Fact Check: రిజర్వేషన్ల వల్ల ఉపయోగం లేదని చంద్రబాబు అన్నారా? - ఆ వీడియోలో నిజం ఎంతంటే?

Chandrababu: టీడీపీ అధికారంలోకి వస్తే రిజర్వేషన్లు రద్దు చేసే కుట్ర జరుగుతోంది అని చంద్రబాబు అన్నట్లుగా ఓ వీడియో వైరల్ అవుతుండగా 'ఫ్యాక్ట్‌లీ' అది ఎడిటెడ్ వీడియో అని నిర్ధారించింది.

రిజర్వేషన్లపై చంద్రబాబు వైరల్ వీడియోపై ఫ్యాక్ట్ లీ క్లారిటీ

Factly Clarity Chandrababu Video On Reservations: 'టీడీపీ అధికారంలోకి వస్తే ఎస్సీ, ఎస్టీ, బీసీ, మైనారిటీల రిజర్వేషన్లు రద్దు చేసే కుట్ర జరుగుతుంది' అంటూ టీడీపీ అధినేత చంద్రబాబు వీడియో ఒకటి సోషల్ మీడియాలో విస్తృతంగా షేర్ అవుతూ ఉంది. ‘ఏడు దశాబ్దాలుగా రిజర్వేషన్లు అందించినా ఏం లాభం జరిగింది? ఎస్సీ, ఎస్టీ, బీసీ, మైనారిటీల జీవితాలు మారాయా?’ అని చంద్రబాబు అన్నట్లు ఈ వీడియోలో చూడొచ్చు. అయితే, 'ఫ్యాక్ట్‌లీ' ఈ వీడియోకు సంబంధించి స్పష్టత ఇచ్చింది.

క్లెయిమ్: ఇన్నేళ్లుగా రిజర్వేషన్లు ఇచ్చి సాధించింది ఏంటి.?. ఎస్సీ, ఎస్టీ, బీసీ, మైనారిటీలకు రిజర్వేషన్ల వల్ల ఉపయోగం లేదు – చంద్రబాబు నాయుడు

ఫాక్ట్(నిజం): ఈ వీడియో డిజిటల్‌గా ఎడిట్ చేసింది. 'రిజర్వేషన్లు తప్పనిసరిగా ఉండాలి, వాటిని విస్మరించలేము. కానీ రిజర్వేషన్లకు మించి ఏదైనా చేయాలి, అప్పుడే సాధికారత సాధించవచ్చు’ అని చంద్రబాబు అన్న వీడియోను ఎడిట్ చేసి అయన రిజర్వేషన్లకు వ్యతిరేకంగా మాట్లాడినట్టు చిత్రీకరించారు. కావున పోస్టు ద్వారా చెప్పేది తప్పుగా 'ఫ్యాక్ట్‌లీ' నిర్ధారించింది.

ఇటీవల అసెంబ్లీ ఎన్నికల నేపథ్యంలో చంద్రబాబు ANIతో వివిధ అంశాల గురించి మాట్లాడారు. ప్రస్తుతం షేర్ అవుతున్న వీడియో క్లిప్ ఈ ఇంటర్వ్యూ నుంచి సేకరించిందే అని 'ఫ్యాక్ట్‌లీ' తెలిపింది. అయితే, ఈ ఇంటర్వ్యూలో రిజర్వేషన్లు రద్దు చేస్తామని చంద్రబాబు ఎక్కడా అనలేదు.  ఆయన రిజర్వేషన్లు గురించి మాట్లాడుతూ.. ‘7 దశాబ్దాలుగా ఎస్సీ, ఎస్టీ, బీసీ మైనారిటీలకు రిజర్వేషన్లు అందిస్తూ వచ్చాము. వాళ్ల జీవితాలు ఏమన్నా మారాయా? అందుకే రిజర్వేషన్లకు మించి చేయాల్సి ఉంది. రిజర్వేషన్లు తప్పనిసరిగా ఉండాలి, వాటిని విస్మరించలేము, కానీ జర్వేషన్లు ఒక్కటే పరిష్కారం కాదు, అంతకు మించి ఏదైనా చేయాలి, అప్పుడే సాధికారత సాధించవచ్చు’ అని చంద్రబాబు వ్యాఖ్యానించారు. అయితే, ఈ ఇంటర్వ్యూలో చంద్రబాబు చేసిన వ్యాఖ్యలను డిజిటల్‌గా ఎడిట్ చేసి చంద్రబాబు రిజర్వేషన్లకు వ్యతిరేకంగా మాట్లాడినట్టు చిత్రీకరించారు. ఈ వీడియో సోషల్ మీడియాలో వైరల్ అవడంతో చంద్రబాబు సైతం ఈ వీడియో ఫేక్ అని తన ట్విట్టర్ ద్వారా తెలిపారు. తాను రిజర్వేషన్లపై షేర్ చేసిన అసలు వ్యాఖ్యలను షేర్ చేశారు.

ఇంకొన్ని గంటల్లో పోలింగ్ మొదలవబోతోంది. ఈ కొన్ని గంటలైనా నిజాయితీగా ఉండాలనే ఇంగిత జ్ఞానం జగన్ కి లేదు. ఉంటే ఇలా కుల మతాలను రెచ్చగొట్టే ఫేక్ వీడియోలను చేయించడు. వైసీపీ వాళ్ళు సర్క్యూలేట్ చేస్తున్న ఫేక్ వీడియోకి నేను మాట్లాడిన ఈ అసలు వీడియో ఆధారం. దీన్నే వాళ్ళు ఫేక్ చేసారు. ఎన్నికలు… pic.twitter.com/tZKOHxnTsn

— N Chandrababu Naidu (@ncbn) May 12, 2024

This story was originally published by Factly as part of the Shakti Collective. Except for the headline/excerpt/opening introduction para, this story has not been edited by ABP Desam staff.