Serial Actor Chandrakanth: ‘త్రినయని’ నటి పవిత్ర జయరామ్ భర్త ఆత్మహత్య? ఆమె మరణించిన కొద్ది రోజుల్లోనే..

Serial Actor Chandrakanth: అయిదు రోజుల క్రితం కారు యాక్సిడెంట్‌లో సీరియల్ ఆర్టిస్ట్ పవిత్ర జయరామ్ చనిపోయారు. అది తట్టుకోలేని తన భర్త చంద్రకాంత్.. ఆత్మహత్య చేసుకున్నాడు.

Image Credit: Chandrakanth/Instagram

Serial Actor Chandrakanth Suicide: ఇటీవల ‘త్రినయని’ సీరియల్ నటి పవిత్ర జయరామ్.. కారు యాక్సిడెంట్‌లో మరణించింది. ఆ ఘటన మరవకముందే తన భర్త చంద్రకాంత్ ఆత్మహత్య చేసుకొని చనిపోయినట్లు వార్తలు వస్తున్నాయి. మణికొండలో తన ఇంట్లో చంద్రకాంత్ ఆత్మహత్య చేసుకొని మరణించినట్లు సమాచారం. ఈ విషయం బయటికి రాగానే ఒక్కసారి బుల్లితెర అంతా ఉలిక్కిపడింది. పవిత్ర జయరామ్ మరణాన్ని తట్టుకోలేక చంద్రకాంత్ ఈ నిర్ణయం తీసుకుని ఉంటాడని అంటున్నారు. పవిత్ర మరణించిన రోజు నుంచి చంద్రకాంత్ తన బాధను సోషల్ మీడియాలో షేర్ చేసుకుంటూనే ఉన్నాడు. చివరిగా తను లేని జీవితం వద్దని తను ఆత్మహత్య చేసుకుని ఉంటాడని అంటున్నారు. అయితే, ఈ ఘటనపై పూర్తి వివరాలు తెలియాల్సి ఉంది.

సోషల్ మీడియాలో పోస్టులు..

దాదాపు అయిదు రోజుల క్రితం ఒక కారు యాక్సిడెంట్ వల్ల సీరియల్ నటి పవిత్ర జయరామ్ చనిపోవడం బుల్లితెరపై కలకలం సృష్టించింది. తనకు క్లోజ్ అయిన బుల్లితెర నటీనటులు అంతా పవిత్ర మృతిని జీర్ణించుకోలేకపోయారు. తన భర్త చంద్రకాంత్ కూడా పవిత్ర మరణించింది అనే నిజాన్ని నమ్మలేకపోయాడు. చంద్రకాంత్ కూడా యాక్సిడెంట్ సమయంలో పవిత్రతో పాటు కారులో ఉన్నాడు. కానీ తనకు చిన్న చిన్న గాయాలతో బయటపడ్డాడు. గాయాల నుంచి కోలుకున్న తర్వాత అసలు వారి కారుకు యాక్సిడెంట్ ఎలా జరిగింది, పవిత్ర ఎలా మరణించింది లాంటి వివరాలను బయటపెట్టాడు. అంతా బాగానే ఉన్నట్టు అనిపించినా సోషల్ మీడియాలో మాత్రం ఎప్పటికప్పుడు పవిత్ర లేదని బాధతో పోస్టులు పెడుతూనే ఉన్నాడు.

రెండు రోజుల ముందే..

మూడు రోజుల క్రితం చంద్రకాంత్ పుట్టినరోజు ఉంది. అయితే తన బర్త్‌డే కోసం పవిత్ర జయరామ్ ఎడిట్ చేసిన ఒక పాత వీడియోను తన సోషల్ మీడియాలో షేర్ చేశాడు చంద్రకాంత్. ఆ వీడియోకు క్యాప్షన్‌గా ‘‘నాన్న నాకోసం రెండు రోజులు ఆగు’’ అని క్యాప్షన్ పెట్టాడు. అప్పుడు ఆ క్యాప్షన్‌ను ఎవరూ అంతగా సీరియస్‌గా తీసుకోలేదు. కానీ దీన్నిబట్టి చూస్తే పవిత్ర లేని జీవితం తనకు వద్దని జయరామ్ ముందే నిర్ణయించుకున్నట్టు తెలుస్తోంది. గత అయిదు రోజులుగా పవిత్ర లేకుండా తన జీవితం ఎలా ఉందని అప్డేట్ చేస్తూనే ఉన్నాడు ఈ నటుడు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Challa Chandu II (@chandrakanth_artist)

ముందే పెళ్లయ్యింది..

పవిత్ర జయరామ్‌కు మాత్రమే కాదు.. చంద్రకాంత్‌కు కూడా ముందే పెళ్లయ్యింది. చంద్రకాంత్‌కు భార్య శిల్పతో పాటు ఇద్దరు పిల్లలు కూడా ఉన్నారు. చంద్రకాంత్.. పవిత్రకు బాయ్‌ఫ్రెండ్ మాత్రమే అని కొందరు అంటే.. మరికొందరు మాత్రం వీరిద్దరూ పెళ్లి కూడా చేసేసుకున్నారని చెప్తున్నారు. మొత్తానికి ఈ ఇద్దరి జీవితాలు ఇలా అర్థాంతరంగా ముగిసిపోవడం బాధాకరంగా ఉందని బుల్లితెర నటీనటులు సంతాపం వ్యక్తం చేస్తున్నారు.