Zebra Release Date: ‘జీబ్రా‘ రిలీజ్ డేట్ ఫిక్స్... నవంబర్‌లో థియేటర్లలోకి సత్యదేవ్ పాన్ ఇండియా ఫిల్మ్‌

సత్య దేవ్, డాలీ ధనంజయ ప్రధాన పాత్రల్లో తెరకెక్కుతున్న పాన్ ఇండియన్ చిత్రం ‘జీబ్రా‘. ఈ సినిమాకు సంబంధించి కొత్త రిలీజ్ డేట్ ను మేకర్స్ వెల్లడించారు.

‘జీబ్రా‘ మూవీ

Source : Social Media

Zebra Theatrical Release On November 22nd 2024: వైవిధ్యభరితమైన కథలను ఎంచుకుంటూ సక్సెస్ ఫుల్ గా కెరీర్ కొనసాగిస్తున్న యువ నటుడు సత్యదేవ్ (Satyadev Kancharana) మరో ప్రతిష్టాత్మక చిత్రంలో నటిస్తున్నారు. కన్నడ స్టార్ డాలీ ధనంజయతో కలిసి ఓ మల్టీస్టారర్ మూవీ చేస్తున్నారు. ‘జీబ్రా’ పేరుతో ఈ ప్రతిష్టాత్మక చిత్రం తెరకెక్కుతోంది. ‘లక్‌ ఫేవర్స్‌ ది బ్రేవ్‌’ అనే ట్యాగ్ లైన్ తో ఈ సినిమా రూపొందుతోంది. ఈశ్వర్‌ కార్తీక్‌ తెరకెక్కిస్తున్న ఈ క్రైమ్‌ యాక్షన్‌ ఎంటర్‌టైనర్‌ సినిమా దీపావళి కానుకగా అక్టోబర్‌ 31న పాన్‌ ఇండియా స్థాయిలో రిలీజ్‌ కావాల్సి ఉంది. కానీ, కొన్ని కారణాలతో సినిమా విడుదలను మేకర్స్ వాయిదా వేశారు. ప్రియా భవానీ శంకర్‌, జెన్నిఫర్‌ హీరోయిన్లుగా నటిస్తున్న ఈ సినిమాకు సంబంధించి కొత్త రిలీజ్ డేట్ ను మేకర్స్ అనౌన్స్ చేశారు.   

నవంబర్ 22న ‘జీబ్రా’ మూవీ విడుదల

ఓల్డ్ టౌన్ పిక్చర్స్, పద్మ ఫిలిమ్స్ బ్యాన‌ర్‌పై ఎస్‌ఎన్‌ రెడ్డి, బాలసుందరం, దినేష్‌ సుందరం సంయుక్తంగా ‘జీబ్రా’ సినిమాను నిర్మిస్తున్నారు. ఈ మూవీని నవంబర్ 22న తెలుగుతో పాటు తమిళ, మ‌ల‌యాళ, క‌న్న‌డ‌, హిందీ భాష‌ల్లో విడుద‌ల చేయ‌బోతున్న‌ట్లు చిత్ర‌బృందం ప్రకటించింది. పోస్ట్ ప్రొడక్షన్ పనుల్లో జాప్యం కారణంగా ఈ సినిమా విడుదల తేదీని అక్టోబర్ 31 నుంచి నవంబర్ 22కు వాయిదా వేశారు. ఈ మేరకు రిలీజ్ డేట్ పోస్టర్ ను విడుదల చేశారు. ఇందులో సత్యదేవ్, డాలీ ధనుంజయ సీరియస్ లుక్ లో కనిపిస్తున్నారు. కరెన్సీ నోట్ల, లైట్ హౌస్, ఫ్యాక్టరీ బ్యాగ్రౌండ్ తో ఆకట్టుకుంటున్నది. ఇప్పటికే విడుదలైన ఫస్ట్ లుక్ పోస్టర్స్, మోషన్ వీడియో, టీజర్‌ తో మేకర్స్ క్యూరియాసిటీని పెంచుతూ సినిమా ప్రమోషన్స్ నిర్వహిస్తున్నారు. ‘లక్ ఫేవర్స్ ది బ్రేవ్’ అనే ట్యాగ్‌లైన్‌తో వస్తున్న ఈ సినిమాలో సత్యరాజ్, సత్య అక్కల, జెన్నిఫర్ పిచ్చినాటో, సునీల్ కీలక పాత్రలు పోషిస్తున్నారు  ఈ మూవీ దేశ వ్యాప్తంగా పలు భాషల్లో విడుదల అవుతోంది. సత్యదేవ్ కి ఇదే మొదటి పాన్ ఇండియా సినిమా కావడం విశేషం.

‘జీబ్రా’ సినిమాకు ప్రముఖ సంగీత దర్శకుడు రవి బస్రూర్ మ్యూజిక్ అందిస్తున్నారు. సత్య పొన్మార్ సినిమాటోగ్రఫీ అందిస్తున్నారు. ఎస్ శ్రీలక్ష్మి రెడ్డి సహ నిర్మాతగా కొనసాగుతున్నారు. మీరాఖ్ డైలాగ్స్ అందించగా, ఎడిటింగ్‌ బాధ్యతలను అనిల్ క్రిష్ చూసుకుంటున్నారు. యాక్షన్ సన్నివేశాలను సుబ్బు రూపొందిస్తున్నారు. కాస్ట్యూమ్ డిజైనర్స్ గా అశ్విని ముల్పూరి, గంగాధర్ బొమ్మరాజు వ్యవహరిస్తున్నారు.

‘కృష్ణమ్మ‘తో ఆకట్టుకున్న సత్యదేవ్

సత్యదేవ్ చివరగా ‘కృష్ణమ్మ‘ సినిమాతో ప్రేక్షకులను అలరించారు. ఈ యాక్షన్ ఎంటర్టైనర్ కు వీవీ గోపాల కృష్ణ దర్శకత్వం వహించారు. మే 10న ప్రేక్షకుల ముందుకు వచ్చిన ఈ సినిమా బాక్సాఫీస్ దగ్గర యావరేజ్ గా నిలిచింది.  థియేటర్లలోకి వచ్చిన వారం రోజుల్లోనే ఓటీటీలోకి అడుగు పెట్టింది. ప్రస్తుతం ఈ సినిమ అమెజాన్ ప్రైమ్ లో అందుబాటులో స్ట్రీమింగ్ అవుతోంది.