10-15 సంవత్సరాలు; ఎక్స్-సర్వీస్‌మెన్ అభ్యర్థులకు 3 సంవత్సరాలు, ఢిఫెన్స్ అభ్యర్థులకు 3 సంవత్సరాలు, ఢిఫెన్స్ అభ్యర్థులకు (డిసేబుల్డ్) 8 సంవత్సరాలు, కేంద్రప్రభుత్వ ఉద్యోగులకు 40-45 సంవత్సరాల వరకు, ఒంటరి/విడాకులు తీసుకున్న మహిళలకు 35-40 సంవత్సరాల వరకు వయోసడలింపు వర్తిస్తుంది.

దరఖాస్తు ఫీజు: రూ.100. ఎస్సీ, ఎస్టీ, ఎక్స్-సర్వీస్‌మెన్, దివ్యాగులు, మహిళలకు ఫీజు నుంచి మినహాయింపు ఉంది.

దరఖాస్తు విధానం: ఆన్‌లైన్ ద్వారా.

ఎంపిక విధానం: టైర్-1, టైర్-2 పరీక్షల ద్వారా.

వేతనం: నెలకు రూ.25,500ల నుంచి రూ.1,51,100 (ఆయా పోస్టులను బట్టి).

పరీక్ష స్వరూపం:

టైర్-1 పరీక్ష:

టైర్-2 పరీక్ష: