Beast Trailer: విజయ్ 'బీస్ట్' ట్రైలర్ చూశారా? యాక్షన్ డోస్ మాములుగా లేదు
విజయ్ నటిస్తోన్న 'బీస్ట్' సినిమా ట్రైలర్ ను విడుదల చేసింది చిత్రబృందం.
కోలీవుడ్ స్టార్ హీరో విజయ్ 2021 సంక్రాంతి కానుకగా.. 'మాస్టర్' సినిమాతో ప్రేక్షకుల ముందుకు వచ్చారు. తెలుగు, తమిళ భాషల్లో ఈ సినిమా సూపర్ హిట్ అయింది. ప్రస్తుతం ఈ హీరో 'బీస్ట్' సినిమా షూటింగ్ లో బిజీగా గడుపుతున్నారు. 'డాక్టర్'తో తెలుగులోనూ మంచి విజయం అందుకున్న నెల్సన్ దిలీప్ కుమార్ ఈ సినిమాకి దర్శకత్వం వహిస్తున్నారు. ఇందులో పూజా హెగ్డే హీరోయిన్ గా నటిస్తోంది.
ఈ సినిమా నుంచి విడుదలైన పాటలు యూట్యూబ్ లో రికార్డులు సృష్టిస్తున్నాయి. 'అరబిక్ కుతు' సాంగ్ అయితే మిలియన్ల వ్యూస్ ను రాబడుతోంది. ఇదిలా ఉండగా.. తాజాగా ఈ సినిమా ట్రైలర్ ను విడుదల చేసింది చిత్రబృందం. అవుట్ అండ్ అవుట్ యాక్షన్ ఎంటర్టైనర్ గా ఈ సినిమాను రూపొందించారని తెలుస్తోంది. ట్రైలర్ తో సినిమా ఎలా ఉండబోతుందో చెప్పే ప్రయత్నం చేశారు. ట్రైలర్ తో సినిమాపై అంచనాలను మరింత పెంచేశారు. సినిమాలో విజయ్.. వీర అనే క్యారెక్టర్ లో కనిపించనున్నారు.
చెన్నైలో ఓ ఫేమస్ మాల్ ని టెర్రరిస్ట్ లు హైజాక్ చేస్తారు. అయితే అదే మాల్ లో గవర్నమెంట్ కి చెందిన టాలెంటెడ్ స్పై కూడా ఉంటాడు. అతడే మన హీరో విజయ్. ఆ తరువాత ఏం జరిగిందనేది సినిమా. ట్రైలర్ లో యాక్షన్ సీన్స్ మాములుగా లేవు. స్టైలిష్ గా ఈ సినిమాను రూపొందించారని తెలుస్తోంది.
తెలుగులో కూడా భారీ ఎత్తున్న 'బీస్ట్'ను విడుదల చేయడానికి సన్నాహాలు చేస్తున్నారు. ఈ సినిమా తెలుగు థియేట్రికల్ హక్కులను సుమారు 11 కోట్ల రూపాయలకు ప్రముఖ నిర్మాతలు సురేష్ బాబు, 'దిల్' రాజు, ఏషియన్ సునీల్ నారంగ్ సొంతం చేసుకున్నట్టు ఫిల్మ్ నగర్ టాక్. ముగ్గురూ సంయుక్తంగా సినిమాను డిస్ట్రిబ్యూట్ చేయనున్నారు.
ఇక ఈ సినిమా డిజిటల్ రైట్స్ అమ్ముడైపోయాయని సమాచారం. ప్రముఖ ఓటీటీ నెట్‌ఫ్లిక్స్ ఈ సినిమా ఓటీటీ ప్రసార హక్కులను దక్కించుకుందని తెలుస్తోంది. దీనికోసం భారీ మొత్తాన్ని ఆఫర్ చేసినట్లు తెలుస్తోంది. అయితే దీనికి సంబంధించి ఇప్పటివరకు అయితే ఎలాంటి అధికారిక సమాచారం లేదు. సన్‌ పిక్చర్స్ బ్యానర్‌పై ఈ సినిమాను ప్రతిష్టాత్మకంగా నిర్మిస్తున్నారు. ఈ సినిమాను ఏప్రిల్ 13న విడుదల చేయనున్నారు. ఈ సినిమాకు అనిరుధ్ రవిచందర్ సంగీతం అందిస్తున్నారు.
View this post on Instagram
టాప్ హెడ్ లైన్స్
ట్రెండింగ్ వార్తలు
