Meghasandesham Serial Today September 10th: ‘మేఘసందేశం’ సీరియల్‌: గగన్ ఐ లవ్ యూ చెప్పిన భూమి – భూమిని తోసేసిన గగన్

Meghasandesham Today Episode: గగన్ కు తన ప్రేమ విషయం చెప్పగానే తనను దూరం పెట్టేస్తాడేమోనని భూమి భయపడటంతో ఇవాళ్టీ ఎపిసోడ్ చాలా ఆసక్తిగా జరిగింది.

Image Credit: ZEE5

Source : Image Credit By: ZEE5

Meghasandesham Serial Today Episode: భూమి ఆనందంతో ఏడుస్తూ వెళ్లి గగన్‌ ను హగ్‌ చేసుకుంటుంది. ఏమైందని గగన్‌ అడగ్గానే నేనెవరో తెలుసా? నీ మనసులో ఉన్న నీ మువ్వని అని భూమి జరిగిన విషయం మొత్తం గగన్‌ కు గుర్తు చేస్తుంది. గగన్‌ దాచుకున్న మువ్వను తీసి చూపిస్తుంది భూమి. అది చూడగానే గగన్‌ ఎమోషనల్‌ అవుతాడు.

భూమి: ఈ మువ్వ మా అమ్మది. మా అమ్మ నాకు ప్రాణం పోస్తే నువ్వు నాకు పునర్జన్మను ఇచ్చావు. నా ప్రాణాలు కాపాడినందుకు ఏమిచ్చి నేను మీ రుణం తీర్చుకోగలను.

గగన్‌: ఆ పాప నువ్వా.. అప్పటికి కనీసం కళ్లు కూడా తెరవలేదు. కానీ ఆ పాప దగ్గర దొరికిన మువ్వ మీ అమ్మదే అని నువ్వు ఎలా చెప్తున్నావు. ఆ పాప నువ్వే అని నీకెలా తెలుసు?

   అని గగన్‌ అడగ్గానే భూమి జరిగిన విషయం మొత్తం తనకు తెలిసింది మొత్తం చెప్తుంది. అందరూ అనుకుంటున్నట్లు మా అమ్మ కడుపులో బిడ్డతో చనిపోలేదు. చనిపోయేముందు నేను చనిపోకుండా నన్ను బొమ్మలో పెట్టి బయటకు విసిరేసింది. ఆ బొమ్మలో ఉన్న నన్ను మీరు కాపాడారు. లేదంటే ఏమైపోయేదాన్ని. ఆరోజు మీరు కాపాడారు కాబట్టే నేను బతికాను అని భూమి చెప్తుంది. అసలు ఇదంతా నీకెలా తెలుసు అని గగన్‌ అడగ్గానే ఆరోజు నన్ను కిడ్నాప్‌ చేసిన నాగు నాకు మొత్తం చెప్పారు అంటుంది.

 భూమి: ఈరోజే తెలిసింది ప్రముఖ నాట్యకారిణి శోభాచంద్ర గారు మా అమ్మ. పెద్ద బిజినెస్‌ మాన్‌ శరత్‌చంద్ర మా నాన్న. అది నా ఇల్లు. వాళ్లందరూ నావాళ్లు. ఈరోజు నేను బతికి ఉన్నానన్నా.. దానికి కారణం మీరు. ఐ లవ్‌ యూ..

 అని భూమి గగన్‌ ను హగ్‌ చేసుకుంటుంది. దీంతో శరత్‌చంద్రతో తనకు గొడవ అయిన విషయం గుర్తు చేసుకుంటాడు గగన్‌.

గగన్‌: వదులు..

భూమి: వదలను.. ఇప్పుడే కాదు ఎప్పటికీ వదలను మీరంటే నాకు అంత ఇష్టం.

గగన్‌: నాకు ఇష్టం లేదు.

భూమి: నేను రాగానే ఇష్టపడ్డానా? అలాగే నాలుగు రోజులైతే మీరు ఇష్టపడతారు.

గగన్‌: అది ఈ జన్మకు జరగదు.

భూమి: ఏ జన్మలోనో రాసింది కాబట్టే ఈ జన్మలో కలిశాము. కలిసే ఉంటాం.

అనగానే జరగదని చెప్పానా? అని కోపంగా గగన్‌ చెప్పగానే భూమి ఎప్పటికైనా జరుగుతుంది అని భూమి చెప్పగానే ఏ ఇంటినైతే నా లోకం నుంచి తీసేశానో ఏ బంధం అయితే నాకు వద్దని వదిలేసుకున్నానో ఆ బంధం నీ నుంచి వస్తుందని తెలిస్తే నిన్ను ఆరోజే వదిలేసే వాణ్ని అంటూ గగన్‌ తనను దూరంగా నెట్టివేసినట్టు ఆటోలో వస్తూ కలగంటుంది భూమి. భయంగా గగన్‌ ఆఫీసులోకి అడుగుపెడుతుంది. తనతో పాటు తీసుకొచ్చిన ఫోటో పక్కన పెట్టి గగన్‌ చాంబర్‌ లోకి వెళ్తూ.. ముందు తనమీద ప్రేమను పుట్టించుకుంటే తర్వాత ఎలాగైనా చేయోచ్చని అనుకుంటుంది.

భూమి: లోపలికి రావొచ్చా గగన్‌ గారు.

గగన్‌: నీ మాట మారింది. తీరు మారింది. ఏదో తేడాగా ఉందే..

భూమి: ఇదిగో తలతిక్క గారు నేనేం మారలేదు.

గగన్‌: ఇది కదా వర్జినల్‌.

భూమి: అయ్యో లేదండి.. అలవాటులో పొరపాటులా వచ్చింది. ఇంకెప్పుడూ మీకు కోపం తెప్పించను.

 అంటూ ప్రేమగా మాట్లాడుతూ.. గగన్‌కు కాఫీ కలిపిస్తానని.. పూరికి డాన్స్‌ నేర్పిస్తానని.. ఆంటీకి ఇంట్లో సాయం చేస్తానని చెప్తుంది భూమి. ఇంతలో భూమి కలిపి ఇచ్చిన కాఫీ బాగాలేని గగన్‌ నా కాఫీ నేనే కలుపుకుంటానని వెళ్లి కాఫీ కలుపుకుంటాడు. గగన్‌ వదిలేసిన కాఫీని భూమి తాగుతుంది. మరోవైపు పూరి మాటలు గుర్తు చేసుకున్న కృష్ణప్రసాద్‌ శారదకు ఫోన్‌ చేయడంతో ఇవాళ్టీ ఎపిసోడ్‌ అయిపోతుంది.