Podarillu Serial Today May 22th: పొదరిళ్లు టుడే ఎపిసోడ్: మహా నాన్న ప్రతాప్ సంచలనం! కూతుర్ని ఇంటికి తీసుకెళ్తానని ఛాలెంజ్

Podarillu Serial Today Episode May 22th: చక్రితో ఛాలెంజ్‌ చేసిన ఉక్రోశంతో మహాను తీసుకెళ్లడానికి వచ్చిన ప్రతాప్‌..మారిపోయానంటూ కూతురిని నమ్మించి మోసం చేయడంతో ఆసక్తిగా మారిన పొదరిల్లు ఏపీసోడ్‌

పొదరిల్లు సీరియల్

Source : YOUTUBE

Show Quick Read

Key points generated by AI, verified by newsroom

• మహాలక్ష్మి తండ్రి ప్రతాప్ చక్రిని సవాలు చేస్తాడు.
• వారం రోజుల్లో కూతుర్ని ఇంటికి తీసుకెళ్తానని ప్రతాప్ హెచ్చరిస్తాడు.
• చక్రి తన బాధను, భయాన్ని కేశవ్‌తో పంచుకుంటాడు.
• ప్రతాప్ మహాలక్ష్మి ఇంటికి వచ్చి, ఆమెను ఇంటికి తీసుకురావాలని కోరుతాడు.

Podarillu Serial Today Episode: పొదరిళ్లు టుడే ఎపిసోడ్‌లో పెద్ద ఎమోషన్ డ్రామా! మహాలక్ష్మి తండ్రి ప్రతాప్‌ చక్రిని ఛాలెంజ్ చేస్తూ కూతుర్ని వారం రోజుల్లో ఇంటికి తీసుకెళ్తానని హెచ్చరిక చేస్తాడు. చక్రి బాధపడగా, ప్రతాప్ మహా ఇంటికి వచ్చి భావోద్వేగాలు రెచ్చగొడతాడు. పూర్తి ఎపిసోడ్ వివరాలు ఇక్కడ చదవండి. 

చక్రి చాలా బాధగా కేశవ్‌ షాప్‌దగ్గరకు వెళ్తాడు.ఏమైందిరా అలా ఉన్నావని అడిగితే....ఏంలేదని అబద్ధం చెబుతాడు.డబ్బులు ఏమైనా కావాలా అని అడుగుతాడు.అలాంటిదేమీలేదని చక్రి చెబుతాడు. మరి ఎందుకు అలా ఉన్నావని అడగ్గా....నిన్న మహావాళ్ల నాన్నను కలిశానని చెబుతాడు.ఆయన నిన్ను కలవడం ఏంటిరా అని నిలదీస్తాడు.అసలు నువ్వువాళ్ల ఇంటికి ఎందుకు వెళ్లావని కేశవ్ ప్రశ్నిస్తాడు.  నేను వెళ్లలేదని....ఆయనే వాళ్ల ఫ్రెండ్‌తో కలిసి నా కారు ఎక్కారని చెబుతాడు. దాదాపు 45 నిమిషాలపాటు గొడవపడుతూనే ఉన్నాడని చెబుతాడు. వారంరోజుల్లో తన కూతురు మనసు మార్చి ఇంటికి తీసుకెళ్లిపోతాడని ఛాలెంజ్‌ చేశాడని చెబుతాడు. అందుకే భయంగా ఉందని అంటాడు. ఆయన  తీసుకెళ్తే మాత్రం మహాలక్ష్మీ వెళ్తుందా అని కేశవ్ అంటాడు. కన్నతండ్రి కదరా  కన్నీళ్లు పెట్టుకుంటే కరిగిపోతుందేమోనని భయంగా ఉందని అంటాడు. నువ్వు ఏం భయపడకని....తన కాళ్లమీద తాను నిలబడేవరకు మహా ఆఇంటికి వెళ్లదని....ఒకవేళ బలవంతంగా తీసుకెళ్తే మేం ఉన్నాం కదా అని భరోసా ఇస్తాడు.

హైదరాబాద్‌ నుంచి ఇంటికి వెళ్లిన  ప్రతాప్‌ వీరావేశంతో చిందులు తొక్కుతుంటాడు.కొడుకును గట్టిగా పిలవడంతో భార్య లలిత వచ్చి ఏమైందండీ అని అడుగుతుంది. ఇంతలో ఆది వచ్చి ఏమైంది నాన్నా అని అంటాడు.ఇవాళ మీ నాన్న పరువుపోయిందని అంటాడు. నేను వస్తుంటే నా కారు డోర్‌ తెరిచి చేతులు కట్టుకుని నిలబడే ఆ డ్రైవర్‌గాడు....ఇవాళ నా ఎదురుగా నిల్చుని నాకే ఛాలెంజ్‌ విసిరాడని అంటాడు. దమ్ముంటే నీ కూతురిని మీ ఇంటికి తీసుకెళ్లమని సవాల్‌ విసురుతాడా అని ఆవేశంతో ఊగిపోతాడు. అసలు వాడిని మీరు ఎందుకు కలిశారని ఆది అడగ్గా....మా ఫ్రెండ్‌ను కలవడానికి వెళ్లానని కారు సర్వీసింగ్‌కు ఇస్తే....క్యాబ్‌ బుక్ చేయగా వీడు వచ్చాడని అంటాడు.  ఎట్టి పరిస్థితుల్లోనూ మహాను వారం రోజుల్లో ఇంటికి తీసుకురావాలని అంటాడు.కూతురు ముందు ఓడిపోయినా తట్టుకున్నానని...ఇప్పుడు ఆ డ్రైవర్‌గాడి ముందు ఓడిపోతే తట్టుకోలేనని అంటాడు. మహాలక్ష్మీ మనమాట వినడం లేదు కదండీ అని భార్య లలిత అంటుంది. కన్నీళ్లతో కాళ్లు కడిగి మరీ ఇంటికి తీసుకొస్తానని...ఆ తర్వాత ఇక్కడ నుంచి అది అక్కడికి వెళ్లదని అంటాడు. దీనికోసం ఎంత కిందకైనా దిగుతానని చెబుతాడు.మహాను ఇంటికి తీసుకొచ్చేందుకు తనవద్ద ఓఐడియా ఉందని వాళ్లకు చెబుతాడు.

మహా దగ్గరకు వెళ్లిన చక్రి...ఈరోజు మీనాన్నగారు కలిశారని చెబుతాడు.  దీంతో మహా చాలా ఆనందపడిపోతుంది. ఎవరో ఫ్రెండ్‌ను కలవడానికి వచ్చారని...అలా నా కారు ఎక్కారని అంటాడు. ఏమైనా గొడవపడ్డారా అంటే....ఎక్కిన దగ్గర  నుంచి గొడవపడుతూనే ఉన్నారని చెబుతాడు. కానీ నేనే ఆయన కోపం అర్థం చేసుకుని నోరు మెదపలేదని అంటాడు. ఆయన వయసుకు గౌరవం ఇచ్చి మాట్లాడకుండా ఉండిపోయానని అబద్ధం చెబుతాడు. త్వరలోనే మీ నాన్న నీకోసం వస్తారన్న నమ్మకం నాకు ఉందని చెబుతాడు.ఈ  మాటలకు మహాలక్ష్మీ మరింత సంతోషపడుతుంది.

చక్రి అన్నట్లుగానే ప్రతాప్‌ కూతురు ఇల్లు వెతుక్కుంటూ ఆ కాలనీకి వస్తాడు.వాళ్లఇల్లు తెలియక వెతుకుతుండగా...మాధవ్‌ చూసి ప్రతాప్‌ను ఇంటికి తీసుకొస్తాడు.అప్పుడే మహా ఇల్లు దులపడం చూసిచాలా బాధపడిపోతాడు.తండ్రిని చూడగానే మహా సంతోషంతో పరుగెత్తుకుంటూ వెళ్తుంది.నువ్వు చాలా పెద్దదానివి అయిపోయావమ్మా అని అంటాడు. ఇంటి పనులు కూడా చేస్తున్నావు అని మెచ్చకుంటాడు.నేను పగలు,ప్రతీకారాలు అన్నీ పక్కనపెట్టి నీకోసం దిగి వచ్చానని చెబుతాడు. ఆ మాటలకు మహా కరిగిపోతుంది. ఇంతలో చక్రి,కేశవ్‌ కూడా వస్తారు. కూతురు,అల్లుడిని ఇంటికి తీసుకెళ్తానని ప్రతాప్‌ అడగడంతో అందరూ షాక్‌ తింటారు.

పాత్ర	ఈ ఎపిసోడ్‌లో ఏం జరిగిం
ప్రతాప్‌	చక్రిని ఛాలెంజ్ చేసి మహాను ఇంటికి తీసుకెళ్లాలని నిర్ణయం
చక్రి	ప్రతాప్‌తో గొడవ, భయం, బాధ
మహాలక్ష్మి	తండ్రిని చూసిన సంతోషం
కేశవ్‌	చక్రీకి ధైర్యం చెప్పాడు

మరిన్ని చదవండి

పొదరిల్లు: మహాకు ఎవరిపై ప్రేమ ఉందో తేల్చుకుందామని చక్రితో ప్రతావ్‌ ఛాలెంజ్‌....మామా అల్లుళ్ల పోటాపోటీ సవాల్‌

పొదరిల్లు సీరియల్ చక్రీ భార్య, కొడుకుని చూశారా!