Trinayani Serial Today May 13th: 'త్రినయని' సీరియల్ : రివేంజ్ ప్లాన్ చేసిన అత్తాకోడళ్లు.. విశాలాక్షి, గాయత్రీ పాప చుట్టూ మంటలు!

Trinayani Serial Today Episode : తమను తేనెటీగలతో కుట్టించిన విశాలాక్షి అంతు చూడాలని తిలోత్తమ, వల్లభ, సుమన విశాలాక్షి ముఖం కాల్చేయాలని ప్లాన్ చేయడంతో ఇవాళ్టి ఎపిసోడ్ ఆసక్తికరంగా మారింది.

Image Credit: Zee5/YouTube

Trinayani Today Episode తిలోత్తమ, సుమన, వల్లభలు బంగారు కొబ్బరి కాయ పగలగొట్టడంతో తేనెటీగలు వచ్చి ముగ్గురిని కుట్టేస్తాయి. ఇక సుమన కోసం గంజి పట్టుకొని నయని వస్తుంది. సుమన ముఖానికి రాస్తుంది.  

సుమన: ఇక చాల్లే ఆపు అక్క నిన్ను చూసుకొని మా ఆయన దెప్పిపొడుపు ఎక్కువ అయిపోయింది. వెళ్లు అక్క.

తిలోత్తమ, వల్లభలు కూడా ఇబ్బంది పడతారు. తిలోత్తమ తడిగుడ్డ వేసుకుంటే వల్లభ చిన్న ఫ్యాన్ పెట్టుకుంటాడు. ఇక హాసిని వచ్చి కూలింగ్ పౌడర్ తీసుకొచ్చానని రాస్తే ఉపశమనం ఉంటుందని చెప్తుంది. ఇద్దరిని కళ్లు మూసుకోమని చెప్పి వారి ముఖాన పౌడర్ విసిరి పెయింట్ బ్రష్‌తో ముఖానికి రుద్దేస్తుంది. హాసిని చేష్టలకు తిలోత్తమ తిట్టి పంపేస్తుంది. 

మరోవైపు విశాలాక్షి ధ్యానంలో ఉంటుంది. వల్లభ, తిలోత్తమలు చూస్తారు. విశాలాక్షి గారడి వల్లే ముగ్గురికి తేనెటీగలు కుట్టాయని, ముగ్గరు విశాలాక్షిని చూసి తిట్టుకుంటారు. అందరూ తమని చూసి నవ్వుకున్నారని. బదులు తీర్చుకోవాలి అని అనుకుంటారు.

సుమన: తేనెటీగలు కుట్టిన మన ముఖం చూసి నవ్వుకున్న అందరూ ఇప్పుడు ఆ విశాలాక్షి ముఖం చూసి నవ్వుకోవాలి.    

తిలోత్తమ: అసలు ఆ ముఖమే చూడకండా చేస్తే..

సుమన: ఎలా అత్తయ్య.

తిలోత్తమ: ఇలా.. అంటూ ఓ బాటిల్ చూపిస్తుంది. సెంటులా కనిపించే అది ఒంటికి వేస్తే పక్క నుంచి నిప్పు తగిలితే మండి పోతుందని అంటుంది. 

ఇక సుమన ఆ సెంటుని విశాలాక్షి ముఖం మీద కొట్టాలని వెళ్తుంది. అప్పుడే అక్కడికి గాయత్రీ పాప వస్తుంది. అది చూసిన సుమన ఈ పిల్ల చెప్తుందా అనుకుంటుంది. అయినా అది ఎవరికీ చెప్పలేదు అనుకొని విశాలాక్షి ముఖానికి, ఒళ్లంతా పూసేస్తుంది. తిలోత్తమ, వల్లభలు కూడా ఏం చేస్తుంది అని షాక్ అయిపోతారు.

తిలోత్తమ: అదేంటి సుమన అలా కొట్టేశావు.

సుమన: కాలితే కాలిందిలే అత్తయ్య మళ్లీ జన్మలో మన జోలికి రాదు. 

వల్లభ: మరీ అంత కొట్టేశావు దూరంగా ఉండి హారతి ఇవ్వు.

సుమన: నా జాగ్రత్తలో నేను ఉంటాను.

ఇక అందరూ అక్కడికి వస్తారు. అందరూ హాల్‌లో మంచి సువాసన వస్తుందని అనుకుంటారు. 

తిలోత్తమ: అలా అనిపిస్తుందా సుమన పూజ గదిలో విశేష పూజ చేసుకుంటుంది. దాని ప్రభావం అని మాకు అనిపిస్తుంది. 

వల్లభ: ఈరోజు ఏదో విశేష దినం అని చెప్పింది నాకు అర్థం కాలేదు.

దురంధర: విక్కీకి చెప్పకుండా నీకు బాగానే చెప్పింది వల్లభ.

ఇంతలో సుమన పూజ పూర్తి అయిందని చెప్పి హారతి పట్టుకొని వస్తుంది. అందరూ షాక్ అయిపోతారు. సుమన పూజ చేయడం వింతగా ఉందని అంటారు. సుమన కవర్ చేస్తూ అందరికీ హారతి ఇస్తుంది. ఇక విశాలాక్షికి హారతి ఇచ్చే టైంకి గాయత్రీ పాప విశాలాక్షి ఒడిలో కూర్చొంటుంది. దీంతో సుమన షాక్ అయిపోతుంది. వల్లభ విశాలాక్షికి హారతి ఇవ్వొద్దని అంటాడు. ఎందుకు అలా అని విశాల్ అడుగుతాడు. పర్వాలేదు అని హారతి ఇవ్వమని విశాలాక్షి అంటుంది. ఇక సుమన విశాలాక్షికి హారతిని కొంచెం దూరం నిల్చొని ఇస్తుంది. 

విశాలాక్షి కాస్త దగ్గరకు వచ్చి హారతి ఇవ్వమని అంటుంది. సుమన కంగారుగా వెళ్తుంది. దగ్గరకు రమ్మన్న కొద్ది సుమన భయపడుతుంది. తిలోత్తమ కవర్ చేస్తుంది. సుమనకు సపోర్ట్ చేస్తుంది. సుమన విశాలాక్షి దగ్గరకు వెళ్తూ కంగారులో పళ్లెం పడేస్తుంది. దీంతో విశాలాక్షి, గాయత్రీ పాప చుట్టూ అగ్గి అంటుకుంటుంది. దీంతో అందరూ హడావుడి చేస్తారు. దాంతో విశాలాక్షి తమకు ఏమీ కాదు అని కంగారు పడొద్దని చెప్తుంది. దీంతో ఇవాళ్టి ఎపిసోడ్ పూర్తవుతుంది.