Podharillu Serial Today January 27th:నిహారిక వాళ్ల ఇంట్లో తలదాచుకున్న మహాలక్ష్మీ.. చక్రిని ఇక తిరిగి ఇంటికి వెళ్లిపొమ్మని చెప్పిన మహా....ఇప్పుడు చక్రి పరిస్థితి ఏంటి...?
Podharillu Serial Today Episode January 27th: నిహారిక వాళ్ల ఇంట్లో తలదాచుకున్న మహాలక్ష్మీ.. చక్రిని ఇక తిరిగి ఇంటికి వెళ్లిపొమ్మని చెప్పిన మహా....ఇప్పుడు చక్రి పరిస్థితి ఏంటి...?
Podharillu Serial Today Episode: తండ్రి ప్రతాప్ను చూసేందుకు ఆస్పత్రికి వచ్చిన మహాకు అన్ని అవమానాలే ఎదురవుతాయి. చివరకు వాళ్ల అమ్మకూడా తండ్రిని చూడటానికి అంగీకరించదు. దీంతో వదిన నిహారిక ఆమెను బయటకు తీసుకొచ్చి బుజ్జగిస్తుంది. ఇప్పుడు వీళ్లు ఉన్న కోపంలో మీనాన్నను చూడటం సాధ్యం కాదని...నువ్వు వెళ్లి మా ఇంట్లో ఉండమని చెబుతుంది. సమయం చూసుకుని నేనే నీకు కబురు చేస్తానని ఒప్పిస్తుంది. నేను మా అమ్మానాన్నకు అన్ని విషయాలు చెప్పానని నిన్ను ఇంట్లోకి రానిస్తారని చెబుతుంది. దీంతో చక్రి, మహా ఇద్దరూ నిహారిక వాళ్ల పుట్టింటికి వెళ్తారు.
మహా రావడం చూసిన నిహారిక తల్లిదండ్రులు....నువ్వు ఒక్కదానివే లోపలికి రావాలని ఆ అబ్బాయి వస్తే మాత్రం వెళ్లిపోండని ముఖానే చెబుతారు. దీంతో మహా చక్రిని పక్కకు తీసుకెళ్లి మాట్లాడుతుంది. ఇప్పుడు నేను ఇక్కడ ఉండటం ఎంతో అవసరమని...మానాన్న కోలుకోగానే ఆయనకు నిజం చెప్పేస్తానని తప్పకుండా నన్ను అర్థం చేసుకుంటారని అంటుంది. నేను చేసిన పనికి వీళ్లు ఎలా అవమానిస్తారో నాకు బాగా తెలుసుని నాకోసం మీరు అవమానాలు పడటం ఇష్టం లేదని చెబుతుంది. వాళ్లు నిన్ను లోపలికి రావొద్దని అన్నందుకు ఏమీ అనుకోవద్దని చెబుతుంది. మానాన్న నన్ను అర్థం చేసుకున్న తర్వాత బహుశా నేను అక్కడికి రావాల్సిన అవసరం కూడా ఉండకపోవచ్చు కాబట్టి ఇక మీరు వెళ్లిపోండని అంటుంది.
మనకు జరిగింది నిజం పెళ్లి కాదు కాబట్టి నేను ఇదే విషయాన్ని మా నాన్నుకు చెప్పి ఒప్పిస్తానని అంటుంది. మీ ఇంట్లో వాళ్లు నన్ను చాలా బాగా చూసుకున్నారని...మీ అన్నయ్యుకు కూడా థ్యాంక్స్ చెప్పమని చెబుతుంది. వీలుచూసుకుని వచ్చి మీ ఇంట్లో ఉన్న నా బట్టలు తెచ్చుకుంటానని చెబుతుంది. వీళ్లు నీకు ఏమైనా హాని తలపెడతారేమోనని చక్రి భయపడతాడు. మీ అన్నయ్య అసలే కోపంగా ఉన్నాడని ఎందుకైనా మంచిది నేను ఇక్కడే ఉంటానని అంటాడు. నువ్వు ఇక్కడే ఉంటే...మనకు జరిగింది ఉత్తిత్తి పెళ్లి అని వీళ్లు నమ్మరని....నిన్ను శాశ్వతంగా వదిలేసి వచ్చానంటేనే నమ్ముతారని మహాలక్ష్మీ అంటుంది. నాకు ఏం జరగదని కన్నకూతురుని చంపేంత దుర్మార్గుడు మానాన్న కాదని అని చెప్పి చక్రిని అక్కడి నుంచి పంపించేస్తుంది.
మహా ఒక్కరోజులోనే ఇంటి నుంచి వెళ్లిపోవడంతో ఊరివాళ్లతో పాటు మాధవ్ వద్ద పనిచేసేవాళ్లు కూడా నిలదీస్తారు. మీ అత్తపెట్టిన శాపం నిజమయ్యేలా ఉందని అందరూ అనుకుంటున్నారని...మీ ఇంట్లో అడుగుపెట్టిన అమ్మాయి ఒక్కరోజులోనే వెళ్లిపోయిందని అనుకుంటున్నారని అంటారు. ఇంటికి రాగానే ఇంట్లో వాళ్ల నాన్న కూడా ఇదే మాట అంటాడు. బయట ముఖం చూపించుకోలేకుండా ఉన్నామని అంటాడు. అసలు ఈ చక్రిగాడు నిజంగానే ఆ అమ్మాయి ఇష్టంతోనే పెళ్లిచేసుకున్నాడా అని అంటాడు. ఆఅమ్మాయి కూడా ఇష్టంతోనే వచ్చిన సంగతి చూశాం కదానాన్న అని మాధవ్ బదులిస్తాడు. అయితే ఈ ఊరి జనాలు మొత్తానికి తెలిసేలా...ఆ అమ్మాయి మన ఇంట్లో ఉండటానికే వచ్చిందని అర్థమయ్యేలా పెద్ద రిసప్షన్ పెట్టండని అంటాడు. వాళ్ల నాన్న చెప్పింది కూడా బాగానే ఉందని మాధవ్,కేశవ్ అనుకుంటారు.
నిహారిక మహాకు ఫోన్ చేసి మీనాన్నకు ఆరోగ్యం బాగానే ఉందని....ప్రాణాపాయం తప్పిందని చెబుతుంది. ఇప్పుడే స్పృహలోకి వచ్చారని అంటుంది. దీంతో మహా కొంచెం ఊరట చెందుతుంది. రేపు ఉదయం మీ అన్నయ్య ఆఫీసుకు వెళ్లిపోతారని అప్పుడు మామయ్య దగ్గర నేను ఒక్కదాన్నే ఉంటాను కాబట్టి నువ్వు వచ్చి మీ నాన్నతో మాట్లాడమని చెబుతుంది. దీనికి మహా సరేనంటుంది. ఉదయం వెళ్లిన చక్రి ఫోన్ చేయకపోయేసరికి మాధవ్ తమ్ముడికి ఫోన్ చేసి మాట్లాడతాడు. ఇక్కడ అంతా బాగానే ఉందని చక్రి అంటాడు. ఊరిలో వాళ్లు నానా రకాలుగా మాట్లాడుకుంటున్నారని...కాబట్టి నువ్వు మహాతోనే తిరిగి రావాలని గట్టిగా చెబుతాడు. మహా ఏం చెప్పిందో అన్నయ్యకు చెప్పలేక చక్రి సతమతమవుతుంటాడు.
టాప్ హెడ్ లైన్స్
ట్రెండింగ్ వార్తలు
