IAF Recruitment 2026: ఇండియన్ ఎయిర్‌ఫోర్స్‌లో 'అగ్నివీర్ వాయు' ఉద్యోగాలు, ఈ అర్హతలు అవసరం

Agnipath Scheme: 'అగ్నిపథ్' పథకంలో భాగంగా 'అగ్నివీర్ వాయు' 2026 నోటిషికేషన్‌ను ఇండియన్ ఎయిర్ ఫోర్స్ విడుదల చేసింది. అభ్యర్థుల నుంచి జనవరి 7 నుంచి 27 వరకు దరఖాస్తులు స్వీకరించనున్నారు.

అగ్నివీర్ వాయు 2026 నోటిఫికేషన్

Source : ABPLIVE AI

Indian Air Force Agniveervayu Recruitment: భారత ప్రభుత్వ రక్షణ మంత్రిత్వశాఖ ఆధ్వర్యంలోని 'ఇండియన్ ఎయిర్ ఫోర్స్ 'అగ్నిపథ్' స్కీంలో భాగంగా 'అగ్నివీర్ వాయు' నియామకాలకు సంబంధించి నోటిషికేషన్ (01/ 2026) విడుదల చేసింది. ఇంటర్ లేదా ఇంజినీరింగ్ డిప్లొమా అర్హత ఉన్నవారు దరఖాస్తు చేసుకోవడానికి అర్హులు. ఈ పోస్టుల భర్తీకి సంబంధించిన ఆన్‌లైన్ దరఖాస్తు ప్రక్రియ జనవరి 7 నుంచి ప్రారంభంకానుంది. సరైన అర్హతలున్న అభ్యర్థులు జనవరి 27 వరకు దరఖాస్తులు సమర్పించవచ్చు. అభ్యర్థులు పరీక్ష ఫీజుగా రూ.550 చెల్లించాల్సి ఉంటుంది.

ఆన్‌లైన్ రాతపరీక్ష, ఫిజికల టెస్ట్, మెడికల్ టెస్టుల ఆధారంగా అభ్యర్థులను ఎంపికచేస్తారు. అభ్యర్థులకు మార్చి 22 నుంచి ఆన్‌లైన్ పరీక్షలు ప్రారంభంకానున్నాయి. అగ్నివీర్ వాయు ఉద్యోగాలకు ఎంపికైనవారికి నెలకు మొదటి ఏడాది రూ.30,000; రెండో ఏడాది రూ.33,000; మూడో ఏడాది రూ.36,000; నాలుగో ఏడాది రూ.40,000 చెల్లిస్తారు. నాలుగు సంవత్సరాల తర్వాత బయటకు వచ్చేవారికి 'సేవానిధి ప్యాకేజీ' కింద మొత్తంగా రూ.10.04 లక్షలు చెల్లిస్తారు.

వివరాలు..

* ఇండియన్ ఎయిర్ ఫోర్స్ (IAF)- అగ్నిపథ్ స్కీం అగ్నివీర్ వాయు(01/ 2026) బ్యాచ్ 

అర్హత: కనీసం 50 శాతం మార్కులతో మ్యాథమెటిక్స్‌, ఫిజిక్స్‌, ఇంగ్లిష్‌ సబ్జెక్టులతో ఇంటర్మీడియట్‌(10+2)/ ఇంటర్మీడియట్‌(సైన్స్ కాని ఇతర సబ్జెక్టులు) లేదా మూడేళ్ల ఇంజినీరింగ్‌ డిప్లొమా(మెకానికల్/ ఎలక్ట్రికల్/ ఎలక్ట్రానిక్స్/ ఆటోమొబైల్/ కంప్యూటర్ సైన్స్/ ఇన్‌స్ట్రుమెంటేషన్ టెక్నాలజీ/ ఇన్ఫర్మేషన్ టెక్నాలజీ)/  తత్సమాన ఉత్తీర్ణత. నిర్దిష్ట శారీరక దారుఢ్య/ వైద్య ప్రమాణాలు కలిగి ఉండాలి.

వయోపరిమితి: 07.01.2005 నుంచి 01.07.2008 మధ్య జన్మించి ఉండాలి.

పరీక్ష ఫీజు: అభ్యర్థులు పరీక్ష ఫీజుగా రూ.550 చెల్లించాలి.

దరఖాస్తు విధానం: ఆన్‌లైన్‌ ద్వారా దరఖాస్తు చేసుకోవాలి.

ఎంపిక విధానం: ఫేజ్-1(ఆన్‌లైన్ రాత పరీక్ష), ఫేజ్-2(ఫిజికల్ ఫిట్‌నెస్ టెస్ట్, అడాప్టబిలిటీ టెస్ట్-1, అడాప్టబిలిటీ టెస్ట్-2), ఫేజ్-3(మెడికల్ ఫిట్‌నెస్ టెస్ట్), ధ్రువపత్రాల పరిశీలన తదితరాల ఆధారంగా ఎంపిక ఉంటుంది. 

కనీస ఎత్తు: పురుషులు 152 సెం.మీ; మహిళలు 152 సెం.మీ. ఉండాలి. ఈశాన్య రాష్ట్రాలవారికి, పర్వత ప్రాంతాల్లో నివసించేవారికి ఎత్తులో మినహాయింపులు వర్తిస్తాయి. ఈశాన్య రాష్ట్రాలవారు 147 సెం.మీ, లక్ష్యద్వీప్‌కు చెందినవారు 150 సెం.మీ కనీస ఎత్తు ఉండాలి. 

రాతపరీక్ష విధానం: ఆన్‌లైన్ విధానంలో రాతపరీక్ష నిర్వహిస్తారు. ఇంగ్లిష్, హిందీ మాధ్యమాల్లో ప్రశ్నలు అడుగుతారు. ఆబ్జెక్టివ్ విధానంలో ప్రశ్నలు ఉంటాయి. అభ్యర్థుల విద్యార్హత ఆధారంగా పరీక్ష ఉంటుంది.  
➛ పరీక్షలో సైన్స్ (ఫిజిక్స్, మ్యాథమెటిక్స్, ఇంగ్లిష్) సబ్జెక్టుల నుంచి ప్రశ్నలు అడుగుతారు. పరీక్ష సమయం 60 నిమిషాలు.
➛ సైన్స్ ప్రమేయం లేని(ఇంగ్లిష్, రీజనింగ్, జనరల్ అవేర్‌నెస్) సబ్జెక్టుల నుంచి ప్రశ్నలు అడుగుతారు. పరీక్ష సమయం 45 నిమిషాలు. 
➛ సైన్స్‌తోపాటు సైన్స్ కాకుండా ఉన్న సబ్జెక్టుల నుంచి (ఫిజిక్స్, మ్యాథమెటిక్స్, ఇంగ్లిష్) నుంచి ప్రశ్నలు అడుగుతారు. పరీక్ష సమయం 85 నిమిషాలు
➛ ఒక్కో ప్రశ్నకు ఒకమార్కు ఉంటుంది. ప్రతి తప్పు సమాధానానికి 0.25 మార్కుల చొప్పున కోత విధిస్తారు.
➛ పరీక్షలకు సంబంధించిన హాల్‌టికెట్లను పరీక్షకు రెండు లేదా మూడురోజులు ముందుగా విడుదల చేస్తారు.

జీతం: ఎంపికైన వారికి నెలకు మొదటి సంవత్సరం రూ.30,000; రెండో సంవత్సరం రూ.33,000; మూడో సంవత్సరం రూ.36,000; నాలుగో సంవత్సరం రూ.40,000 చెల్లిస్తారు. నాలుగు సంవత్సరాల తర్వాత బయటకు వచ్చేవారికి 'సేవానిధి ప్యాకేజీ' కింద మొత్తంగా రూ.10.04 లక్షలు చెల్లిస్తారు.

ముఖ్యమైన తేదీలు..

➥ ఆన్‌లైన్ రిజిస్ట్రేషన్ ప్రారంభం: 07.01.2025.

➥ ఆన్‌లైన్ రిజిస్ట్రేషన్ చివరితేదీ: 27.01.2025.

➥ ఆన్‌లైన్ పరీక్షలు ప్రారంభం: 22.03.2025.

➥ ఫలితాల వెల్లడి: 14.11.2025.

Notification

Online Application

Website