Trinayani August 10th: 'త్రినయని' సీరియల్: విశాల్ ను కాపాడిన నాగుపాము, దెబ్బకు షాక్ లో ఉన్న తిలోత్తమా?

విశాల్ ను తీగ నుంచి కాపాడటం కోసం నాగ పాము రావటంతో సీరియల్ ఇంట్రెస్టింగ్ గా కొనసాగుతుంది. ఇక ఈరోజు ఎపిసోడ్ లో ఏం జరిగిందో తెలుసుకుందాం.

Image credit: Zee5

Trinayani August 10th: ధ్యానంలో ఉన్న గురువు ఒకేసారి షాక్ అయ్యి కళ్ళు తెరిచి బంధాలని కూడా చూడకుండా చంపటానికి సిద్ధమయ్యారు అని అంటే తిలోత్తమా చేస్తున్న కుట్ర గురించి ఆయనకు తెలియటంతో వెంటనే ఆ ప్రమాదాన్ని ఆపాలని విశాలాక్షి అమ్మవారిని వేడుకుంటాడు. ఎలాగైనా నీ బిడ్డను కాపాడాలి అని కోరుతాడు. అప్పుడే నాగరాజు వచ్చి గురువు ఎదుట నిలబడటంతో.. నాగరాజుకు విషయం చెప్పి నేను వెళ్లేసరికి అక్కడ ఆలస్యం అవుతుంది కాబట్టి మీరు ముందుగా వెళ్ళండి.. విశాల్ ను ప్రమాదం నుండి కాపాడండి అని అంటాడు.

ఇక ఆఫీస్ కు బయలుదేరుతున్న విశాల్ దగ్గరికి నయని వచ్చి ఈ షర్ట్ ఎందుకు వేసుకున్నారు టీ షర్ట్ వేసుకోమని కంగారుగా చెబుతుంది. ఆఫీస్ కి వెళ్తున్నాను కదా టీషర్ట్ ఎలా వేసుకుంటాను అని విశాల్ అంటాడు. కానీ నయని మాత్రం కంగారు పడుతూ కనిపిస్తుండగా అప్పుడే అక్కడికి పావని మూర్తి దంపతులు వస్తారు. నయని ఏదో విషయంలో టెన్షన్ పడుతుంది అని.. నిన్ను ఆఫీసుకి వెళ్లకుండా చేయమని మాతో చెప్పింది అని.. అసలేం జరిగిందో చెప్పమని అడిగితే చెప్పట్లేదు అని అంటారు.

నయని విశాల్ ముఖం వైపు చూస్తూ మీరు వెళ్లకండి అంటూ.. ఈరోజు పిల్లలతో ఉండి ఆడుకోండి అని అనటంతో విశాల్ ఏం కంగారు పడకు నాకు ఏమీ జరగదు వెంటనే వెళ్లి వస్తాను అని అక్కడి నుంచి బయలుదేరుతాడు. తిలోత్తమా, వల్లభ ఒక వైపు దాచుకొని విశాల్ కోసం ఎదురు చూస్తూ ఉంటారు. అప్పుడే హాసిని అక్కడ ఎవరూ లేరు అని వచ్చి డాన్స్ చేస్తూ ఉంటుంది.

అదే సమయంలో విశాల్, నయని కిందికి వస్తారు. ఇక హాసిని డాన్స్ చూసి క్యారీ ఆన్ అని అంటాడు. అప్పుడే విక్రాంత్ అక్కడికి వచ్చి కొన్ని ఫైల్స్ ఇస్తాడు. పావన మూర్తి పాపని ఎత్తుకొని ఉండటంతో వెంటనే సుమన ఎప్పుడు పిల్లని ఎత్తుకొని ఉంచుతావా వాళ్ళని కాసేపు కింద ఆడుకోనివ్వు అని అంటుంది. ఇక సుమన చెప్పింది కరెక్టే అని విశాల్ అంటాడు.

నయని ఎటువంటి ప్రమాద సూచనలు లేవు అని అటు ఇటు చూస్తూ ఉంటుంది. ఇక వెంటనే తిలోత్తమా నయని తమ కోసమే చూస్తుందని వాళ్లు కూడా అక్కడికి వెళ్లి నిలబడతారు. మరోవైపు నాగరాజు రోడ్డుపై నుంచి వస్తూ ఉంటాడు. విశాల్ బయలుదేరుతూ ఉండగా నయని తుమ్ముతుంది. దాంతో ఏదో జరుగుతుందని భయపడుతూ ఉంటుంది. వెంటనే హాసిని తను నైట్ తల స్నానం చేయడం వల్ల ఇప్పుడు జలుబు చేసింది అని అంటుంది.

అప్పటికి నయని మాత్రం కంగారు పడుతూనే ఉంటుంది. విశాల్ డోర్ దగ్గరికి వెళ్ళబోతుండగా గాయత్రి పాప వచ్చి పట్టుకొని ఏడుస్తుంది. కానీ ఇంట్లో వాళ్ళు నువ్వు బయలుదేరుతున్నావని పాప  ఎదురొచ్చింది అని అంటారు. నయని మాత్రం పాపకు కూడా నువ్వు వెళ్ళటం ఇష్టం లేదు అని అంటుంది. విశాల్ మాత్రం పాపకి చాక్లెట్లు తీసుకొస్తాను అని చెప్పి అక్కడి నుంచి బయలుదేరుతుండగా నాగుపాము వచ్చి నిలబడుతుంది. అది చూసి ఇంట్లో వాళ్ళందరూ షాక్ అవుతారు.

ఇక నాగరాజు వెంటనే డోర్ వెక్కి అక్కడున్న తీగ ను చుట్టుకొని ఉండటంతో అది చూసి ఇంట్లో వాళ్ళు ఆశ్చర్యపోతారు. ఇక గాల్లో ఉన్నాడు అని హాసిని  ఆశ్చర్యపోగా గాలిలో కాదు తీగ మీద ఉన్నాడు అని గురువు చెబుతాడు. దానితో ఇంట్లో వాళ్లంతా మరింత ఆశ్చర్యపోతారు. తిలోత్తమా మాత్రం దెబ్బకు షాక్ అవుతుంది. 

also read it : Ennenno Janmala Bandham August 8th: 'ఎన్నెన్నో జన్మల బంధం' సీరియల్: ఏసీపీ దుర్గను రెచ్చగొట్టిన వేద, తండ్రి జైల్లో ఉన్నాడన్న నిజం తెలుసుకున్న ఖుషి?

Join Us on Telegram: https://t.me/abpdesamofficial