TS Inter 1st Year Results 2026 | తెలంగాణ ఇంటర్‌ ఫస్టియర్ రిజల్ట్స్‌ ఇక్కడ చెక్ చేసుకోండి | Telangana Intermediate Results 2026

TS Inter 1st Year Results 2026: తెలంగాణలో ఇంటర్మీడియట్  ఫలితాల విడుదలకు ముహూర్తం ఖరారైంది. నేటి (ఆదివారం) ఉదయం 11 గంటలకు ఫలితాలను విడుదల చేయనున్నట్లు తెలంగాణ బోర్డ్ ఆఫ్ ఇంటర్మీడియట్ ఎడ్యుకేషన్ (TGBIE) ఒక ప్రకటనలో వెల్లడించింది. ఈ ఏడాది ఫిబ్రవరి 25 నుంచి మార్చి 18 వరకు నిర్వహించిన ఇంటర్ పరీక్షలకు రాష్ట్రవ్యాప్తంగా దాదాపు 9.9 లక్షల మందికి పైగా విద్యార్థులు హాజరయ్యారు. ఇందులో ఇంటర్ ఫస్టియర్‌కు సంబంధించి 4.41 లక్షల మంది విద్యార్థులు పరీక్షలకు హాజరయ్యారు.

ఇంటర్ బోర్డు నిబంధనల ప్రకారం, విద్యార్థులు ఉత్తీర్ణత సాధించాలంటే ప్రతి సబ్జెక్టులోనూ కనీసం 35 శాతం మార్కులు సాధించాల్సి ఉంటుంది. ఫలితాల విడుదల అనంతరం విద్యార్థులు బోర్డు అధికారిక వెబ్‌సైట్ల ద్వారా తమ మార్కులను చూసుకోవచ్చు. పరీక్షలు ముగిసిన కొద్ది రోజుల్లోనే పకడ్బందీగా మూల్యాంకనం పూర్తి చేసి, విద్యార్థుల భవిష్యత్తును దృష్టిలో ఉంచుకుని సకాలంలో ఈ ఫలితాలను విడుదల చేస్తున్నారు. ఫలితాలను అధికారిక వెబ్‌సైట్లు http://results.cgg.gov.in ,  https://tgbie.cgg.gov.in  లలో చెక్ చేసుకోవాలని సూచించారు.