SSR MR Results: ఇండియన్ నేవీ ఎస్‌ఎస్ఆర్, ఎంఆర్ తుది ఫలితాలు విడుదల, డైరెక్ట్ లింక్ ఇదే

Indian Navy: ఇండియన్ నేవీలో సీనియర్ సెకండరీ రిక్రూట్, మెట్రిక్ రిక్రూట్ పోస్టులకు సంబంధించిన తుది ఫలితాలు వెల్లడయ్యాయి. అభ్యర్థులు అధికారిక వెబ్‌సైట్‌లో ఫలితాలు చూసుకోవచ్చు.

ఇండియన్ నేవీ తుది ఫలితాలు

Source : ABPLIVE AI

Indian Navy SSR Final Result: ఇండియన్ నేవీలో సీనియర్ సెకండరీ రిక్రూట్ (SSR), మెట్రిక్ రిక్రూట్ (MR)-02/2024 తుది ఫలితాలు విడుదలయ్యాయి. అధికారిక వెబ్‌సైట్‌లో ఫలితాలను అందుబాటులో ఉంచారు. అభ్యర్థులు తమ ఈమెయిల్ ఐడీ, పాస్‌వర్డ్ వివరాలు నమోదుచేసి ఫలితాలు చూసుకోవచ్చు. రాతపరీక్షలు, ఫిజికల్ ఈవెంట్లకు హాజరైన అభ్యర్థులు తమ ఫలితాలు చూసుకోవచ్చు. ఇండియన్ నేవీలో సీనియర్ సెకండరీ రిక్రూట్, మెట్రిక్ రిక్రూట్ పోస్టులకు సంబంధించి రెండు దశల్లో ఎంపికవిధానం ఉంటుంది. మొదటి దశలో ఇంటర్ మార్కుల ఆధారంగా ఎంపికచేసిన అభ్యర్థులకు తర్వాతి దశలో రాతపరీక్ష, ఫిజికల్ ఫిట్‌నెస్ పరీక్షలు (PFT) నిర్వహించి తుది ఎంపికచేస్తారు.

అగ్నివీరులుగా ఎంపికైన అభ్యర్థులకు ఒడిశా రాష్ట్రంలోని ఐఎన్‌ఎస్‌ చిల్కాలో వచ్చే ఏడాది ఏప్రిల్ నెలలో కోర్సు శిక్షణ ప్రారంభమవుతుంది. శిక్షణ విజయవంతంగా పూర్తి చేసుకున్న తర్వాత ఆయా విభాగాల్లో విధులు నిర్వర్తించాల్సి ఉంటుంది. ఎంపికైన అభ్యర్థులకు మొదటి ఏడాది రూ.30,000, రెండో ఏడాది రూ.33,000, మూడో ఏడాది రూ.36,500, నాలుగో ఏడాది రూ.40,000 వేతనం లభిస్తుంది.

ఫలితాలు ఇలా చూసుకోండి..

➥ ఫలితాల కోసం అభ్యర్థులు మొదట ఇండియన్ నేవీ అధికారిక వెబ్‌సైట్‌లోకి వెళ్లాలి. joinindiannavy.gov.in.

➥ అక్కడ హోంపేజీలో కనిపించే 'SSR and MR Final Result 2024' లింక్ మీద క్లిక్ చేయాలి.

➥ అభ్యర్థులు తమ ఈమెయిల్ ఐడీ, పాస్‌వర్డ్ వివరాలు నమోదుచేసి ఫలితాలు చూసుకోవచ్చు. 

➥ వివరాలు నమోదుచేసిన తర్వాత ఫలితాలు కనిపిస్తాయి. 

➥ ఫలితాలు డౌన్‌లోడ్ చేసుకొని, ప్రింట్ తీసుకోవాలి. భవిష్యత్ అవసరాల కోసం భద్రపరచుకోవాలి.

ఫలితాల కోసం క్లిక్ చేయండి..