(Source: ECI/ABP News/ABP Majha)
Prema Entha Madhuram Serial Today September 16th: ‘ప్రేమ ఎంత మధురం’ సీరియల్‌: కొడుకుతో గొడవపడ్డ యాదగిరి – గౌరిని కిడ్నాప్ చేసేందుకు పాండు ప్లాన్
Prema Entha Madhuram Today Episode: దుబాయ్ నుంచి తిరిగొచ్చిన కొడుకుతో యాదగిరి గొడవ పడటంతో ఇవాళ్టీ ఎపిసోడ్ చాలా ఆసక్తిగా జరిగింది.
Prema Entha Madhuram Serial Today Episode: మూడు జంటలు ఒకరికి తెలియకుండా ఒకరు రాత్రికి గార్డెన్‌ లో కలుసుకుందామనుకున్న చీటి చూసి ఒకరి తర్వాత ఒకరు వస్తుంటారు. ఒకర్ని చూసి ఒకరు చెట్ల చాటున దాక్కుంటారు. చాలా ఫన్నీగా సీన్‌ జరుగుతుంది. ఇంతలో ఫేస్‌ ప్యాక్‌ పెట్టుకున్న శ్రావణిని చూసి శంకర్‌ దెయ్యం అంటూ భయపడటంతో అక్కడే దాక్కున్న అందరూ లేచి పరుగెత్తుకొస్తారు. ఒకర్ని ఒకరు చూసి షాక్‌ అవుతారు. బయటకు ఎందుకు వచ్చారని అడగ్గానే ఒక్కోక్కరు ఒక్కో అబద్దం చెప్తారు.
శ్రావణి: అక్కా నువ్వెందుకు వచ్చావు.
శంకర్‌: చెప్పండి మీ చెల్లెలు అడుగుతుంటే ఊఊ అంటారేంటి? చెప్పండి.
గౌరి: చేసిందంతా చేసి ఇప్పుడు నన్ను నిలదీస్తున్నారా?
శంకర్‌: నేనేం చేశానండి..
గౌరి: మీరే కదా నన్ను తొమ్మిదింటికి బయటకు రమ్మన్నారు.
శంకర్‌: నేను మిమ్మల్ని బయటకు రమ్మన్నానా?
గౌరి: ఇదిగో సాక్ష్యం
అంటూ చీటీ చూపిస్తుంది. ఆ చీటి చూసిన చిన్నొడు. పెద్దోడు, శ్రావణి, సంధ్య షాక్‌ అవుతారు. చీటి చూసిన శంకర్‌ ఓపెన్‌ చేసి చదివి ఈ స్లిప్‌ కు నాకు ఏటువంటి సంబంధం లేదండి అంటాడు.
శ్రావణి: మరి మీరు రాయకపోతే మా అక్క దగ్గరకు ఎలా వచ్చింది.
శంకర్‌: ఇదిగో దెయ్యం పిల్లా నీ మీద ఒట్టేసి చెప్తున్నాను. ఈ స్లిప్పుకు నాకు ఎలాంటి సంబందం లేదు.
గౌరి: ఆ రైటింగ్‌ ఎవరిదో కనిపెడితే తెలిసిపోతుంది.
శంకర్‌: ఎలా కనిపెడతారండి. ఇందలో అక్షరాలు కూడా కనిపించనంత నలిపేశారు. అయినా సరే భూతద్దంలో చూసి కనిపెట్టేస్తాను.
సంధ్య: ఆ ఇప్పుడు గుర్తొచ్చింది ఈ స్లిప్పు నాదే
శ్రావణి: నీకెవరు రాశారే..?
సంధ్య: నా ఫ్రెండ్‌ కావ్య ఉంది కదా? తను రాసింది.
అనగానే అవన్నీ కాదు కానీ నిజం చెప్పు వీళ్లల్లో ఎవరు రాశారు అని గౌరి అడగ్గానే లేదు అక్కా మొన్న ఫేర్‌ వెల్‌ పార్టీ రోజు రాసింది. అని చెప్పగానే గౌరి గిల్టీగా ఫీలవుతుంది. దీంతో శంకర్‌ నా తమ్ముళ్లనే అనుమానిస్తారా? అంటూ అయినా మీరెందుకు దాక్కున్నారురా అంటూ అడగ్గానే మీరు రావడం చూసి చాటున దాక్కు్న్నాము అని చెప్పగానే గౌరి తన చెల్లెల్లను తీసుకుని వెళ్ళిపోతుంది. మరోవైపు మార్కెట్‌ కు వెళ్లి వచ్చిన యాదగిరి, జ్యోతి తమ ఇల్లు తెరచి ఉండటం చూసి షాక్‌ అవుతారు. దొంగలు పడ్డట్టున్నారు అనుకుని కర్ర పట్టుకుని లోపలికి వెళ్తారు. లోపల రవిని చూసి జ్యోతి ఎమోషన్‌ అవుతుంది.
జ్యోతి: నాన్నా రవి ఎన్నాళ్లు అయిందిరా నిన్ను చూసి. ఇన్ని రోజుల నుంచి నీకు ఈ అమ్మ గుర్తుకు రాలేదా? ఇల్లు ఇప్పుడు గుర్తుకు వచ్చిందారా నీకు.
రవి: నేను దుబాయ్ కి వెళ్లాను అమ్మా. ఉద్యోగం పోగొట్టుకుని ఇంటికి వస్తే నాకు ఇక్కడ ఏం గౌరవం జరుగుతుందో నాకు బాగా తెలుసు.
యాదగిరి: అక్కడే ఏదో ఒక పని చేసుకుని బతక్కుండా మళ్లీ ఇక్కడికి ఎందుకు వచ్చినట్లో..
జ్యోతి: ఏంటండి.. ఏం మాటలండి అవి మన కన్నబిడ్డ మన ఇంటికి రాకుండా ఇంకెక్కడికి వెళ్తాడు.
రవి: అమ్మా మంచి ఉద్యోగం ఇస్తానని నన్ను ఒకడు మోసం చేశాడు. ఇన్ని రోజలు అక్కడ నానా చాకిరి చేశాను. ఇంక అక్కడ ఉండలేక ఇక్కడే ఏదో ఒక వ్యాపారం పెట్టుకుందామని వచ్చాను.
అని చెప్పగానే యాదగిరి కోపంగా తిడతాడు. వ్యాపారం పెట్టుకోవడానికి మనదేమయినా టాటా ఫ్యామిలా? అంటాడు. దీంతో తండ్రి కొడుకుల మధ్య గొడవ జరుగుతుంది. ఇంతలో జ్యోతి అకి దగ్గరకు వెళ్లి రవికి ఉద్యోగం అడుగుతానని చెప్తుంది. వద్దని వారిస్తాడు యాదగిరి. దీంతో ఉద్యోగం ఏంటి పిల్లను కూడా అడుగుతాను. తను మా అన్నయ్య కూతురు అడిగే హక్కు నాకుంది అంటుంది. మరోవైపు పాండు ఆటోలో వెళ్లి ఆ అమ్మాయి వచ్చి ఆటో అని పిలవగానే నువ్వు వచ్చి ఆ అమ్మాయిని ఆటో ఎక్కించుకుని నేను చెప్పిన అడ్రస్‌ కు తీసుకెళ్లు అని చెప్పి లోపలికి వెళ్లబోతుంటే గేటు దగ్గరే శంకర్‌ ఉంటాడు. దీంతో ఇవాళ్టీ ఎపిసోడ్ అయిపోతుంది.
ALSO READ: అదృష్టాన్ని తీసుకొచ్చే పుట్టుమచ్చలు, శరీరంపై ఎక్కడ ఉంటే ఏం ప్రయోజనమో తెలుసా?
టాప్ హెడ్ లైన్స్
ట్రెండింగ్ వార్తలు
