![ABP Premium](https://cdn.abplive.com/imagebank/Premium-ad-Icon.png)
Trinayani Serial Today February 26th: ‘త్రినయని’ సీరియల్: ఉలూచి విషం వెనక్కి పీల్చిన పెద్దబొట్టమ్మ – సుమనకు గన్ ఎక్కుపెట్టిన నయని
Trinayani Today Episode: పెద్దబొట్టమ్మను చంపేందుకు సుమన రావడంతో సుమనకు నయని గన్ ఎక్కుపెట్టడంతో ఇవాళ్టీ ఎపిసోడ్ ఎంతో ఇంట్రస్టింగ్ గా జరిగింది.
![Trinayani Serial Today February 26th: ‘త్రినయని’ సీరియల్: ఉలూచి విషం వెనక్కి పీల్చిన పెద్దబొట్టమ్మ – సుమనకు గన్ ఎక్కుపెట్టిన నయని Trinayani serial today episode February 26th written update Trinayani Serial Today February 26th: ‘త్రినయని’ సీరియల్: ఉలూచి విషం వెనక్కి పీల్చిన పెద్దబొట్టమ్మ – సుమనకు గన్ ఎక్కుపెట్టిన నయని](https://feeds.abplive.com/onecms/images/uploaded-images/2024/02/26/615bfaacf5f0774aa532059f577ebd861708889572579879_original.jpg?impolicy=abp_cdn&imwidth=1200&height=675)
Trinayani Serial Today Episode: కోపంగా లోపలికి వెళ్లిన సుమన కత్తి తీసుకుని ఆవేశంగా పెద్దబొట్టమ్మ నా బిడ్డను కాటేశాకా నేను ఊరుకుంటానా? మా అక్క ముందే నాకు ఈ విషయం చెప్పి ఉంటే నేను జాగ్రత్త పడేదాన్ని అనుకుంటుంది. బయట పెద్దబొట్టమ్మ కోసం వెతుకుతున్న నయనికి పెద్దబొట్టమ్మ ఎదురుగా వస్తుంది. వెంటనే నయని కట్టు కడుతుంది. దీంతో పెద్దబొట్టమ్మ ఏడుస్తూ పాము కనిపిస్తే కర్రతో కొట్టే మనుషులున్న ఈలోకంలో నువ్వు నాకు ప్రాణం పోస్తున్నావు అంటూ ఏడుస్తుంది. దీంతో ఇప్పుడవన్నీ ఎందుకు నువ్వు వచ్చి విషం వెనక్కి తీసుకుంటేనే ఉలూచి పాప బతుకుతుందని నయని చెప్తుంది. ఇప్పుడు నన్ను ఆ సుమన లోపలకి రానిస్తుందా? అని అడుగుతుంది పెద్దబొట్టమ్మ. పాప కోసమైనా రానిస్తుందని నయని చెప్పగానే సరే వస్తాను పద అని ఇద్దరూ లోపలికి వస్తారు. మరోపక్క లోపల సుమన నా బిడ్డకు గాయం చేసిన పెద్దబొట్టమ్మను పొడుస్తాను అని కత్తి తన చీరలో దాచిపెడుతుంది.
తిలోత్తమ: పిల్లను వదిలేసి తల్లి ఎక్కడికి వెళ్లింది.
వల్లభ: పిల్లను బతికించమని ముక్కోటి దేవతలను అర్థించటానికి వెళ్లిందేమో మమ్మీ
ఎద్దులయ్య: అవసరం లేదు పుత్రా నాగులమ్మని అర్థిస్తే చాలు. తిరిగి ఇంట్లోకి వచ్చి బిడ్డకు చేసిన గాయం దగ్గర నోరు పెట్టి పీలిస్తే చాలు.
విశాల్: నయని ఇంకా రాలేదు.
విక్రాంత్: పెద్దబొట్టమ్మ ఒకవేళ రాకపోతే
అనగానే నయని, పెద్దబొట్టమ్మ లోపలికి వస్తారు. పెద్దబొట్టమ్మ అందరికీ క్షమాపణ చెప్తుంది. సుమన లోపలి నుంచి వస్తుంది. బిడ్డను రెండు చేతులతో ఎత్తుకోమని విషం పీలుస్తానని పెద్దబొట్టమ్మ చెప్పడంతో నేను ఎత్తుకోను అంటుంది సుమన. ఇంతలో తిలొత్తమ్మ పాపను ఎత్తుకుంటుంది. పెద్దబొట్టమ్మ వచ్చి పాప విషాన్ని పీల్చుకుంటుంది. సుమన పెద్దబొట్టమ్మను కత్తితో పొడవబోతుంటే..
నయని: చెల్లి నువ్వు అటువైపు ఏం పెట్టుకున్నావో తెలియదు కానీ నేను ఇటువైపు ఏం పెట్టానో చూడు
అని చెప్పగానే సుమన చూస్తుంది. నయని రివాల్వర్ పెట్టి ఉండటం చూసి షాక్ అవుతుంది.
నయని: పాము కాటుకు గురైన పసిపాపను వదిలేసి నువ్వు పక్కకు వెళ్లావంటే నువ్వు ఏదో ఒకటి చేస్తావని నాకు తెలుసు అందుకే నా ఏర్పాట్లలో నేనున్నాను. ఏం తెచ్చావు.
సుమన: కత్తి
నయని: కత్తి బయటకు తీసేలోపు నేను నీ ప్రాణం తీసేస్తాను.
అనగానే సుమన పాపను తీసుకుంటుంది. ఇక ఉలూచికి ఏమీ కాదని పెద్దబొట్టమ్మ చెప్తుంది. అరగంట పాటు పాలు పట్టొద్దని చెప్పి వెళ్లిపోతుంది. నీకు గాయం చేసినందుకు నన్ను క్షమించు అని సుమన అడుగుతుంది. తర్వాత బెడ్రూంలో ఉన్న సుమన దగ్గరకు విక్రాంత్ వచ్చి ఎందుకు హత్య చేయాలనుకున్నావు అంటూ నిలదీస్తాడు. మీరు నన్ను అపార్థం చేసుకుంటున్నారు తప్పా పెద్దబొట్టమ్మను అనుమానించడం లేదు అంటూ ప్రశ్నిస్తుంది సుమన. దీంతో ఇద్దరి మధ్యన గొడవ జరుగుతుంది. మరోవైపు విశాల్ గార్డెన్లో వర్క్ చేసుకుంటుంటే నయని వస్తుంది.
విశాల్: నయని ఉలూచికి ఎలా ఉంది.
నయని: సాయంకాలం 6 గంటల వరకు నలతగా ఉంది బాబుగారు. ఎప్పుడైతే చీకటి పడిందో అప్పటి నుంచి తనను పట్టతరం కావడం లేదు.
విశాల్: పాము పిల్లలా మారిపోయాకా?
నయని: అవును. అసలు తనకి ఏమీ జరగనట్టు చెప్పినా పట్టనట్టు అటు ఇటు హాయిగా తిరుగుతుంది.
అంటూ ఇద్దరూ మాట్లాడుకుంటుండగానే తిలోత్తమ్మకు యాక్సిడెంట్ అవుతున్నట్లు కనిపించడంతో నయని గాబరా పడుతుంది. అత్తమ్మకు యాక్సిడెంట్ అవుతుందని చెప్తుంది. విశాల్ షాక్ అవుతాడు. ఇంతటితో ఇవాళ్టీ ఎపిసోడ్ అయిపోతుంది.
Also Read: శారీ లుక్స్లో అనన్య పాండే ఎంత అందంగా ఉందో.. మీరు చూశారా?
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)