RRB JE CBT-I Result: ఆర్ఆర్బీ జూనియర్ ఇంజినీర్ సీబీటీ-1 ఫలితాలు విడుదల, డైరెక్ట్ లింక్ ఇదే - స్కోరుకార్డులు డౌన్‌లోడ్ చేసుకోండి
RRB JE Results: రైల్వేశాఖలో జూనియర్ ఇంజినీర్, కెమికల్ సూపర్‌వైజర్, డిపో మెటీరియల్ సూపరింటెండెంట్, కెమికల్ అండ్ మెటలర్జికల్ అసిస్టెంట్ సీబీటీ-1 ఫలితాలను రైల్వే రిక్రూట్‌మెంట్ బోర్డు విడుదల చేసింది.
RRB Junior Engineer Results: రైల్వేశాఖలో జూనియర్ ఇంజినీర్, కెమికల్ సూపర్‌వైజర్, డిపో మెటీరియల్ సూపరింటెండెంట్, కెమికల్ అండ్ మెటలర్జికల్ అసిస్టెంట్ సీబీటీ-1 పరీక్షల ఫలితాలను రైల్వే రిక్రూట్‌మెంట్ బోర్డు మార్చి 5న విడుదల చేసింది. ఫలితాలతోపాటు, కేటగిరీలవారీగా కటాఫ్ మార్కుల వివరాలను అధికారిక వెబ్‌సైట్‌లో ఫలితాలను అందుబాటులో ఉంచింది. మొదటి దశలో నిర్వహించిన సీబీటీ-1 పరీక్షల్లో మొత్తం 20,792 మంది అభ్యర్థులు సీబీటీ-2 పరీక్షకు అర్హత సాధించారు. అభ్యర్థుల రోల్‌ నంబర్లతో వెబ్‌సైట్‌లో పొందుపరిచింది. అభ్యర్థులు తమ రిజిస్ట్రేషన్ నెంబరు, పాస్‌వర్డ్ వివరాలు నమోదుచేసి స్కోరుకార్డులు డౌన్‌లోడ్ చేసుకోవచ్చు.
రైల్వే జూనియర్ ఇంజినీర్ సీబీటీ-1 ఫలితాల కోసం క్లిక్ చేయండి..
కటాఫ్ మార్కుల వివరాల కోసం క్లిక్ చేయండి..
స్కోరుకార్డుల కోసం క్లిక్ చేయండి..
రైల్వేశాఖ పరిధిలో దేశవ్యాప్తంగా ఉన్న వివిధ జోన్లలో 7,951 ఖాళీల భర్తీకి రైల్వే రిక్రూట్‌మెంట్ బోర్డు (RRB) గతేడాది జులైలో నోటిఫికేషన్ (సీఈఎల్‌ నంబర్‌ 03/ 2024) విడుదల చేసిన సంగతి తెలిసిందే. దీనిద్వారా కెమికల్ సూపర్‌వైజర్/ రిసెర్చ్ అండ్ మెటలర్జికల్ సూపర్‌వైజర్/ రిసెర్చ్, జూనియర్ ఇంజినీర్, డిపో మెటీరియల్ సూపరింటెండెంట్, కెమికల్ అండ్ మెటలర్జికల్ అసిస్టెంట్ పోస్టులను భర్తీచేయనున్నారు. అభ్యర్థుల నుంచి జులై 30 నుంచి ఆగస్టు 29 వరకు దరఖాస్తులు స్వీకరించారు. సీబీటీ-1 పరీక్ష అడ్మిట్ కార్డులను డిసెంబరు 12న విడుదల చేసింది. ప్రకటించిన షెడ్యూలు ప్రకారం డిసెంబరు 16 నుంచి 18 వరకు పరీక్షలు నిర్వహించింది. తాజాగా ఈ పరీక్షల ఫలితాలను ఆర్ఆర్బీ విడుదల చేసింది. సీబీటీ-2 పరీక్షల తేదీలను వెల్లడించాల్సి ఉంది.
పోస్టుల వివరాలు..
మొత్తం ఖాళీల సంఖ్య: 7,951.
⫸ జూనియర్ ఇంజినీర్, డిపో మెటీరియల్ సూపరింటెండెంట్, కెమికల్ అండ్ మెటలర్జికల్ అసిస్టెంట్: 7,934 పోస్టులు
⫸ కెమికల్ సూపర్‌వైజర్/ రిసెర్చ్ అండ్ మెటలర్జికల్ సూపర్‌వైజర్/ రిసెర్చ్ (ఆర్ఆర్బీ గోరఖ్‌పూర్ మాత్రమే): 17 పోస్టులు
అర్హత: పోస్టులవారీగాసంబంధిత విభాగంలో డిప్లొమా (ఇంజినీరింగ్), బ్యాచిలర్ డిగ్రీ (ఇంజినీరింగ్/ టెక్నాలజీ), బీఎస్సీ (సివిల్ ఇంజినీరింగ్, కెమిస్ట్రీ, ఫిజిక్స్) ఉత్తీర్ణులై ఉండాలి.
స్టేజ్-1 రాతపరీక్ష విధానం: మొత్తం 100 మార్కులకు స్టేజ్-1 రాతపరీక్ష నిర్వహిస్తారు. పరీక్షలో మొత్తం 100 ప్రశ్నలు అడుగుతారు. ఇందులో మ్యాథమెటిక్స్ 30 ప్రశ్నలు-30 మార్కులు, జనరల్ ఇంటెలిజెన్స్ అండ్ రీజనింగ్ 25 ప్రశ్నలు-25 మార్కులు, జనరల్ అవేర్‌నెస్ 15 ప్రశ్నలు-15 మార్కులు, జనరల్ సైన్స్ 30 ప్రశ్నలు-30 మార్కులు ఉంటాయి. పరీక్ష సమయం 90 నిమిషాలు.
స్టేజ్-2 రాతపరీక్ష విధానం: మొత్తం 150 మార్కులకు స్టేజ్-2 రాతపరీక్ష నిర్వహిస్తారు. పరీక్షలో మొత్తం 150 ప్రశ్నలు అడుగుతారు. ఇందులో జనరల్ అవేర్‌నెస్ 15 ప్రశ్నలు-15 మార్కులు, ఫిజిక్స్ అండ్ కెమిస్ట్రీ 15 ప్రశ్నలు-15 మార్కులు, బేసిక్స్ ఆఫ్ కంప్యూటర్స్ అండ్ అప్లికేషన్స్ 10 ప్రశ్నలు-10 మార్కులు, బేసిక్స్ ఆఫ్ ఎన్విరాన్‌మెంట్‌ అండ్ పొల్యూషన్‌ కంట్రోల్‌ 10 ప్రశ్నలు-10 మార్కులు, టెక్నికల్ ఎబిలిటీస్ 100 ప్రశ్నలు-100 మార్కులు ఉంటాయి. పరీక్ష వ్యవధి 120 నిమిషాలు.
జీతం:
➥జూనియర్ ఇంజినీర్, డిపో మెటీరియల్ సూపరింటెండెంట్, కెమికల్ అండ్ మెటలర్జికల్ అసిస్టెంట్: రూ.35,400.
➥ కెమికల్ సూపర్‌వైజర్/ రిసెర్చ్ అండ్ మెటలర్జికల్ సూపర్‌వైజర్/ రిసెర్చ్: రూ.44,900.
ALSO READ:
ఐటీబీపీలో 133 కానిస్టేబుల్ ఉద్యోగాలు.. రాత పరీక్ష లేదు
ఇండో టిబెటన్‌ బోర్డర్‌ పోలీస్‌ ఫోర్స్‌ (ఐటీబీపీ - ITBP) స్పోర్ట్స్ కోటాలో కానిస్టేబుల్ (జనరల్ డ్యూటీ), గ్రూప్-సి పరిధిలోని నాన్ గెజిటెడ్ (నాన్ మినిస్టీరియల్) పోస్టుల భర్తీకి నోటిఫికేషన్ విడుదలచేసింది. దీనిద్వారా 133 పోస్టులను భర్తీ చేయనున్నారు. పదో తరగతి (మెట్రిక్యులేషన్‌) లేదా తత్సమాన ఉత్తీర్ణత ఉన్నవారు దరఖాస్తు చేసుకోవడానికి అర్హులు. దరఖాస్తుల స్వీకరణ మార్చి 4న ప్రారంభం కాగా, ఏప్రిల్ 2వ తేదీతో ముగియనుంది.
నోటిఫికేషన్, పోస్టుల వివరాల కోసం క్లిక్ చేయండి..
టాప్ హెడ్ లైన్స్
ట్రెండింగ్ వార్తలు
